چیمپئنز ٹرافی کی تمام ٹیموں کی وہ تمام تفصیلات جو آپ کیلئے جاننا بے حدضروری ہیں،جانیں
اشاعت کی تاریخ: 18th, February 2025 GMT
آئی سی سی چیمپیئنز ٹرافی 2025 ہائی اسٹیک کرکٹ ایکشن میں لانے کے لیے تیار ہے، جس میں آٹھ ٹیمیں اس معتبر ٹائٹل کے لیے مقابلہ کرنے میدان میں اتریں گی۔
پاکستان کی میزبانی میں ہونے والے اس ٹورنامنٹ میں انتہائی منتظر پاک بھارت ٹاکرے سے لے کر افغانستان کی ڈیبیو مہم تک، شائقین کی ایکسائٹمنٹ کا لیول عروج پر پہنچ چکا ہے۔
ذیل میں ہم نے ٹیموں کی تفصیلات، ان کے کھلاڑیوں اور فکسچر کا خلاصہ پیش کیا ہے:
گروپ اے
پاکستان
کوچ: عاقب جاوید
کپتان: محمد رضوان
بہترین فنش: چیمپئنز ٹرافی(2017)
میچز : نیوزی لینڈ (19 فروری، کراچی)، بھارت (23 فروری، دبئی)، بنگلہ دیش (27 فروری، راولپنڈی)
1996 کے ورلڈ کپ کے بعد پہلی بار پاکستان کو آئی سی سی ایونٹ کی میزبانی ملنا ملک کے لیے ایک تاریخی لمحہ ہے۔
پاکستان کا بولنگ اٹیک جس میں شاہین آفریدی، نسیم شاہ، حارث رؤف، اور محمد حسنین شامل ہیں، ٹورنامنٹ میں جارحانہ اٹیکنگ سے اپنا جادو چلا سکتے ہیں۔
تاہم، بابر اعظم کی فارم پر تشویش برقرار ہے، خاص طور پر بیٹنگ کی شروعات میں ان کی حالیہ تبدیلی کے ساتھ۔
البتہ مخالف کھلاڑیوں کو پاکستانی ٹیم سے اسپننگ کا کوئیخطرہ نہیں کیوں کہ ابرار احمد واحد سینئر اسپن آپشن ہیں۔
اہم کھلاڑی: بابر اعظم – دنیا کے ٹاپ رینک والے بلے باز، پاکستان کی حالیہ کرکٹ کی تاریخ کی ایک اہم شخصیت ہیں لیکن انہیں اپنی بہترین فارم کو دوبارہ حاصل کرنے کی ضرورت ہوگی۔
بنگلہ دیش
کوچ: فل سیمنز
کپتان: نجم الحسین شانتو
بہترین فنش: سیمی فائنلز (2017)
میچز: بھارت (20 فروری، دبئی)، نیوزی لینڈ (24 فروری، راولپنڈی)، پاکستان (27 فروری، راولپنڈی)
ون ڈے میں 9 ویں نمبر پر موجود بنگلہ دیشی ٹیم انڈر ڈاگ کے طور پر ٹورنامنٹ میں داخل ہوئی ہے۔
کپتان نجم الحسین شانتو کو بہت امیدیں ہیں لیکن انہیں ایک سخت چیلنج کا سامنا ہے، بولنگ پر پابندی کا شکار تجربہ کار آل راؤنڈر شکیب الحسن کی عدم موجودگی ان کی جدوجہد میں مزید اضافہ کرتی ہے۔
عبوری کوچ فل سیمنز، جنہیں گزشتہ اکتوبر میں مقرر کیا گیا تھا، اپنا معاہدہ ختم ہونے سے قبل ٹیم پر اپنا اثر چھوڑنے کی کوشش کریں گے۔
اہم کھلاڑی: تسکین احمد – بی پی ایل میں ریکارڈ 25 وکٹیں لینے کے بعد 29 سالہ تیز گیند باز، بنگلہ دیش کی مہم کے لیے اہم ثابت ہوں گے۔
بھارت
کوچ: گوتم گمبھیر
کپتان: روہت شرما
بہترین فنش: چیمپئنز (2002، 2013)
فکسچر: بنگلہ دیش (20 فروری، دبئی)، پاکستان (23 فروری، دبئی)، نیوزی لینڈ (2 مارچ، دبئی)
ٹورنامنٹ میں بھارت کا پاکستان آمد سے انکار ایک رکاوٹ بن کر سامنے آیا جس کے بعد پی سی بی کی بھرپور کوششوں کے سبب بالآخر، ان کے فکسچر کو متحدہ عرب امارات منتقل کر دیا گیا۔
بھارتی ٹیم کو ان کے خطرناک بولر جسپریت بمراہ کے انجری کی وجہ سے دستبرداری کے ساتھ آخری لمحات میں ایک جھٹکا لگا لیکن پراسرار اسپنر ورون چکرا ورتھی کی شمولیت نے بولنگ اٹیک کو مضبوط بنادیا ہے
