پیپلزپارٹی سندھ کی سب سے بڑی دشمن جماعت ہے،احمد شیخ
اشاعت کی تاریخ: 17th, February 2025 GMT
ٹنڈوجام (نمائندہ جسارت )جئے سندھ قومی محاذ تعلقہ حیدرآباد دیہی ٹنڈو جام کے چیف آرگنائزر احمد شیخ کی قیادت میں دریائے سندھ کے پانی پر ڈاکے اور دریائے سندھ سے 6 غیر قانونی نہریں نکالنے کے خلاف احتجاجی پیدل مارچ کیا گیا پیپلزپارٹی سندھ کی سب سے بڑی دشمن جماعت ہے اس نے اپنے ذاتی مفادات کے لیے ہمیشہ سندھ کے حقوق کا سودا کیا ہے۔ تفصیلات کے مطابق جئے سندھ قومی محاذ کے زیر اہتمام احتجاجی مارچ کھیسانہ موری سے ٹنڈو جام پریس کلب تک کیا گیا جس میں مختلف سیاسی و سماجی تنظیموں کے رہنماؤں، کارکنوں اور عام شہریوں نے بڑی تعداد میں شرکت کی۔ احتجاج کے دوران مظاہرین نے دریائے سندھ سے غیر قانونی نہریں نکالنے کے خلاف شدید نعرے بازی کی اور مطالبہ کیا کہ سندھ کے پانی پر ہونے والا ڈاکا فوری طور پر بند کیا جائے، مظاہرین کے ہاتھوں میں بینرز اور پلے کارڈ تھے جن پر سندھ کے پانی کے حق میں اور غیر قانونی نہروں کے خلاف نعرے درج تھے ۔ٹنڈو جام پریس کلب کے سامنے احتجاجی مظاہرے سے خطاب کرتے ہوئے جئے سندھ قومی محاذ کے چیف آرگنائزر احمد شیخ نے کہا کہ پیپلزپارٹی سندھ کی اور سندھ کے حقوق کی سب سے بڑی دشمن جماعت ہے اس نے ہمیشہ وفاق سے مل کر سندھ کے حقوق پر اپنے ذاتی مفادات کی خاطر ڈاکا ڈالا ہے حکومت کی جانب سے دریائے سندھ سے 6 غیر قانونی نہریں نکالنا سندھ کے پانی پر ڈاکا ہے جو کسی صورت قبول نہیں کیا جائے گا ۔انہوں نے مزید کہا کہ ان غیر قانونی نہروں کی وجہ سے سندھ کی زرخیز زمینوں کو مکمل پانی نہیں ملے گا جس سے سندھ کی زمینیں بنجر ہو سکتی ہیں اور یہاں کے کسان اور آبادگار شدید متاثر ہوں گے ۔انہوں نے مزید کہا کہ سندھ کے عوام کو اپنے وسائل پر مکمل حق حاصل ہے اور سندھ کے پانی پر کسی بھی ڈاکے کو برداشت نہیں کیا جائے گا۔ انہوں نے بتایا کہ ان ڈیموں اور غیر قانونی نہروں کے خلاف سندھ کے مختلف شہروں میں احتجاجی مظاہرے کیے جا رہے ہیں اور جب تک مطالبات منظور نہیں ہوتے، احتجاج کا سلسلہ جاری رہے گا۔
.ذریعہ: Jasarat News
کلیدی لفظ: سندھ کے پانی پر دریائے سندھ کے خلاف سندھ کی
پڑھیں:
سندھ بلڈنگ، نارتھ ناظم آباد میں رہائشی پلاٹوں پر غیر قانونی کمرشل تعمیرات
بلاک اے پلاٹ ایس بی 32 پر این آر ریزیڈنسی نامی کمرشل پراجیکٹ کی تعمیر شروع
ڈائریکٹر سید ضیاء پر کارروائی نہ کرنے کے الزامات، شہریوں کی مشکلات میں اضافہ
نارتھ ناظم آباد کے رہائشی علاقوں میں رہائشی پلاٹوں پر غیر قانونی طور پر کمرشل عمارتیں تعمیر کیے جانے کے واقعات میں مسلسل اضافہ ہو رہا ہے ، جس کے نتیجے میں مقامی شہریوں کو روزمرہ زندگی میں شدید مشکلات کا سامنا ہے ۔بلاک اے پلاٹ نمبر ایس بی 32پر این آر ریزیڈنسی نامی کمرشل پراجیکٹ کی تعمیر جاری ہے جرأت سروے ٹیم سے بات کرتے ہوئے مقامی رہائشیوں کا کہنا ہے کہ علاقوں میں متعدد جگہوں پر رہائشی پلاٹوں کو تجارتی مراکز میں تبدیل کیا جا رہا ہے ، جس سے نہ صرف علاقے کا رہائشی تشخص متاثر ہو رہا ہے بلکہ ٹریفک کے مسائل میں بھی اضافہ ہوا ہے ۔ایک مقامی رہائشی عبداللہ خان نے بتایا، ’’ہماری گلیوں میں دن رات گاڑیوں کا رش لگا رہتا ہے ۔ پرانی نکاسی آب کا نظام اس تجارتی استعمال کو برداشت نہیں کر پا رہا، جس کے نتیجے میں گلیوں میں گندے پانی کے جوہڑ بن گئے ہیں۔ ’’علاقہ مکینوں نے ڈائریکٹر سندھ بلڈنگ کنٹرول اتھارٹی سید ضیاء پر غیر قانونی تعمیرات کے خلاف انہدامی کارروائی نہ کرنے کے الزامات عائد کیے ہیں ۔جبکہ محکمہ بلدیات کے ترجمان نے بتایا ہے کہ غیر قانونی تعمیرات کے خلاف کارروائیاں جاری ہیں۔ انہوں نے کہا، ’’ہم نے گزشتہ مہینے متعدد غیر قانونی تعمیرات کو نشانہ بنایا ہے ، تاہم کچھ معاملات میں قانونی رکاوٹوں کی وجہ سے کارروائی میں تاخیر ہو رہی ہے ‘‘۔ علاقے کے شہریوں نے
وزیر بلدیات سے اپیل کی ہے کہ وہ نارتھ ناظم آباد میں غیر قانونی کمرشل تعمیرات کے خلاف فوری کارروائی کریں اور علاقے کے رہائشی تشخص کو برقرار رکھنے کے لیے ٹھوس اقدامات کریں۔
ٹی ٹی پی کے اہم رہنما حافظ گل بہادر کیا پاکستانی حملے میں مارے گئے؟