آرمی چیف جنرل سید عاصم منیر کا اہم ترین دورہ برطانیہ، کیا مصروفیات ہوں گی؟
اشاعت کی تاریخ: 19th, February 2025 GMT
آرمی چیف جنرل سید عاصم منیر اہم ترین دورہ پر برطانیہ پہنچ گئے۔ آرمی چیف دورے کے دوران رائل ملٹری اکیڈمی سینڈہرسٹ میں 7ویں علاقائی استحکام کانفرنس میں شرکت کریں گے جہاں وہ ’ابھرتا ہوا ورلڈ آرڈر اور پاکستان کے مستقبل کا آؤٹ لک‘ کے موضوع پر کلیدی خطاب کریں گے۔
واضح رہے کہ استحکام کانفرنس پاکستان اور برطانیہ کے درمیان آرمی ٹو آرمی ڈائیلاگ کے لیے ایک اہم پلیٹ فارم ہے۔ یہ کانفرنس ہر سال تعاون کو فروغ دینے کے لیے منعقد کی جاتی ہے۔
یہ بھی پڑھیےقوم کی حمایت کے ساتھ مسلح افواج تمام خطرات سے نمٹنے کے لیے تیار ہے، آرمی چیف جنرل سید عاصم منیر
اس موقع پر پالیسی سازوں، سول اور ملٹری کے علاوہ دونوں ممالک کے ممتاز تھنک ٹینکس کے ارکان کی برابر کی نمائندگی ایک جگہ موجود ہوتی ہے۔
حالیہ کانفرنس تیزی سے ابھرتے ہوئے جغرافیائی سیاسی منظر نامے کی روشنی میں خاص اہمیت رکھتی ہے۔
دورے کے آغاز پر آرمی چیف جنرل سید عاصم منیر کا پرتپاک اور باوقار استقبال کیا گیا۔ آرمی چیف کو تاریخی رائل ہارس گارڈز پریڈ گراؤنڈ میں گارڈ آف آنر پیش کیا۔
اپنے دورے کے دوران، آرمی چیف برطانیہ کی سول اور فوجی قیادت سے ملاقاتیں کریں گے۔
یہ بھی پڑھیےکشمیریوں اور فلسطینیوں کے حالات بہت کچھ کرنے کی طرف توجہ دلاتے ہیں، آرمی چیف جنرل عاصم منیر
ان کی مصروفیات میں چیف آف ڈیفنس اسٹاف یوکے، مسٹر ایڈم ٹونی ریڈیکن، چیف آف دی جنرل اسٹاف آف برٹش آرمی جنرل سر رولینڈ واکر،اور برطانیہ کے قومی سلامتی کے مشیرمسٹر جوناتھن نکولس پاول سے ملاقاتیں بھی شامل ہیں۔
آرمی چیف برطانوی ہوم سکریٹری یویٹی کوپر Yvette Cooper سے بھی ملاقات کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف جنرل سید عاصم منیر آرمی چیف کا دورہ برطانیہ.ذریعہ: WE News
کلیدی لفظ: ا رمی چیف جنرل سید عاصم منیر ا رمی چیف کا دورہ برطانیہ رمی چیف جنرل سید عاصم منیر کا ا رمی چیف جنرل سید عاصم منیر دورہ برطانیہ آرمی چیف کریں گے کے لیے
پڑھیں:
فیلڈ مارشل عاصم منیر سے سبکدوش ہونے والے چیئرمین جوائنٹ چیفس آف سٹاف کمیٹی جنرل ساحر شمشاد کی الوداعی ملاقات
لاہور(ڈیلی پاکستان آن لائن)جنرل ہیڈکوارٹرز (جی ایچ کیو) راولپنڈی میں چیف آف آرمی سٹاف فیلڈ مارشل عاصم منیر سے سبکدوش ہونے والے چیئرمین جوائنٹ چیفس آف سٹاف کمیٹی جنرل ساحر شمشاد مرزا نے الوداعی ملاقات کی۔فوج کے شعبۂ تعلقاتِ عامہ (آئی ایس پی آر) کے مطابق ملاقات کے دوران، آرمی چیف نے جنرل مرزا کی ’’مثالی قیادت، اسٹریٹجک بصیرت اور پاکستان کی مسلح افواج کے لیے اُن کی شاندار خدمات‘‘ کو سراہا۔
آئی ایس پی آر نے کہا کہ ’’انہوں (آرمی چیف ) نے تینوں افواج کے باہمی رابطے کو مضبوط بنانے، مشترکہ آپریشنل تیاری کو بہتر کرنے اور اسٹریٹجک سطح پر پاکستان کے قومی سلامتی کے اہداف کو آگے بڑھانے میں چیئرمین کے کلیدی کردار کو خراجِ تحسین پیش کیا۔‘‘مزید برآں، فیلڈ مارشل عاصم منیر نے خطے کے استحکام، عسکری سفارت کاری اور دوست ممالک کے ساتھ پاکستان کی شراکت داری کو مضبوط بنانے میں جنرل ساحر شمشاد مرزا کی خدمات کو بھی اجاگر کیا۔بیان میں کہا گیا کہ ’’جنرل مرزا نے اپنے کیریئر کے دوران فراہم کی گئی معاونت پر چیف آف آرمی اسٹاف اور مسلح افواج کا شکریہ ادا کیا۔’’’’جی ایچ کیو پہنچنے پر، چیئرمین جوائنٹ چیفس آف اسٹاف کمیٹی نے یادگارِ شہداء پر پھولوں کی چادر چڑھائی اور پاک فوج کے ایک چاق چوبند دستے نے انہیں گارڈ آف آنر پیش کیا۔‘‘
متنازع ٹویٹ کیس، ایمان مزاری اور ہادی علی چٹھہ کے لئے اسٹیٹ کونسل مقرر
خیال رہے کہ اس ماہ کے اوائل میں، قومی سلامتی کا ڈھانچہ آئین کے آرٹیکل 243 میں ترمیم اور فوج، فضائیہ اور بحریہ سے متعلق قوانین میں تبدیلیوں کے ذریعے دوبارہ ترتیب دیا گیا۔قانون سازی کے تحت چیئرمین جوائنٹ چیفس آف اسٹاف کمیٹی کا عہدہ بھی ختم کر دیا گیا، جو تینوں افواج کے مابین ادارہ جاتی توازن اور رابطے کے لیے تشکیل دیا گیا تھا۔چیئرمین کے دفتر کی تحلیل 27 نومبر سے مؤثر ہو گئی، جس کے بعد کم از کم جنگ کے دوران مسلح افواج کے فیصلوں میں تقریباً پانچ دہائیوں سے جاری مشترکہ سروس کی نمائندگی کا باضابطہ خاتمہ ہو گیا۔
عالمی شہرت یافتہ فٹبالر کرسٹیانو رونالڈو کی منفرد انداز میں گول کرنےکی ویڈیو سوشل میڈیا پر وائرل
مزید :
اقتصادی تعاون کے لیے پاکستان کے سعودی عرب سے مذاکرات جاری ہیں، وزیر خزانہ