اہم کھلاڑی: ہرشیت رانا – نوجوان فاسٹ بولر جس نے گزشتہ ماہ اپنا ODI ڈیبیو کیا تھا، کو بمراہ کی غیر موجودگی میں ڈیلیور کرنے کے لیے بہت زیادہ دباؤ کا سامنا ہے۔
نیوزی لینڈ
کوچ: گیری سٹیڈ
کپتان: مچل سینٹنر
بہترین فنش: چیمپئنز (2000)
میچز: پاکستان (19 فروری، کراچی)، بنگلہ دیش (24 فروری، راولپنڈی)، ہندوستان (2 مارچ، دبئی)
بلیک کیپس میں بڑی تبدیلیاں کی گئی ہیں، سینئر فاسٹ بولر ٹم ساؤتھی اور ٹرینٹ بولٹ کی غیر حاضری اور کین ولیمسن نے کپتانی چھوڑ دی ہے۔
لوکی فرگوسن، میٹ ہنری سمیت تینوں بولر پہلی بار آئی سی سی ٹورنامنٹ میں اپنے بولنگ اٹیک کو مضبوط سہارا فراہم کریں گے۔
میزبان ملک پاکستان کے خلاف نیوزی لینڈ کا پہلا میچ اس کے سیمی فائنل کے امکانات کے لیے اہم ہے۔
اہم کھلاڑی: کین ولیمسن – جنوبی افریقہ کے خلاف سنچری اور پاکستان کے خلاف نصف سنچری کے ساتھ فارم میں واپس آنے والے ولیمسن نیوزی لینڈ کی بیٹنگ لائن اپ میں ریڑھ کی ہڈی کی حیثیت رکھتے ہیں۔
گروپ بی
افغانستان
کوچ: جوناتھن ٹراٹ
کپتان: حشمت اللہ شاہدی
ٹورنامنٹ میں ڈیبیو
میچز: جنوبی افریقہ (21 فروری، کراچی)، انگلینڈ (26 فروری، لاہور)، آسٹریلیا (28 فروری، لاہور)
2023 کے ون ڈے اور 2024 کے ٹی20 ورلڈ کپ میں مضبوط پرفارمنس کو تازہ کرتے ہوئے، افغانستان چیمپئنز ٹرافی میں پورے اعتماد کے ساتھ داخل ہوا۔
ٹیم کے ا اسپن اٹیک کی قیادت راشد خان کر رہے ہیں اور 40 سالہ محمد نبی نے ان کی سپورٹ میں موجود ہیں، ٹیم کی بولنگ پاور نمایاں ہے لیکن اس کی بیٹنگ کی صلاحیت تشویش کا باعث ہے۔
اہم کھلاڑی: 95.
آسٹریلیا
کوچ: اینڈریو میکڈونلڈ
کپتان: اسٹیو سمتھ
بہترین فنش: چیمپئنز (2006، 2009)
میچز: انگلینڈ (22 فروری، لاہور)، جنوبی افریقہ (25 فروری، راولپنڈی)، افغانستان (28 فروری، لاہور)
دو مرتبہ آئی سی سی چیمپئنز ٹرافی کی فاتح ٹیم آسٹریلیا کی صورتحال کچھ پریشان کن ہے کیوں کہ اس کے اہم کھلاڑی پیٹ کمنز، جوش ہیزل ووڈ، مچ مارش، مچل اسٹارک اور مارکس اسٹوئنس سبھی غائب ہیں۔
آسٹریلیا کے اسکواڈ میں نسبتاً ناتجربہ کار کھلاڑی جیسے تنویر سنگھا، اسپینسر جانسن، اور بین دوارشوئس شامل ہیں، جس نے ٹیم کی مہم میں غیر یقینی صورتحال کا اضافہ کیا۔
اہم کھلاڑی: اسپینسر جانسن -لیفٹ ہینڈ فاسٹ بولر ہیں جنہوں نے تیزی سے ٹیم میں نمایاں مقام حاصل کرلیا ہے تاہم اس ٹورنامنٹ میں اپنی صلاحیتوں کو ثابت کرنے کے لیے انہیں ایک بڑے امتحان کا سامنا ہے۔
انگلینڈ
کوچ: برینڈن میک کولم
کپتان: جوس بٹلر
بہترین فنش: رنرز اپ (2004، 2013)
میچز: آسٹریلیا (22 فروری، لاہور)، افغانستان (26 فروری، لاہور)، جنوبی افریقہ (1 مارچ، کراچی)
انگلینڈ کی ٹیم گزشتہ سال 3-8 کے مایوس کن ون ڈے ریکارڈ کے ساتھ ٹورنامنٹ میں داخل ہورہی ہے، جس میں بھارت کے ہاتھوں3-0 کی شکست بھی شامل ہے۔
اگرچہ جوفرا آرچر اور مارک ووڈ کی واپسی ایک حوصلہ افزار بات ہے لیکن بیٹنگ اور اسپن بولنگ میں انگلینڈ کی صورتحال کچھ اچھی نہیں دکھائی دیتی۔
اہم کھلاڑی: لیام لیونگسٹون – انگلینڈ کے مڈل آرڈر کی جدوجہد کے ساتھ، لیونگ اسٹون کی بیٹنگ اور سیکنڈری اسپن آپشنز ان کے امکانات کے لیے اہم ہوں گے۔
