کراچی میں آج چند مقامات پر بوندا باندی کا امکان
اشاعت کی تاریخ: 27th, February 2025 GMT
— فائل فوٹو
کراچی میں آج چند مقامات پر بوندا باندی کا امکان ہے۔
محکمۂ موسمیات کے مطابق کراچی میں آئندہ 24 گھنٹوں کے دوران مطلع جزوی ابر آلود اور صبح میں ہلکی دھند کا بھی امکان ہے۔
شہرِ قائد میں کم سے کم درجۂ حرارت 21.2 ڈگری سینٹی گریڈ ریکارڈ ہوا جبکہ زیادہ سے زیادہ درجۂ حرارت 29 سے 31 ڈگری سینٹی گریڈ کے درمیان رہنے کا امکان ہے۔
کشمیر و گلگت میں بارش و برفباریمحکمۂ موسمیات ملک کے مختلف مقامات پر بارشوں کی پیشگوئی کی ہے۔
دوسری جانب آزاد کشمیر میں بارش اور برف باری تیسرے روز بھی جاری ہے، شدید برف باری کے باعث معمولاتِ زندگی بھی متاثر ہیں۔
گلگت بلتستان کے مخلتف علاقوں میں بارش جبکہ پہاڑوں پر برف باری ہو رہی ہے، برف سے ڈھکی وادیاں حسین مناظر پیش کر رہی ہیں۔
گلگت بلتستان کے ضلع استور میں 2 روز سے وقفے وقفے سے برف باری جاری ہے، کئی علاقوں میں 2 سے 3 فٹ تک برف پڑ چکی ہے جبکہ اکثر علاقوں کا زمینی رابطہ بھی منقطع ہے۔
ادھر سندھ اور پنجاب کے اکثر مقامات پر بھی بارش سے موسم خوش گوار ہو گیا ہے۔
پنجاب کے شہر رحیم یار خان میں بارش کے باعث بیشتر علاقوں میں بجلی معطل ہے۔
زرعی ماہرین کا کہنا ہے کہ اس سیزن میں بارش گندم کی فصل کے لیے مفید ہے۔
.ذریعہ: Jang News
کلیدی لفظ: مقامات پر
پڑھیں:
ویمنز ورلڈکپ فائنل: بارش کے باعث ٹاس تاخیر کا شکار
بھارت اور جنوبی افریقا کے درمیان ویمنز ورلڈکپ فائنل میچ کا ٹاس بارش کے باعث تاخیر کا شکار ہوگیا ہے۔
ممبئی کے ڈی وائی پاٹل اسٹیڈیم میں شیڈول ویمنز ورلڈکپ فائنل میچ کا ٹاس بارش کے باعث ابھی تک ممکن نہ ہوسکا۔
ٹاس دوپہر 2 بجے جبکہ میچ کا آغاز ڈھائی بجے ہونا تھا۔ گراؤنڈ کی آؤٹ فیلڈ میں پانی جمع ہوجانے کے باعث انتظامیہ کو میچ شروع کروانے میں مشکلات کا سامنا ہے۔
مسلسل بارش کے باعث ممکنہ طور پر کھیل کو 50 سے کم اوورز تک محدود کیا جائے گا۔ آج کھیل ممکن نہ ہونے کی صورت میں میچ ریزرو ڈے (کل) پر کھیلا جائے گا۔
خیال رہے کہ جنوبی افریقا اور بھارت آج پہلی مرتبہ ویمنز ورلڈکپ کا ٹائٹل جیتنے کیلیے مدمقابل آئیں گے۔
ویمنز ورلڈکپ کی تاریخ میں یہ پہلا موقع ہے جب فائنل میں آسٹریلیا یا انگلینڈ میں سے کوئی بھی ایک ٹیم موجود نہیں ہوگی۔
بھارتی ٹیم اس سے قبل دو مرتبہ فائنل کھیل چکی ہے تاہم اسے دونوں مرتبہ شکست کا سامنا کرنا پڑا جبکہ جنوبی افریقی ٹیم نے پہلی مرتبہ ویمنز ورلڈکپ کے فائنل میں رسائی حاصل کی ہے۔
جیولین تھرور ارشد ندیم ٹریننگ کیلئے گراؤنڈ میں لوٹ آئے