پرفیکٹ مرڈر کا خواب جسے فرانزک سائنس نے توڑ دیا، قتل کی لرزہ خیز واردات کی کہانی سامنے آگئی
اشاعت کی تاریخ: 29th, October 2025 GMT
بھارت میں ایک 21 سالہ فرانزک سائنس کی طالبہ نے اپنے 32 سالہ لِو اِن پارٹنر کو قتل کر کے اسے حادثاتی موت ظاہر کرنے کا منصوبہ بنایا، مگر وہ منصوبہ کامیاب نہ ہوسکا۔
پولیس کے مطابق امرِتا چوہان نے اپنے سابق بوائے فرینڈ سمت کشیپ (27) اور دوست سندیپ کمار (29) کے ساتھ مل کر رام کشور مینا کو گلا گھونٹ کر قتل کیا۔ بعد ازاں لاش پر تیل، گھی اور شراب ڈال کر آگ لگا دی تاکہ واقعہ گیس سلنڈر دھماکے کا لگے۔
ابتدائی تفتیش میں یہ ایک حادثاتی آگ معلوم ہوئی، مگر فرانزک ماہرین نے جلنے کے نشانات میں بے ضابطگیاں دیکھ کر شک ظاہر کیا۔
یہ بھی پڑھیے محبت، بلیک میلنگ اور قتل، خوفناک واردات کی تفصیل سامنے آگئی
مزید تفتیش کے دوران پولیس نے قریب کے سی سی ٹی وی فوٹیجز حاصل کیں، جن میں 2 نقاب پوش افراد کو عمارت میں داخل ہوتے اور کچھ دیر بعد آگ لگنے سے قبل جاتے دیکھا گیا۔
فرانزک علم، مگر جرم کا راز اسی نے کھولاپولیس کے مطابق امرتا نے اپنے فرانزک علم اور کرائم ویب سیریز سے متاثر ہو کر یہ منصوبہ بنایا تھا۔ اس نے سوچا کہ آگ میں تمام شواہد جل جائیں گے، مگر فرانزک تجزیہ کاروں نے جلنے کے پیٹرن سے سمجھ لیا کہ معاملہ کچھ اور ہے۔
پولیس افسر رویندرا یادو کے مطابق ’یہ قتل ایک ’پرفیکٹ پلان‘ کے تحت کیا گیا تھا، مگر دہلی پولیس نے اسے سائنس اور تفتیش کے ذریعے ’پرفیکٹ انداز میں‘ حل کیا۔‘
یہ بھی پڑھیے چکوال میں قتل کی سنسنی خیز واردات: 8 ماہ قبل تالاب سے ملنے والے انسانی اعضا قبر سے غائب
مزید تحقیقات میں انکشاف ہوا کہ مقتول رام کشور مینا نے امرِتا کی ذاتی تصاویر اور ویڈیوز ڈیلیٹ کرنے سے انکار کیا تھا، جس پر جھگڑا بڑھ کر قتل تک جا پہنچا۔
قتل کی رات کا منظرپولیس کے مطابق 5 اور 6 اکتوبر کی درمیانی شب تینوں ملزمان مینا کے فلیٹ پہنچے۔ سندپ اور سمت نے اسے گلا گھونٹ کر مار ڈالا، جب کہ امرتا نے لاش پر تیل، گھی اور شراب ڈالی۔ سمت نے، جو ایک ایل پی جی ڈسٹری بیوٹر ہے، سلنڈر کا والو کھولا اور آگ لگا دی۔ انہوں نے فلیٹ کو اندر سے بند کیا اور لوہے کی جالی میں سوراخ کر کے ہاتھ باہر نکال کر تالا لگایا تاکہ واقعہ حادثہ لگے۔ کچھ دیر بعد سلنڈر پھٹ گیا اور فلیٹ میں آگ بھڑک اٹھی۔
جرم بے نقاب کیسے ہوا؟سی سی ٹی وی، موبائل لوکیشن، کال ڈیٹا اور دیگر ڈیجیٹل شواہد سے پولیس کو سارا منظر واضح ہو گیا۔ امرِتا کو 18 اکتوبر کو مرادآباد سے گرفتار کیا گیا، جب کہ سمت کو 21 اکتوبر اور سندیپ کو 2 دن بعد پکڑا گیا۔ پولیس نے مینا کی ہارڈ ڈرائیو، لیپ ٹاپ اور دیگر سامان برآمد کر لیا۔ اس کیس میں مرکزی کردار امرتا نے دورانِ تفتیش اعترافِ جرم کر لیا ہے۔
تفتیشی افسران کے مطابق یہ مقدمہ اس بات کا ثبوت ہے کہ ایک فرانزک دماغ نے جرم کا منصوبہ بنایا، مگر جرم کا راز بھی فرانزک سائنس ہی نے فاش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امرِتا چوہان رام کشور مینا.
