اینٹی کرپشن کی کارروائی، اسسٹنٹ کمشنر گڈاپ گرفتار
اشاعت کی تاریخ: 21st, February 2025 GMT
کراچی: اینٹی کرپشن نے پولیس کے ہمراہ بڑی کارروائی کرتے ہوئے اسسٹنٹ کمشنر گڈاپ زین العابدین کو گلستانِ جوہر سے گرفتار کرلیا۔
میڈیا رپورٹس کےمطابق اینٹی کرپشن سرکل کی ٹیم نے نوشہرو سے کراچی پہنچ کر اسسٹنٹ کمشنر گڈاپ کی گرفتاری عمل میں لائی، قواعد و ضوابط کے تحت اینٹی کرپشن حکام نے پہلے متعلقہ تھانے میں انٹری کروائی، جس کے بعد قانونی تقاضے پورے کیے گئے۔
ذرائع کا کہنا ہے کہ گرفتار اسسٹنٹ کمشنر زین العابدین کو قانونی کارروائی مکمل کرنے کے بعد صبح عدالت میں پیش کیا جائے گا، جہاں ان کے خلاف کیس کی مزید سماعت ہوگی۔
واضح رہے کہ زین العابدین کو ان کی گرفتاری سے قبل ہی عہدے سے ہٹا دیا گیا تھا، ان پر مبینہ طور پر اختیارات کے ناجائز استعمال اور دیگر الزامات عائد کیے گئے ہیں، تاہم حتمی تفصیلات عدالت میں پیشی کے بعد سامنے آئیں گی۔
اینٹی کرپشن ذرائع کے مطابق اس کیس میں مزید تحقیقات کی جا رہی ہیں اور امکان ظاہر کیا جا رہا ہے کہ مزید افراد کو بھی شاملِ تفتیش کیا جا سکتا ہے۔
.ذریعہ: Jasarat News
کلیدی لفظ: اینٹی کرپشن
پڑھیں:
کراچی؛ رینجرز کی کارروائی میں فتنۃ الخوارج کے انتہائی مطلوب 3 ملزمان گرفتار
کراچی:سندھ رینجرز کی کارروائی میں فتنۃ الخوارج کے انتہائی مطلوب تین ملزمان کو گرفتار کرلیا گیا۔
خفیہ معلومات کی بنیاد پر سندھ رینجرز نے منگھوپیرروڈ کنواری کالونی میں آپریشن کرتے ہوئے فتنۃ الخوارج کے انتہائی مطلوب3 ملزمان زید اللہ عرف زیدو،نورزادہ اورحضرت عثمان کوگرفتارکرلیا۔ ترجمان کے مطابق گرفتار ملزمان خوارجی امیرشمس القیوم عرف زاویل عرف زعفران کے قریبی ساتھی ہیں۔
گرفتارملزمان نے دوران تفتیش انکشاف کیا ہے کہ وہ علاقے کے لوگوں کے نمبرزشمس القیوم عرف زاویل عرف زعفران کومہیا کرتے تھے، جس کے بعد وہ اُن نمبرزپربھتہ وصولی کے لیے کال کرتا تھا۔ گرفتارملزمان نےکنواری کالونی میں منشیات فروشوں سے بھتہ وصولی اورلینڈ گریبنگ میں ملوث ہونے کا بھی اعتراف کیا ہے۔
ترجمان کے مطابق گرفتارملزم نورزادہ کا بھائی خان زادہ عرف حنظلہ اورملزم حضرت عثمان کا بھائی عمرخطاب بھی فتنۃ الخوارج کےانتہائی مطلوب کارندے تھے، جو بعد میں مارے گئے تھے۔
گرفتارملزم زید اللہ عرف زیدوتھانہ ایکسائزکورنگی اوراے این ایف کو بھی مطلوب تھا۔گرفتارملزمان کو مزید قانونی کارروائی کے لیے پولیس کے حوالے کردیاگیاہے۔
غزہ میں اسرائیلی جنگی جرائم سے متعلق 16 ہزار دستاویزات ریکارڈ