’اپنا کماتی ہوں، اپنا کھاتی ہوں‘، طلاق یافتہ خاتون کی جشن مناتے ڈانس ویڈیو وائرل
اشاعت کی تاریخ: 7th, March 2025 GMT
اگر کسی جوڑے کی طلاق ہوجائے تو وہ افسردہ ہوتا ہے لیکن ایک پاکستانی خاتون کی طلاق ہونے پر ڈانس کرنے کی ویڈیو سوشل میڈیا پر وائرل ہورہی ہے۔
وائرل ویڈیو میں خاتون کو کوک اسٹوڈیو کے گانے ’مغروں لا‘ پر پر جوش انداز میں ڈانس کرتے دیکھا جا سکتا ہے، عظیمہ احسان نامی خاتون نے یہ ویڈیو اپنے انسٹاگرام پر پوسٹ کی اور بتایا کہ وہ تین بچوں کی ماں ہیں۔ اس کے ساتھ طلاق کے بارے میں ایک پیغام بھی شیئر کیا۔
یہ بھی پڑھیں: کیا کرینہ کپور اور سیف علی خان میں بات طلاق تک پہنچ گئی؟
خاتون نے لکھا کہ طلاق کو پاکستانی کمیونٹی میں اور خاص طور پر عورتوں کے لیے موت کی سزا کی طرح سمجھا جاتا ہے۔ انہوں نے کہا کہ ’مجھے بتایا گیا کہ میری زندگی ختم ہو جائے گی، مجھے پچھتاوا ہو گا اور خوشی کو تو بھول جاؤ‘۔ خاتون کا کہنا تھا کہ ’لوگوں کی تنقید اب بھی جاری ہے، لیکن میں اس کے باوجود ڈانس کرتی ہوں، ہنستی ہوں۔ زندگی اتنی بری نہیں ہے جتنی مجھے بتائی گئی تھی۔ بلکہ اس کے بالکل برعکس ہے‘۔
View this post on Instagram
A post shared by Λzima (@azima_ihsan)
عظیمہ احسان نے کہا کہ ’ہم طلاق کو بری چیز سمجھتے ہیں، جبکہ اسے ایک نئے آغاز کے طور پر دیکھا جانا چاہیے، ہاں یہ فیصلہ مشکل ہوتا ہے اور تنہائی کا احساس دلاتا ہے لیکن ایسی شادی جہاں آپ سانس نہیں لے سکتے وہ زیادہ برا ہے۔ ایک ناخوشگوار شادی میں پھنسے رہنا طلاق سے کہیں زیادہ برا ہے‘۔
یہ بھی پڑھیں: ’آپ کے پاس درست معلومات نہیں‘، وسیم اکرم سے طلاق کی خبروں پر اہلیہ شنیرا کا ردعمل
خاتون کا کہنا تھا کہ ’میں کبھی بھی طلاق نہیں چاہتی تھی لیکن میرے لیے اور میرے تین بچوں کے لیے یہ آزادی تھی یہاں تک کے میرے سابق شریک حیات کے لیے بھی اور یہ ہم دونوں کے لیے بہترین فیصلہ تھا‘۔ انہوں نے کہا کہ شادی محبت اور احترام پر مبنی ہونی چاہیے، نہ کہ بدنامی کے خوف پر۔ میں بہت ساری پاکستانی عورتوں کو دیکھتی ہوں جو صرف طلاق شدہ کے لیبل سے بچنے کے لیے اپنے آپ کو قربان کر دیتی ہیں۔ میں ان سے کہتی ہوں آپ کی خوشی اور سکون اہم ہے۔ زندگی جاری رہتی ہے۔ خوفزدہ نہ ہوں‘۔
پوسٹ کے آخر میں انہوں نے کہا کہ ’اپنا کماتی ہوں، اپنا کھاتی ہوں اپنے آپ کو سنبھالتی ہوں، اپنے خود کے نخرے اٹھاتی ہوں، اپنے آپ کی پسندیدہ ہوں، کوئی مرد کی ٹینشن نہیں ہے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خاتون طلاق ڈانس ڈانس ویڈیو طلاق کوک اسٹوڈیو.ذریعہ: WE News
کلیدی لفظ: خاتون طلاق ڈانس ڈانس ویڈیو طلاق کوک اسٹوڈیو نے کہا کہ کے لیے
پڑھیں:
اروشی روٹیلا نے اپنے نام پر بینک بننے کا دعویٰ کردیا
اداکارہ و ماڈل اروشی روٹیلا ایک بار پھر اپنی منفرد دعووں اور مزاحیہ ویڈیو کے باعث سوشل میڈیا پر موضوعِ بحث بن گئی ہیں۔
ایک اشتہاری ویڈیو سوشل میڈیا پر وائرل ہو رہی ہے جس میں اروشی روٹیلا نے خود کو نہ صرف ریاضی کے میدان میں پائتھاگورس کے بعد سب سے بڑی شخصیت قرار دیا، بلکہ یہ دعویٰ بھی کیا ہے کہ ان کے نام سے جلد ایک نیا بینک قائم ہونے جا رہا ہے۔
ویڈیو میں اروشی نے ساتھی اداکار کو یہ بھی بتایا کہ انہوں نے ایک نیا ریاضی کا مسئلہ حل کیا ہے جس کی وجہ سے ان کی دولت دوگنی ہو گئی ہے۔ اداکارہ نے ساتھ ہی یہ بھی دعویٰ کیا کہ مشہور سرمایہ کار وارن بفیٹ ان پر نظر رکھے ہوئے ہیں اور انہیں بھارت کی اگلی وزیر خزانہ قرار دے رہے ہیں۔
ویڈیو کلپ میں جب ایک ویٹر ان کیلئے مشہور فرائیڈ چکن لے کر آتی ہے تو اروشی ہنستے ہوئے کہتی ہیں، ’اروشی فرائیڈ چکن لانچ کرتے ہیں!‘۔
سوشل میڈیا پر اروشی کی یہ ویڈیو وائرل ہو رہی ہے جس پر صارفین دلچسپ تبصرے کر رہے ہیں اور اداکارہ کے دعووں پر حیرت میں مبتلا دکھائی دے رہے ہیں۔
خیبرپختونخواہ انتظامیہ نے کاغان میں 500 سیاحوں کو موت کے منہ میں جانے سے بچا لیا