ڈیپ سیک نے ماڈل کوڈ پبلک کے لیے اوپن کرنے کا اعلان کردیا
اشاعت کی تاریخ: 21st, February 2025 GMT
بیجنگ(نیوز ڈیسک)چین کے چیٹ بوٹ ’ڈیپ سیک‘ نے اپنے ماڈل کوڈ کو پبلک کے لیے اوپن کرنے کا اعلان کردیا۔
کمپنی نے سوشل میڈیا پلیٹ فارم ایکس پر اپنی پوسٹ میں کہا کہ وہ اگلے ہفتے سورس 5 کوڈ ریپوزٹری کھول دے گی۔ اس اقدام کو چھوٹی لیکن مخلصانہ پیش رفت کے طور پر بیان کرتے ہوئے کمپنی کا کہنا تھا کہ وہ ماڈل کوڈ مکمل شفافیت کے ساتھ شیئر کرے گی۔
واضح رہے کہ ڈیپ سیک نے گزشتہ ماہ عالمی اے آئی انڈسٹری میں اس وقت تک تہلکہ مچادیا تھا جب اس نے اپنا اوپن سورس R1 ریجننگ ماڈل جاری کیا جو کم قیمت پر تیار ہونے کے ساتھ ساتھ کارکردگی میں مغربی نظاموں کا مقابلہ کرتا ہے۔
اوپن سورس کے لیے کمپنی کی وابستگی نے اسے چین کی زیادہ تر اے آئی فرموں میں ممتاز کردیا ہے جو اپنے امریکی حریفوں کی طرح بند سورس ماڈلز کی طرف جھکاؤ رکھتی ہیں۔
نیا جاری کردہ اوپن سورس کوڈ ان اے آئی ماڈلز کو سپورٹ کرنے کے لیے انفراسٹرکچر فراہم کرے گا جنہیں ڈیپ سیک پہلے ہی عوامی طور پر شیئر کر چکا ہے اور یہ طریقہ اس کو موجودہ اوپن سورس ماڈل فریم ورکس میں سرفہرست بناتا ہے۔
یہ اعلان منگل کو ڈیپ سیک کی جانب سے ایک نیا الگورتھم جاری کرنے کے بعد سامنے آیا جس کا نام Native Sparse Attention ہے اور جسے طویل سیاق و سباق کی تربیت اور تخمینے کو زیادہ مؤثر بنانے کے لیے ڈیزائن کیا گیا ہے۔
ڈیپ سیک کے صارفین بے تحاشہ بڑھ رہے ہیں اور چین میں یہ سب سے زیادہ معروف چیٹ بوٹ سروس کی حیثیت اختیار کرگئی ہے اور اس کے اب تک 2 کروڑ 22 لاکھ یومیہ فعال صارفین ہوچکے ہیں۔
اس نئے چیٹ بوٹ نے ڈوبن کو پیچھے چھوڑ دیا ہے جس کے ایک کروڑ 69 لاکھ 50 ہزار صارفین ہیں۔
تجارتی نہیں ثقافتی رویہ اپنایا، عزت کمانی ہے، بانی کمپنی
ڈیپ سیک کے بانی لیانگ وینفینگ نے گزشتہ جولائی میں ایک چینی میڈیا آؤٹ لیٹ کو انٹریو دیتے ہوئے کہا تھا کہ ان کی فرم نے اپنے اے آئی ماڈلز کو تجارتی بنانے کو ترجیح نہیں دی۔
لیانگ نے جولائی میں کہا تھا کہ دوسروں کو آپ کی اختراع کی پیروی کرنے سے کامیابی کا زبردست احساس ملتا ہے۔
انہوں نے مزید کہا کہ تھا کہ درحقیقت اوپن سورس ایک تجارتی رویے سے زیادہ ثقافتی رویہ ہے اور اس میں تعاون کرنے سے ہمیں عزت ملتی ہے۔
مزیدپڑھیں:’کینیڈا کو حاصل نہیں کیا جاسکتا‘، آئس ہاکی میں امریکا کو شکست کے بعد جسٹن ٹروڈو کا ٹرمپ کو پیغام
ذریعہ
ذریعہ: Daily Ausaf
کلیدی لفظ: اوپن سورس ڈیپ سیک اے ا ئی تھا کہ کے لیے ہے اور
پڑھیں:
سام سنگ گلیکسی ایس 27 کے کیمرا فیچرز لیک، الٹرا ماڈل میں 50 میگا پکسل سینسر متوقع
سام سنگ کے آئندہ فلیگ شپ فونز گلیکسی ایس 27 سیریز سے متعلق نئی معلومات سامنے آگئی ہیں، جن میں فونز کے اندرونی نام اور کیمرا سینسرز کی تفصیلات شامل ہیں۔
رپورٹس کے مطابق گلیکسی ایس 27 سیریز کے چار ماڈلز پر کام جاری ہے، جنہیں اندرونی طور پر این ایم 1 سے این ایم 4 کے نام دیے گئے ہیں۔ یہ نام ممکنہ طور پر ‘نیو میرکل’ یا ‘نیکسٹ میرکل’ کی جانب اشارہ کرتے ہیں، جو گلیکسی ایس 26 سیریز کے اندرونی نام ‘میرکل’ کے بعد رکھے گئے ہیں۔
یہ بھی پڑھیں: حکومت کی سام سنگ کو پاکستان سے عالمی منڈیوں تک برآمدات بڑھانے کی پیشکش
لیک کے مطابق این ایم 4 ممکنہ طور پر گلیکسی ایس 27 الٹرا ہوگا، جبکہ این ایم 1، این ایم 2 اور این ایم 3 بالترتیب گلیکسی ایس 27، ایس 27 پلس اور ایس 27 پرو ماڈلز کے لیے استعمال کیے گئے ہیں۔
تفصیلات کے مطابق گلیکسی ایس 27 الٹرا اور ایس 27 پرو میں ایک جیسا 50 میگا پکسل سونی آئی ایم ایکس 855 الٹرا وائیڈ سینسر دیا جا سکتا ہے۔ یہ سینسر پہلے گلیکسی زیڈ فولڈ 8 الٹرا میں استعمال ہونے کی اطلاعات بھی سامنے آچکی ہیں۔
گلیکسی ایس 27 الٹرا میں 50 میگا پکسل ٹیلی فوٹو کیمرا بھی متوقع ہے، جو 5 گنا آپٹیکل زوم کی صلاحیت رکھے گا۔ دونوں اعلیٰ ماڈلز میں آٹو فوکس کے ساتھ 16 میگا پکسل فرنٹ کیمرا شامل کیے جانے کی اطلاعات ہیں۔
یہ بھی پڑھیں: سام سنگ نے اپنے 3 فولڈ ایبل فونز ایک ساتھ متعارف کروا دیے، قیمت اور خصوصیات کیا ہیں؟
دوسری جانب گلیکسی ایس 27 اور ایس 27 پلس میں 50 میگا پکسل مرکزی کیمرا، آپٹیکل امیج اسٹیبلائزیشن (او آئی ایس) اور 12 میگا پکسل الٹرا وائیڈ لینس دیے جانے کا امکان ہے۔
ماہرین کے مطابق سام سنگ گلیکسی ایس 27 سیریز میں کیمرا ہارڈویئر میں بڑی تبدیلیوں کے بجائے بتدریج بہتری پر توجہ مرکوز کرسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسمارٹ فون خصوصیات سام سنگ گیلیسی کیمرہ گلیکسی ایس 27 گیلیکسی ایس سیریز موبائل برانڈ نیو میرکل
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم