Express News:
2025-06-06@04:21:30 GMT
ایئرپورٹ پر کھلی لوٹ مار؛ ایک فوٹوکاپی 400 روپے میں، ویڈیو سامنے آگئی
اشاعت کی تاریخ: 24th, February 2025 GMT
کراچی ائیرپورٹ پرایک فوٹو کاپی کے 400 روپے طلب کرنے پر ہونے والی تکرار کی ویڈیو سامنے آگئی۔
فوٹو کاپی کرنے والے دکاندار نے کراچی ایئرپورٹ پر بین الاقوامی پرواز کے مسافر سے ایک کاغذ کی فوٹو کاپی کرنے کے لیے 400 روپے طلب کیے۔ دکان دار اور مسافر کے درمیان اس پر سخت جملوں کا تبادلہ ہوا۔
دکاندار نے ویڈیو بنانے کے دوران مسافر سے موبائل فون چھیننے کی کوشش کی اور کہا کہ ویڈیو بنانے کی اجازت نہیں ہے۔ دکاندار نے موبائل فون توڑنے کی دھمکی بھی دی جس پر مسافر نے دکان دار کو ہاتھ لگانے سے منع کیا۔
ذرائع کے مطابق مسافر کی جانب سے ایف آئی اے،ائیرپورٹ سیکورٹی فورس اور پاکستان ائیرپورٹس کو ناجائز طورپر رقم طلب کرنے کی شکایت درج کروا دی گئی ہے۔
.
ذریعہ: Express News
پڑھیں:
حافظ آباد میں شوہر کے سامنے بیوی کا گینگ ریپ، ملزمان ویڈیو بنا کر بلیک میل بھی کرتے رہے
حافظ آباد ( اُردو پوائنٹ اخبارتازہ ترین۔ 04 جون 2025ء ) صوبہ پنجاب کے ضلع حافظ آباد میں مبینہ طور پر جوڑے کو اغواء کرنے کے بعد ملزمان نے شوہر کے سامنے بیوی کا گینگ ریپ کردیا۔ میڈیا رپورٹس متاثرین نے واقعے کی ایف آئی آر درج کراتے ہوئے بتایا کہ ان پر متعدد مسلح افراد نے حملہ کیا اور اغواء کرنے کے بعد ایک قبرستان کے قریب ویران جگہ پر لے گئے جہاں انہیں جسمانی تشدد اور خاتون کو جنسی زیادتی کا نشانہ بنایا گیا اور ان سے سامان بھی چھین لیا، شوہر کی جانب سے بار بار جنسی زیادتی سے روکنے کی درخواست کے باوجود ملزمان نے اس کی بیوی کا گینگ ریپ کیا اور اس کی ویڈیو بھی بنانے کے بعد بلیک میل کیا۔ ایف آئی آر میں کہا گیا ہے کہ ہم نے واقعے کی اطلاع دینے میں تاخیر کی کیوں کہ ملزمان نے ہمیں دھمکی دی تھی کہ اگر ہم نے قانونی کارروائی کی یا طبی معائنہ کرایا تو وہ ہمیں جان سے مار دیں گے لیکن ملزمان نے حملے کی فوٹیج انٹرنیٹ پر اپ لوڈ کردی ہمیں جلد از جلد انصاف فراہم کیا جائے، جس کے لیے پولیس کو کل 8 مشتبہ افراد میں سے 4 کے نام بتادیئے ہیں۔(جاری ہے)
ڈی پی او حافظ آباد عاطف نذیر نے بتایا کہ جوڑے کا طبی معائنہ کرایا گیا ہے اور دیگر قانونی پہلوؤں کی تحقیقات جاری ہیں، ملزمان کے خلاف مقدمہ درج کر لیا گیا ہے جنہیں 24 سے 48 گھنٹوں میں گرفتار کرلیا جائے گا، مشتبہ افراد کی ویڈیو فوٹیج کے ذریعے شناخت کی جا رہی ہے اور ان کی گرفتاری کے لیے پولیس کی جانب سے چھاپے بھی مارے جارہے ہیں۔ دوسری طرف پنجاب کے ضلع مظفرگڑھ سے ڈارک ویب کا عالمی نیٹ ورک پکڑا گیا اور پولیس نے بچوں کی غیر اخلاقی ویڈیوز بنانے والے 2 رکنی گینگ کو گرفتار کرلیا، گرفتار ملزمان سے 10 بچے بازیاب اور 800 غیر اخلاقی ویڈیوز برآمد ہوئیں، ویڈیوز ڈارک ویب سائٹ پر 100 سے 500 ڈالرز میں فروخت کی گئیں، جرمن باشندہ 2 رکنی گینگ کا سرغنہ نکلا، انٹرپول کے ذریعے جرمن باشندے کوطلب کرنے کا فیصلہ کرلیا گیا۔
سرکاری مراعات کے حقیقی حقدار