راکھی ساونت کا 10 پاکستانی، 10 بھارتی عازمین کو عمرے پر بھجوانے کا دعویٰ
اشاعت کی تاریخ: 20th, February 2025 GMT
بھارتی اداکارہ راکھی ساونت نے دعویٰ کیا ہے یہ انہوں نے 10 پاکستانی اور 10 بھارتی عازمین کو عمرے کی ادائیگی کے لیے سعودی عرب روانہ کردیا۔
راکھی ساونت نے انسٹاگرام پر عمرہ زائرین کو متحدہ عرب امارات (یو اے ای) کی ریاست دبئی سے براستہ روڈ سعود عرب بھجوانے کی ویڈیو بھی شیئر کردی۔
اداکارہ کی جانب سے عمرہ زائرین کو بھجواتے وقت بنائی گئی متعدد ویڈیوز میں انہوں نے بتایا کہ انہوں نے پہلی بار 10 پاکستانی اور 10 بھارتی افراد کو عمرے پر بھجوایا۔
راکھی ساونت کے مطابق انہوں نے دبئی میں مقیم پاکستانی اور بھارتی افراد کو عمرے کی ادائیگی کے لیے بھجوایا۔
انہوں نے دعویٰ کیا کہ انہوں نے ہی تمام زائرین کے اخراجات اٹھائے اور ساتھ ہی ویڈیو میں انہوں نے زائرین کو کھانا اور احرام بھی دیا۔
ویڈیو میں نظر آنے والے زائرین نے بھی راکھی ساونت کو دعائیں دیں اور وہ اداکارہ سے احرام اور کھانا لے کر کوچ میں سوار ہوتے دکھائی دیے۔
راکھی ساونت نے عمرہ زائرین کو بھجواتے وقت بتایا کہ انہوں نے پاکستان اور بھارت کے درمیان اچھے تعلقات اور دوستی کو پروان چڑھانے کے لیے دونوں ممالک کے افراد کو عمرہ پر بھجوایا۔
انہوں نے بتایا کہ ان کا اسلامی نام راکھی فاطمہ ہیں اور انہوں نے پہلی بار زائرین کو عمرہ پر بھجوایا، انہیں یقین ہے کہ خدا ان کے عمل کو قبول کرکے ان کے لیے آسانیاں فرمائیں گے۔
ایک ویڈیو میں راکھی ساونت کوچ میں چڑھ کر عازمین کو بتاتی دکھائی دیں کہ وہ عازمین کو عمرے کی ادائیگی کے لیے بھجوا رہی ہیں۔
View this post on InstagramA post shared by Murtaza Ali Shah (@murtazaviews)
انہوں نے عازمین سے بات بھی کی اور یہ بھی بتایا کہ بعض عازمین ان کے مداح بھی ہیں، اس دوران عازمین اداکارہ کو دعائیں دیتے دکھائی دیے۔
ویڈیو میں ایک پاکستانی شخص نے بتایا کہ انہیں معلوم نہیں کہ ان کے عمرے کے اخراجات کس نے برداشت کیے لیکن جن افراد نے بھی ان کے اخراجات برداشت کیے، خدا انہیں اجر عطا فرمائے۔
View this post on InstagramA post shared by Murtaza Ali Shah (@murtazaviews)
مذکورہ پاکستانی شخص کی بات کے دوران راکھی ساونت نے انہیں بتایا کہ انہوں نے ہی اخراجات برداشت کیے ہیں۔
راکھی ساونت کی جانب سے شیئر کردہ ویڈیوز میں ان کے سابق شوہر کو بھی دیکھا گیا، جنہوں نے حال ہی میں اداکارہ کو شادی کی پیش کش کرنے والے پاکستانی افراد کو آڑے ہاتھوں بھی لیا تھا۔
View this post on InstagramA post shared by Murtaza Ali Shah (@murtazaviews)
.ذریعہ: Daily Mumtaz
کلیدی لفظ: راکھی ساونت نے کہ انہوں نے بتایا کہ ان ویڈیو میں عازمین کو زائرین کو افراد کو کو عمرے کے لیے
پڑھیں:
ایران میں پاکستانی زائرین کیلئے کرائسز منیجمنٹ یونٹ قائم، انخلاء پر غور
---فائل فوٹوایران میں موجود پاکستانی زائرین کے لیے وزارت خارجہ میں کرائسز منیجمنٹ یونٹ قائم کردیا گیا، جس کے تحت پاکستانیوں کے انخلاء پر غور کیا جارہا ہے۔
سفارتی ذرائع کے مطابق وزارت خارجہ میں قائم یونٹ ایران سے متعلق ٹریول ایڈوائزری جاری کرے گا، ایران سے پاکستانیوں کے ممکنہ انخلا کا لائحہ عمل بھی ترتیب دیا جائے گا۔
سفارتی ذرائع کا کہنا ہے کہ ایرانی فضائی حدود بند ہونے کے سبب زمینی راستے سے انخلاء پر غور ہوگا۔
اسرائیل نے ایران میں درجنوں مقامات پر فضائی حملہ کیا ہے، دارلحکومت تہران کے شمال مشرقی علاقے میں دھماکوں کی زور دار آوازیں سنی کئی ہیں، بعض مقامات سے دھویں کے بادل اٹھتے دکھائی دیے۔
وزیر خارجہ اسحاق ڈار نے کہا ہے کہ ایران میں موجود پاکستانی زائرین کی حفاظت کے لیے اقدامات کر رہے ہیں، زائرین کی مدد کے لیے وزارت خارجہ میں کرائسز منیجمنٹ یونٹ قائم کیا ہے جو 24 گھنٹےفعال رہے گا۔
انہوں نے کہا کہ تہران میں پاکستانی سفارتخانے سے 00982166941388 پر رابطہ کیا جاسکتا ہے۔
نائب وزیراعظم نے تہران میں پاکستانی سفارتخانے کو بھی پاکستانی کمیونٹی اور زائرین کو سہولیات دینے کی ہدایت کی ہے۔
اسپین میں نیٹو مخالف مظاہرے ، اسرائیل پر پابندیاں عائد کرنے کا مطالبہ