لاہور، گھریلو ناچاقی پر شوہر نے بیوی کو قتل کر دیا
اشاعت کی تاریخ: 7th, March 2025 GMT
لاہور(اردوپوائنٹ اخبار تازہ ترین۔07 مارچ 2025)صوبائی دارالحکومت لاہور میں شوہر نے گھریلو ناچاقی پر بیوی کو فائرنگ کرکے قتل کردیا، پولیس نے ملزم کو آلہ قتل سمیت گرفتار کرلیا، پولیس کے مطابق فائرنگ کا واقعہ شالیمار کے علاقے میں پیش آیا جہاں شوہر محمد جاوید نے اپنی 24 سالہ بیوی کنزا کو گولی مار کر قتل کردیا۔ یہ بھی بتایا گیا ہے کہ ملزم شوہر کی اہلیہ کے ساتھ گھریلو ناچاقی تھی۔
ڈولفن پولیس کے ترجمان کا کہنا ہے کہ اہلیہ کے لرزہ خیزقتل کے بعد ملزم نے ڈولفن ٹیم کو دیکھ کر فرار ہونے کی کوشش کی۔اس حوالے سے ایس پی ڈولفن شاہ میر خالد کا کہنا تھا کہ ملزم جاوید کو آلہ قتل سمیت گرفتار کرلیا گیاہے اور قانونی کارروائی کیلئے تھانہ شالیمار پولیس کے حوالے کردیا گیا۔(جاری ہے)
پولیس نے مزید تفتیش شروع کر دی ہے۔یاد رہے کہ اس سے قبل بھی لاہور میں گھریلو تنازعے پر شوہر نے بیوی کو قتل کردیا تھا۔
ملزم نے پولیس کو گمراہ کرنے کیلئے تین سالہ بچے کے ہاتھ سے اتفاقیہ گولی چلنے کا بیان دیاتھا۔مقتولہ ثنا کو شوہر وجاہت نے گھریلو جھگڑے پر قتل کیاتھا۔لاہور کے علاقے جوہر ٹاون میں 23 سالہ خاتون گھر میں گولی لگنے سے جاں بحق ہوگئی تھی۔ شوہر کا کہنا تھا کہ 3 سالہ بچے سے اچانک گولی چل گئی جو ماں کو لگی اور وہ جاں بحق ہوگئی تھی۔ پولیس نے واقعے کو مشکوک قرار دیتے ہوئے ملزم کو حراست میں لے کر جب اس سے تفتیش کی گئی تو اس نے بیوی کو قتل کرنے کا اعتراف کرلیاتھا۔پولیس کایہ بھی کہنا تھا کہ ملزم وجاہت سے آلہ قتل برآمد کر لیا گیا تھا ۔ مزید تفتیش جاری تھی۔ پولیس کاکہنا تھا کہ ملزم وجاہت نے قتل کا الزام ڈھائی سالہ بچے پر لگایا تھا۔ پولیس نے مقتولہ کے شوہر سے پوچھ گچھ کی تھی تو پتہ چلا کہ گھریلو جھگڑے پر خاتون کو قتل کیا گیا تھا۔ پولیس نے ملزم کو حراست میں لے لیاتھا۔ قاتل پیشے سے وکیل تھا۔ قبل ازیں بھی چند روز قبل گھریلو ناچاقی پر شوہر نے بیوی کو قتل کر دیاتھا۔ بتایا گیا تھا کہ سانگلہ ہل کے محلہ ماڈل ٹاون میں خاوند نے بیوی کو فائرنگ کر کے موت کے گھاٹ اتارادیا تھا۔ واقعہ کی اطلاع ملنے پرپر پولیس کی بھاری نفری اور ریسکیو اہلکار بھی موقع پر پہنچ گئے تھے۔ریسکیواہلکاروں نے نعش پوسٹ مارٹم کیلئے ہسپتال منتقل کر دی ۔پولیس نے ملزم کو گرفتار کرلیا تھا۔ پولیس کا کہنا تھاکہ واقعہ گھریلو ناچاقی پر پیش آیاتھا ملزم کیخلاف مزید کارروائی شروع کر دی گئی تھی۔.
ذریعہ: UrduPoint
کلیدی لفظ: تلاش کیجئے نے بیوی کو قتل کر کہنا تھا کہ پولیس نے شوہر نے ملزم کو کہ ملزم کا کہنا
پڑھیں:
شوہر کے بدترین جنسی تشدد کا شکار ہونے والی بیوی زندگی کی بازی ہار گئی
کراچی کے علاقے لیاری میں شوہر کے مبینہ بدترین جنسی تشدد کے بعد کوما میں جانے والی لڑکی شانتی انتقال کر گئی، پولیس سرجن ڈاکٹر سمیہ سید کے مطابق شوہر کے بہیمانہ جنسی تشدد کا نشانہ بننے والی 19 سالہ شانتی آج صبح 11 بجے کے قریب سول اسپتال کے ٹراما سینٹر میں دم توڑ گئی۔
ڈاکٹر سمیہ سید کا مزید کہنا ہے کہ متاثرہ لڑکی کو ایک اور ہسپتال میں آپریشن کے بعد تشویشناک حالت میں سول ہسپتال منتقل کیا گیا تھا، ابتدائی میڈیکل معائنے میں جنسی تشدد کے شواہد ملے تھے۔
یہ بھی پڑھیے: ایبٹ آباد: خاتون کا دارالامان کے عملے پر جنسی و جسمانی تشدد کا الزام، پولیس نے انکوائری شروع کردی
لیاری کے علاقے بغدادی تھانے کے ایس ایچ او مجید علی نے لڑکی کی موت کی تصدیق کرتے ہوئے کہا ہے کہ شانتی کی شادی 15 جون کو اشوک نامی شخص سے ہوئی تھی اور 2 دن بعد شوہر نے ان پر غیر فطری انداز میں جنسی تشدد کیا، جس سے ان کی طبیعت بگڑ گئی تھی۔
اس واقعہ کا مقدمہ تھانہ بغدادی میں 5 جولائی کو درج ہوا تھا۔ دائرِ مقدمہ سیّوں چانگو نے موقف اپنایا کہ وہ لیاری کے علاقے شاہ بیگ لین کا رہائشی ہے، اس کی چھوٹی بہن شانتی جس کی عمر 19 سال ہے، کی شادی 15 جون 2025 کو اشوک موہن سے ہوئی تھی۔
یہ بھی پڑھیے: ایبٹ آباد: خاتون کا دارالامان کے عملے پر جنسی و جسمانی تشدد کا الزام، پولیس نے انکوائری شروع کردی
مدعی کے مطابق 30 جون کو بہن کی طبیعت بگڑنے پر وہ اسے واپس گھر لے آئے جہاں اس نے والدین کو بتایا کہ 17 جولائی کو اس کے شوہر نے اس کے ساتھ غیر فطری جنسی عمل کیا، ملزم شوہر نے مبینہ طور پر اس کے نازک اعضا میں آہنی پائپ ڈال دیا جس کی وجہ سے اس کی طبیعت خراب ہوئی۔
ایس ایچ او کے مطابق متاثرہ لڑکی کو 7 جولائی کو کوما کی حالت میں ٹراما سینٹر لایا گیا تھا جہاں 2 ہفتوں تک ان کا علاج چلتا رہا تاہم وہ 23 جولائی کو انتقال کر گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنسی تشدد خاتون خواتین مقدمہ
جمائمہ کا بچوں کی پاکستان آمد سے متعلق وزراء کے بیانات پر شدید ردعمل آگیا