خواتین خلامیں: ناسا کی سابق راکٹ سائنسدان عائشہ بو اورسنگرکیٹی پیری مسافروں میں شامل
اشاعت کی تاریخ: 28th, February 2025 GMT
ویب ڈیسک —
دنیا کے دوسرے نمبر کے دولتمند ترین شخص جیف بیزوس کی راکٹ کمپنی،’ بلیو اوریجن‘ نےجمعرات کو اپنی 11 ویں انسانی پرواز کے لیے کچھ سیلیبریٹی مسافر خواتین کا اعلان کیا ہے، جو اس موسم بہار میں خلا میں جائینگی۔
یہ سب ہی اپنے اپنے شعبے میں معرو ف ہیں۔ لارین سانچیز اس کمپنی کے مالک جیف بیزوس کی منگیتر ہیں اوروہ خود ہیلی کاپٹر پائلٹ اور سابق ٹی وی صحافی ہیں۔ انہوں نے ہی اس کےعملے کا انتخاب کیا ہےجو مغربی ٹیکساس سے 10 منٹ کی خلائی پرواز پر ان کے ساتھ شامل ہوگا۔
عائشہ بو ایوارڈز کی ایک تقریب میں۔
یہ بلیو اوریجن کی 11ویں انسانی خلائی پرواز ہوگی۔
یہ خواتین اس موسم بہار میں کسی وقت” نیو شیپرڈ ‘راکٹ میں خلا کا سفر کریں گی تاہم لانچ کی کوئی تاریخ نہیں دی گئی۔
سانچیز نے گلوکار ہ کیٹی پیری اور ٹی وی میزبان گائل کنگ کے ساتھ ساتھ ناسا کی سابق راکٹ سائنسدان عائشہ بوو، ریسرچ سائنسدان امندا نووئین اور فلم پروڈیوسر کیرین فلین کو مدعو کیاہے۔
گلوکارہ کیٹی پیری
بلیو اوریجن راکٹ کمپنی
بلیو اوریجن 2021 سے سیاحوں کو خلا کے مختصر سفر پر لے جارہا ہے۔ کچھ مسافروں نے مفت سواری کی ہے، جبکہ دیگر نے بے وزنی کا تجربہ کرنے کے لیے بھاری رقم ادا کی ہے۔
یہ فوری طور پر معلوم نہیں ہو سکا کہ خواتین کی اس آنے والی پرواز کا بل کون ادا کر رہا ہے۔
اسٹار ٹریک کے کیپٹن کرک بھی خلا میں جا چکے ہیں2021 میں شو بز کے ایک اسٹار امریکی ٹی وی کی سائنس فکشن ٹی وی سیریز سٹار ٹریک میں کیپٹن کرک کے نام سے مشہور اداکار ولیم شاٹنر 90 برس کی عمر میں جیف بیزوس کی کمپنی بلیو اوریجن کی مدد سے درحقیقت خلا کا سفر کرنے میں کامیاب ہو گئےتھے۔
No media source now available
اس کے بعد ولیم شاٹنر خلا میں جانے والے سب سے عمر رسیدہ فرد بن گئے۔
سائنس فکشن کے مداح ولیم شاٹنر کے خلا میں جانے پر بہت پرجوش تھے۔ سٹار ٹریک میں اپنے کردار میں وہ ایک خلائی جہاز کے مدبر کمانڈر کے طور پر نظر آتے تھے۔
وہ امریکی ٹیلی وژن سے منسلک پہلے سٹار ہیں جو خلا میں جگمگائے۔ انٹرنیٹ پر مداح کیپٹن کرک کردار کا مشہور قول ’خطرہ مول لینا ہی ہمارا کاروبار ہے، اس سٹار شپ کا یہی مقصد ہے۔‘‘ شئیر کرتے رہے۔
No media source now available
ولیم شاٹنر نے امریکی ٹی وی پر 1966 سے 1969 تک نشر ہونے والی ٹی وی سیریز سٹار ٹریک میں ایک سٹار شپ یا خلائی جہاز کے کمانڈر کا کردار ادا کیا تھا۔
ولیم شاٹنر اور ان کے مزید تین ساتھی اکتوبر 2021 میں بلیو اوریجن کے خلائی جہاز میں زمین سے 107 کلومیٹر کی بلندی پر، خلا میں داخل ہوئے اور امریکی ریاست ٹیکساس کے مغربی صحرا میں پیراشوٹ کی مدد سے ان کا جہاز واپس اتر آیا۔ ان کی اس فلائٹ نے مکمل ہونے کے لیے محض دس منٹ کا وقت لیا۔
شاٹنر نے جیف بیزوس کو بتایا کہ ’’آپ نے مجھے ایک بہترین تجربہ حاصل کرنے کا موقع دیا۔‘‘ انہوں نے کہا کہ انہیں امید ہے کہ وہ اس تجربے کو کبھی بھول نہیں پائیں گے۔
ایمازون کے بانی جیف بیزوس سٹار ٹریک کے پرستار ہیں اور انہوں نے اس سیریز پر بعد میں بننے والی فلموں میں سے ایک میں ایک مختصر کردار بھی ادا کیا تھا۔ وہ اس فلم میں خلائی مخلوق کے کردار میں نظر آئے تھے۔
(اس رپورٹ میں معلومات ایسو سی ایٹڈ پریس کسے لی گئی ہیں)
.ذریعہ: Al Qamar Online
کلیدی لفظ: بلیو اوریجن جیف بیزوس سٹار ٹریک خلا میں
پڑھیں:
وفاقی حکومت نے او پی ایف کے بورڈ آف گورنرز کی تشکیل نو کردی
وفاقی حکومت نے اوور سیز پاکستانیز فاؤنڈیشن کے بورڈ آف گورنرز کی تشکیل نو کر دی۔ وفاقی کابینہ نے 19 اپریل کو بورڈ آف گورنرز کی تشکیل نو کی ہدایت کی تھی، او پی ایف کے نو تشکیل شدہ بورڈ آف گورنرز میں 11 ارکان شامل ہیں۔ اسلام ٹائمز۔ وفاقی حکومت نے اوور سیز پاکستانیز فاؤنڈیشن کے بورڈ آف گورنرز کی تشکیل نو کر دی۔ وفاقی کابینہ نے 19 اپریل کو بورڈ آف گورنرز کی تشکیل نو کی ہدایت کی تھی، او پی ایف کے نو تشکیل شدہ بورڈ آف گورنرز میں 11 ارکان شامل ہیں۔ چیئرمین سمیت 7 اراکین نو تشکیل شدہ بورڈ میں غیر جانبدار ڈائریکٹر ہیں، سید قمر رضا کو او پی ایف کے بورڈ آف گورنرز کا چیئرمین تعینات کیا گیا ہے۔
غیر جانبدار ڈائریکٹرز میں شاہین خالد بٹ، شمشیر علی راؤ، اونازہ احسان بٹ شامل ہیں، جہانزیب بیگم، محمد کامران خان اور چوہدری آصف محمود بھی بورڈ آف گورنرز میں شامل ہیں۔ سیکرٹری اوورسیز، ایم ڈی او پی ایف، ایڈیشنل سیکرٹری وزارت خزانہ و خارجہ بھی ایکس آفیشو ارکان کے طور پر بورڈ آف گورنرز میں شامل ہیں۔
افغانستان کے وفد کی وزیر مملکت برائے داخلہ سے ملاقات، افغان مہاجرین کی واپسی پر گفتگو