ذریعہ
ذریعہ: WE News
کلیدی لفظ: امر تا چوہان کے مطابق قتل کی
پڑھیں:
100 روپے کا موبائل لوڈ کروانے پر اصل بیلنس کتنا ملتا ہے؟ ٹیکس کی مکمل تفصیل سامنے آگئی
اسلام آباد: 100 روپے موبائل لوڈ پر کتنا بیلنس ملتا ہے، یہ سوال اکثر موبائل صارفین کے ذہن میں آتا ہے۔ پاکستان میں موبائل فون استعمال کرنے والے لاکھوں پری پیڈ صارفین ہر ریچارج پر مختلف ٹیکس ادا کرتے ہیں، جس کے باعث مکمل رقم بطور بیلنس دستیاب نہیں ہوتی۔
موجودہ ٹیکس نظام کے مطابق اگر کوئی صارف 100 روپے کا موبائل لوڈ کرواتا ہے تو اس کے موبائل اکاؤنٹ میں استعمال کے لیے صرف 72 روپے 77 پیسے کا بیلنس دستیاب ہوتا ہے، جبکہ 27 روپے 23 پیسے مختلف ٹیکسوں کی مد میں منہا کر لیے جاتے ہیں۔
100 روپے کے لوڈ پر کتنی کٹوتی ہوتی ہے؟
سرکاری ٹیکس نظام کے مطابق سب سے پہلے 15 فیصد ایڈوانس انکم ٹیکس وصول کیا جاتا ہے، جس کے نتیجے میں تقریباً 13 روپے 4 پیسے کٹ جاتے ہیں۔
اس کے بعد باقی رہ جانے والی رقم پر 19.5 فیصد جنرل سیلز ٹیکس (GST) عائد کیا جاتا ہے، جس کے باعث مزید تقریباً 14 روپے 19 پیسے کی کٹوتی ہوتی ہے۔
یوں مجموعی طور پر 100 روپے موبائل لوڈ پر کتنا بیلنس ملتا ہے کا جواب یہ ہے کہ صارف کو صرف 72.77 روپے ہی استعمال کے لیے ملتے ہیں۔
پری پیڈ صارفین پر زیادہ بوجھ
ماہرین کے مطابق پری پیڈ موبائل صارفین مجموعی طور پر تقریباً 34.5 فیصد ٹیکس کا بوجھ برداشت کر رہے ہیں۔ پاکستان میں اس وقت 20 کروڑ سے زائد موبائل صارفین موجود ہیں، جن میں بڑی تعداد پری پیڈ کنکشن استعمال کرتی ہے۔
ماہرین کا کہنا ہے کہ موبائل سروسز اور انٹرنیٹ پر زیادہ ٹیکس عائد ہونے سے ڈیجیٹل معیشت کی ترقی متاثر ہو سکتی ہے، جبکہ کم آمدنی والے صارفین کے لیے رابطے اور انٹرنیٹ کی سہولت مزید مہنگی ہو جاتی ہے۔
انہوں نے اس بات پر بھی زور دیا کہ موبائل سروسز پر ٹیکسوں میں کمی سے نہ صرف عوام کو ریلیف مل سکتا ہے بلکہ ڈیجیٹل خدمات کے استعمال میں بھی اضافہ ممکن ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع