نارتھ یارکشائر میں پینے کے پانی پر پابندی
اشاعت کی تاریخ: 29th, October 2025 GMT
نارتھ یارکشائر کے علاقے نِیڈرڈیل (Nidderdale) میں رہائشیوں کو ہدایت کی گئی ہے کہ وہ کسی بھی صورت میں نلکے کا پانی نہ پئیں، حتیٰ کہ اُبالنے کے بعد بھی نہیں، کیونکہ پانی کے نمونوں میں آلودگی پائی گئی ہے۔
یارکشائر واٹر کمپنی کے ترجمان کے مطابق، ہیروگیٹ کے قریب 34 مکانات میں پانی میں غیر معمولی کیمیائی و طبعی تبدیلیاں سامنے آئی ہیں، متاثرہ علاقوں میں ڈارلے، مینوتھ ہل، برسٹوتھ، ہائی برسٹوتھ، فاریسٹ مور، فیلزکلف اور لافٹ ہاؤس شامل ہیں۔
کمپنی کے مطابق، مزید 43 گھروں کے لیے اب بھی اُبال کر پینے کی ہدایت برقرار ہے، تاہم مذکورہ 34 گھروں کے مکینوں کو سختی سے کہا گیا ہے کہ وہ کسی بھی صورت میں نلکے کا پانی نہ پئیں، نہ ہی اسے کھانا پکانے، دانت صاف کرنے یا پالتو جانوروں کو پلانے کے لیے استعمال کریں، البتہ پانی کو کپڑے دھونے، برتن صاف کرنے، غسل اور بیت الخلا کے استعمال کے لیے محفوظ قرار دیا گیا ہے۔
مقامی ایک رہائشی کے مطابق انہیں کمپنی کی جانب سے پینے کے لیے بوتل بند پانی فراہم کیا گیا ہے۔
انہوں نے کہا کہ جمعے کی رات یارکشائر واٹر کی کال آئی، انہوں نے کہا کہ اب پانی اُبالنے کے بعد بھی پینے کے قابل نہیں رہا۔ ہفتے کے آخر تک تقریباً 64 لیٹر پانی فراہم کیا گیا تاکہ میں سبزیاں دھونے اور پینے کے لیے استعمال کر سکوں لیکن اب تک یہ نہیں بتایا گیا کہ اصل مسئلہ کیا ہے۔
یارکشائر واٹر کے ترجمان نے بتایا کہ 10 اکتوبر کو معمول کے نمونے لینے کے دوران پانی میں کولِیفارم بیکٹیریا کی کم سطح پائی گئی، یہ وہی بیکٹیریا گروپ ہے جس میں ای کولی (E.
ترجمان کے مطابق، ہم نے نیٹ ورک کو فلش کرنے، نجی سپلائیز کے ٹیسٹ، اور حفاظتی وال لگانے جیسے اقدامات کیے ہیں۔ اضافی ٹیسٹوں میں اب کچھ علاقوں میں کیمیائی بے ترتیبی ظاہر ہوئی ہے، جس کے بعد متاثرہ گھروں کو پانی نہ پینے کی ہدایت جاری کی گئی ہے۔
کمپنی کا کہنا ہے کہ تحقیقات جاری ہیں اور امکان ہے کہ مسئلہ اُن دیہی علاقوں سے متعلق ہو جہاں گھروں کو یارکشائر واٹر کے ساتھ نجی بور ہول سپلائی بھی حاصل ہے۔
انہوں نے مزید کہا کہ ہم سمجھتے ہیں کہ یہ صورتحال صارفین کے لیے پریشان کن ہے، اور ہم ان کی صبر و تعاون پر شکر گزار ہیں۔
ذریعہ
ذریعہ: Daily Mumtaz
کلیدی لفظ: یارکشائر واٹر کے مطابق پینے کے کے لیے
پڑھیں:
چینی چڑیا گھر میں جانور گرمی کی شدید لہر سے کیسے محفوظ رہتے ہیں؟
چین کے جنوب مغربی شہر چونگ چنگ میں شدید گرمی کے پیش نظر چونگ چنگ چڑیا گھر نے جانوروں کو محفوظ اور آرام دہ رکھنے کے لیے خصوصی انتظامات کیے ہیں۔ پانڈا، ہاتھی، دریائی گھوڑوں اور دیگر جانوروں کو ٹھنڈے پانی، پھلوں اور جدید کولنگ سسٹمز کے ذریعے گرمی سے بچانے کی کوششیں جاری ہیں۔
سرکاری خبر رساں ادارے شِنہوا کے مطابق چونگ چنگ چڑیا گھر میں دیوقامت پانڈا، ہاتھی، دریائی گھوڑے اور دیگر جانوروں کو شدید گرمی سے بچانے کے لیے ٹھنڈے پانی کے تالاب، مصنوعی بارش (مسٹنگ سسٹم)، سایہ دار مقامات اور خصوصی خوراک کا انتظام کیا گیا ہے۔
چڑیا گھر میں موجود دیوقامت پانڈا دن کے گرم اوقات میں پانی کے تالابوں میں وقت گزار رہے ہیں، جبکہ ان کے باڑوں میں مسلسل پانی کی باریک پھوار چلائی جا رہی ہے تاکہ درجہ حرارت کم رکھا جا سکے۔
اسی طرح دریائی گھوڑوں اور ہاتھیوں کو جسمانی درجہ حرارت متوازن رکھنے کے لیے تربوز اور دیگر پانی سے بھرپور پھل کھلائے جا رہے ہیں، جبکہ ان کے لیے نہانے اور پانی میں رہنے کے اضافی انتظامات بھی کیے گئے ہیں۔
ماہرین کے مطابق پانڈا نسبتاً ٹھنڈے موسم کے جانور ہیں اور شدید گرمی ان کی صحت، خوراک اور روزمرہ سرگرمیوں پر منفی اثر ڈال سکتی ہے۔ اسی وجہ سے چین کے مختلف چڑیا گھروں میں موسمِ گرما کے دوران کولنگ سسٹمز، برف کے بلاکس، ایئر کنڈیشنڈ انڈور حصوں اور پانی سے بھرپور غذا کا استعمال معمول کا حصہ بن چکا ہے۔
چونگ چنگ چین کے گرم ترین شہروں میں شمار ہوتا ہے، جہاں موسمِ گرما میں درجہ حرارت اکثر 40 ڈگری سینٹی گریڈ کے قریب یا اس سے بھی زیادہ پہنچ جاتا ہے۔ حالیہ برسوں میں شدید گرمی کی لہروں کے باعث مقامی انتظامیہ نے نہ صرف شہریوں بلکہ جنگلی اور قید جانوروں کے تحفظ کے لیے بھی خصوصی منصوبے نافذ کیے ہیں۔
چڑیا گھر کی انتظامیہ کا کہنا ہے کہ موسمِ گرما کے دوران جانوروں کی صحت کی مسلسل نگرانی کی جا رہی ہے اور ضرورت کے مطابق ان کے ماحول، خوراک اور طبی نگہداشت میں تبدیلیاں کی جاتی ہیں تاکہ شدید گرمی کے باوجود انہیں کسی قسم کی تکلیف یا صحت کے خطرات کا سامنا نہ کرنا پڑے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان نے ورلڈ کپ 2028 کیلیے براہ راست کوالیفائی کر لیا