ورلڈ بینک کی پاکستان کے لیے 40 کروڑ ڈالر قرض کی منظوری
اشاعت کی تاریخ: 12th, December 2025 GMT
ورلڈ بینک نے پاکستان کے لیے 40 کروڑ ڈالر کے قرض کی منظوری دے دی۔
یہ بھی پڑھیں: سیلاب کی تباہ کاریاں: فصلیں کتنی کم، آئندہ مالی سال کیسا ہوگا، ورلڈ بینک کے تخمینے
یہ رقم صوبہ پنجاب میں پانی، صفائی اور بنیادی حفظانِ صحت کے منصوبوں پر خرچ کی جائے گی۔
ورلڈ بینک کے اعلامیے کے مطابق یہ فنڈز پنجاب کے 16 شہروں میں سیوریج سسٹمز کی بہتری، پانی کی فراہمی اور ٹریٹمنٹ پلانٹس کی مرمت و بحالی کے لیے استعمال ہوں گے۔
منصوبے کا مقصد شہری آبادی کو معیاری صفائی کی سہولیات فراہم کرنا اور پانی سے پیدا ہونے والی بیماریوں میں نمایاں کمی لانا ہے۔
ورلڈ بینک کا کہنا ہے کہ یہ پروگرام صحت کے اخراجات میں کمی کے ساتھ ساتھ مقامی حکومتوں کی استعداد کار اور ریونیو میں اضافہ کرنے میں معاون ہوگا۔
مزید پڑھیں: ورلڈ بینک نے پاکستان کے لیے 4 کروڑ 79 لاکھ ڈالر کی گرانٹ منظور کرلی
علاوہ ازیں منصوبہ شہروں کو سیلاب اور خشک سالی جیسے ماحولیاتی چیلنجز کے مقابلے کے لیے زیادہ مضبوط بنانے میں بھی مددگار ثابت ہوگا جس سے پائیدار اور ماحول دوست شہری ترقی کو فروغ ملے گا۔
اعلامیے میں مزید بتایا گیا ہے کہ اس منصوبے میں خواتین کی شمولیت پر خصوصی توجہ دی جائے گی۔
خواتین کے لیے نئی ملازمتیں، فیصلہ سازی میں نمائندگیخواتین کے لیے نئی ملازمتیں، فیصلہ سازی میں نمائندگی، اسکل ڈویلپمنٹ پروگرامز اور جینڈر کمپلینٹ ڈیسک کا قیام بھی منصوبے کا حصہ ہے۔ گھریلو سطح پر صفائی اور صحت سے متعلق آگاہی مہمات بھی چلائی جائیں گی۔
ورلڈ بینک کے مطابق اس پروگرام کا ایک اہم ہدف پانی اور صفائی کے شعبوں میں نجی سرمایہ کاری کو متحرک کرنا ہے۔
مزید پڑھیں: وزیر صحت کی ورلڈ بینک وفد سے ملاقات، ملک بھر میں یونیورسل ہیلتھ کوریج کے فروغ پر اتفاق
یہ منصوبہ پنجاب ڈویلپمنٹ پروگرام اور ستھرا پنجاب پروگرام کو تقویت دینے کے ساتھ ساتھ صحت مند کمیونٹیز اور خوشحال پاکستان کی بنیاد رکھنے میں کردار ادا کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب کے لیے ورلڈ بینک کا قرضہ ورلڈ بینک ورلڈ بینک کا پاکستان کو قرضہ.
ذریعہ
ذریعہ: WE News
کلیدی لفظ: پنجاب کے لیے ورلڈ بینک کا قرضہ ورلڈ بینک ورلڈ بینک کا پاکستان کو قرضہ ورلڈ بینک کے لیے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار