گورنر پنجاب سے ویتنامی سفیر، ہائی کمشنر روانڈا کی ملاقات، تجارت بڑھانے پر اتفاق
اشاعت کی تاریخ: 1st, March 2025 GMT
لاہور (نیوز رپورٹر+ نامہ نگار) گورنر پنجاب سردار سلیم حیدر خان سے گورنر ہائوس لاہور میں ویتنام کے سفیر Pham Anh Tuan اور پاکستان میں روانڈا کی ہائی کمشنر ( Haremana Fatou) نے الگ الگ ملاقات کی۔ ملاقات کے دوران پاکستان اور روانڈا کے درمیان تجارت کو فروغ دینے کے لیے کاروباری حضرات، ویمن چیمبرز سے منسلک کاروباری خواتین اور اعلی سطحی وفود کے تبادلوں پر اتفاق کیا گیا۔ روانڈا کی ہائی کمشنر حریمانہ فاتو کی ملاقات میں لاہور چیمبر آف کامرس کے صدر ابو ذر شاد اور فیڈریشن آف پاکستان چیمبر آف کامرس اینڈ انڈسٹری کے نائب صدر ذکی اعجاز بھی موجود تھے۔ سردار سلیم حیدر خان نے کہا کہ پاکستانی بزنس مین روانڈا کو گیٹ وے بنا کر پورے افریقہ میں کاروبار پھیلا سکتے ہیں۔ انہوں نے کہا کہ روانڈا پاکستان سے چاول، گوشت، ڈیری مصنوعات اور لیدر درآمد کرنے کے امکانات پر غور کر سکتا ہے۔ گورنر پنجاب نے کہا کہ پاکستان ، ویتنام اور روانڈا کے درمیان مختلف سیکٹرز میں تعاون سے آگے بڑھا جا سکتا ہے۔ کامرس اور ٹورزم میں تعاون سے پاکستان اور ویتنام کے درمیان تعلقات کی نئی راہیں کھل سکتی ہیں۔ تجارت کے حجم کو مختلف شعبوں میں دوگنا کر سکتے ہیں۔ گورنر پنجاب نے مزیدکہا کہ پاکستان میں زراعت، سرجیکل آلات اور ٹیکسٹائل مصنوعات اعلیٰ معیار کی ہیں۔ ویتام زراعت اور ٹیکسٹائل میں تجارت کے امکانات پر غور کر سکتا ہے۔ ہائی کمشنر روانڈا حریمانہ فاتو نے کہا کہ پاکستان کے ساتھ فارماسوٹیکل اور ٹیکسٹائل کے شعبوں میں تجارت کو فروغ دیا جائے گا۔ صدر لاہور چیمبر آف کامرس اینڈ انڈسٹری ابو ذر شاد نے کہا کہ روانڈا اور لاہور چیمبرآ ف کامرس کے درمیان روابط کو مضبوط بنایا جائے گا۔ ادھرگورنر پنجاب سردار سلیم حیدر گزشتہ روز پیپلزپارٹی کے سینئر رہنما نوید چوہدری کی رہائش گاہ فیصل ٹاؤن پہنچے۔ گورنر پنجاب نے نوید چوہدری کی عیادت کی۔ ملاقات میں نوید چوہدری کے بیٹے عفران نوید،فرقان نوید، پیپلزپارٹی کے رہنما اشعر رانا، احسن رضوی و دیگر بھی موجود تھے۔ سلیم حیدر نے اس موقع پر گفتگو کرتے ہوئے کہا کہ صدر پاکستان آصف زرداری لاہور آئے،انہوں نے مختلف میٹنگز کیں۔ صدر پاکستان نے سینئر قیادت سے چیزوں کو آگے بڑھانے کے حوالے سے مشاورت کی۔اب لگاتار صدر پاکستان اور بلاول بھٹو زرداری لاہور میں تشریف لاتے رہیں گے۔ہم نے پنجاب کو فوکس کرنا ہے،پنجاب پیپلز پارٹی کا ہے اور اس کو بحال کرنا ہے۔بلدیاتی الیکشن کے حوالے سے پریزیڈنٹ صاحب نے بڑی سختی سے ہدایات جاری کی ہیں کہ پوری پارٹی اس کی تیاری کرے۔ٹکٹ ہولڈرز ہیں اور نوٹیبل جو عہدیداران ہیں،ساری سینٹرل پنجاب،جنوبی پنجاب بھرپور طریقے سے اپنی ورکنگ شروع کردیں۔پیپلزپارٹی بلدیاتی الیکشن کے لئے بھرپور تیاری کرے گی اور اچھا رزلٹ دے گی۔ (ن) لیگ کی محبت میں نہیں بیٹھے مجبوری میں بیٹھے ہوئے ہیں اور مجبوری ملک کی ہے، سسٹم کو بہتر کرنے کی ہے، تاکہ ملک مشکل صورتحال سے نکلے۔ ملک کیلئے صرف کولیشن کو سپورٹ کر رہے ہیں۔
.ذریعہ: Nawaiwaqt
کلیدی لفظ: کہا کہ پاکستان گورنر پنجاب ہائی کمشنر کے درمیان سلیم حیدر پاکستان ا نے کہا کہ ف کامرس
پڑھیں:
لاہور، سپیکر پنجاب اسمبلی سے نئے ترک قونصل جنرل کی ملاقات
سپیکر ملک محمد احمد خان نے مزید کہا کہ پنجاب میں ترک سرمایہ کاروں کیلئے وسیع مواقع موجود ہیں، جبکہ پارلیمانی اور سفارتی روابط سے پاک ترک دوستی مزید مستحکم ہوئی ہے۔ سپیکر ملک محمد احمد خان نے اس بات پر زور دیا کہ پاکستان ترک دوستی کی اہمیت نئی نسلوں تک منتقل کرنا وقت کی ضرورت ہے اسلام ٹائمز۔ سپیکر پنجاب اسمبلی ملک محمد احمد خان سے ترکیہ کے قونصل جنرل لاہور محمت ایمان شِمشیک نے سپیکر چیمبر میں ملاقات کی۔ اس موقع پر دو طرفہ تعلقات، تجارتی تعاون، دفاع، تعلیم اور توانائی سمیت مختلف شعبوں میں اسٹریٹیجک شراکت داری کے فروغ پر تفصیلی تبادلہ خیال کیا گیا۔ سپیکر ملک محمد احمد خان نے ترکیہ کے قونصل جنرل کی لاہور میں تعیناتی پر انہیں خوش آمدید کہتے ہوئے کہا کہ پاکستان اور ترکیہ کی دوستی اخلاص اور اعتماد پر استوار ہے۔ انہوں نے سیلاب متاثرین کی امداد پر ترک حکومت کا شکریہ ادا کیا اور کہا کہ دونوں ممالک نے ہمیشہ ایک دوسرے کا ہر مشکل وقت میں بھرپور ساتھ دیا ہے۔
سپیکر ملک محمد احمد خان نے مزید کہا کہ پنجاب میں ترک سرمایہ کاروں کیلئے وسیع مواقع موجود ہیں، جبکہ پارلیمانی اور سفارتی روابط سے پاک ترک دوستی مزید مستحکم ہوئی ہے۔ سپیکر ملک محمد احمد خان نے اس بات پر زور دیا کہ پاکستان ترک دوستی کی اہمیت نئی نسلوں تک منتقل کرنا وقت کی ضرورت ہے۔ ترکیہ کے قونصل جنرل محمت ایمان شِمشیک نے کہا کہ پاک ترک عوام اخوت اور محبت کی گہری بنیاد رکھتے ہیں اور انہوں نے یقین دہانی کرائی کہ پاکستان کے ساتھ ہر سطح پر تعاون مستقبل میں بھی جاری رکھا جائے گا۔ ملاقات میں اراکین صوبائی اسمبلی ملک احمد سعید خاں، ملک اعجاز، ملک تیمور خاں، پرنسپل سیکرٹری برائے سپیکر عماد حسین بھلی اور ایڈوائزر برائے سپیکر اسامہ خاور بھی موجود تھے۔
اپنی سلامتی اور خودمختاری کو نشانہ بنانیوالے کسی اقدام کو قبول نہیں کرینگے، قطر کا اسرائیلی حملے پر ردعمل