جنوبی افریقہ
کوچ: روب والٹر
کپتان: ٹیمبا بووما
بہترین فنش: چیمپئنز (1998)
میچز: افغانستان (21 فروری، کراچی)، آسٹریلیا (25 فروری، راولپنڈی)، انگلینڈ (1 مارچ، کراچی)
جنوبی افریقہ کئی بار آئی سی سی ٹورنامنٹ کے سیمی فائنلز میں پہنچ چکا ہے اور 1998 میں افتتاحی چیمپئنز ٹرافی جیتنے کے بعد سے ٹرافی کے قحط کو ختم کرنے کے لیے کوشاں ہے۔
اپنے آخری 11 میں سے 8 ون ڈے ہارنے کے باوجود، ان کی ٹیم تجربہ کار کھلاڑیوں سے بھری ہوئی ہے، جس میں کاگیسو ربادا اور مارکو جانسن مضبوط بولنگ اٹیک فراہم کریں گے۔
اہم کھلاڑی: مارکو جانسن جنہیں حال ہی میں SA20 پلیئر آف دی ٹورنامنٹ نامزد کیا گیا تھا، بلے اور گیند دونوں کے ساتھ جانسن کی صلاحیت فیصلہ کن ثابت ہو سکتی ہے۔
ذریعہ: Daily Ausaf
کلیدی لفظ: چیمپئنز ٹرافی ٹورنامنٹ میں جنوبی افریقہ بہترین فنش اہم کھلاڑی نیوزی لینڈ کے لیے اہم بنگلہ دیش ا سٹریلیا کے ساتھ کے بعد
پڑھیں:
آئی پی ایل چیمپیئن بننے کے بعد رائل چیلنجرز بنگلور کی فروخت کی خبریں، قیمت کیا ہوسکتی ہے؟
رائل چیلنجرز بنگلور نے انڈین پریمیئر لیگ یعنی آئی پی ایل کی تاریخ ساز فتح کے بعد ممکنہ طور پر نیا سنگ میل طے کرنے کی تیاری کر لی ہے، ذرائع کے مطابق فرنچائز کے موجودہ مالکان نے آر سی بی کو جزوی یا مکمل فروخت کرنے کا فیصلہ کر لیا ہے۔
ذرائع کے مطابق ڈیاجیو پی ایل سی کی بھارتی ذیلی کمپنی یونائیٹڈ اسپرٹس لمیٹڈ ممکنہ سرمایہ کاروں سے رابطے میں ہے، جبکہ بلومبرگ نے رپورٹ کیا ہے کہ فرنچائز کی مکمل فروخت کی صورت میں قیمت 2 ارب ڈالر تک جا سکتی ہے۔
یہ بھی پڑھیں:چناسوامی اسٹیڈیم میں بھگدڑ سے ہلاکتیں: کوہلی کے خلاف پولیس میں شکایت درج
اس خبر کے سامنے آتے ہی یونائیٹڈ اسپرٹس کے شیئرز میں 3.3 فیصد اضافہ دیکھا گیا، جو اس فیصلے کی تجارتی اہمیت کو ظاہر کرتا ہے۔
رائل چیلنجرز بنگلور کو 2008 میں وجے مالیا نے خریدا تھا، جو اس وقت کنگ فشر ایئرلائن اور شراب کی صنعت سے منسلک ایک نمایاں نام تھے۔ مالی بحران کے بعد ڈیاجیو نے یونائیٹڈ اسپرٹس کے ذریعے فرنچائز سنبھال لی، رائل چیلنجرز بنگلور ان ٹیموں میں شامل ہے جن کے سوشل میڈیا پر دنیا بھر میں سب سے زیادہ فالوورز ہیں، حالانکہ کامیابیوں کے اعتبار سے ٹیم کا ریکارڈ ماضی میں متاثر کن نہیں رہا۔
مزید پڑھیں:آئی پی ایل کی جیت کا جشن، بھگدڑ مچنے سے 11 افراد ہلاک، متعدد زخمی
رائل چیلنجرز بنگلور کرکٹ کی دنیا میں سب سے زیادہ فالو کی جانیوالی ٹیموں میں شامل ہے اور اب یہ کامیابیوں کے ساتھ ساتھ ممکنہ کاروباری سودے کا مرکز بھی بن گئی ہے۔
یہ خبر آئی پی ایل فرنچائزز کی قیمتوں میں ایک نئے ریکارڈ کے امکانات کو اجاگر کرتی ہے، جس کے تحت کرکٹ کی دنیا ایک نیا تجارتی دروازہ کھول رہی ہے، جہاں کھلاڑی نہیں بلکہ ٹیموں کی ملکیت سب سے قیمتی اثاثہ بن چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل انڈین پریمیئر لیگ رائل چیلنجرز بنگلور یونائیٹڈ اسپرٹس لمیٹڈ
حافظ آباد میں شوہر کے سامنے بیوی کا گینگ ریپ، ملزمان ویڈیو بنا کر بلیک میل بھی کرتے رہے