مریم نواز کے طوفانی دورے، مختلف پراجیکٹس کی پیشرفت کا جائزہ
اشاعت کی تاریخ: 7th, March 2025 GMT
وزیراعلیٰ پنجاب مریم نواز شریف نے لاہور کے طافونی دورے کر کے مختلف ترقیاتی کاموں کی پیشرفت کا جائزہ لیا ہے۔
جمعے کے روز وزیراعلی پنجاب مریم نواز شریف نے لاہور کی ترقی کے تاریخی ‘لاہور ڈویلپمنٹ پروگرام’ کے مختلف زونز کا اچانک دورہ کر کے ترقیاتی کاموں کی پیشرف کا جائزہ لیا، پنجاب کی سینیئر صوبائی وزیر مریم اورنگزیب بھی وزیر اعلی کے ہمراہ تھیں۔
یہ بھی پڑھیں: وزیراعلیٰ پنجاب مریم نواز کا فری سولر منصوبے کا افتتاح، کن لوگوں کو مفت سولر ملیں گے؟
اس دوران وزیراعلیٰ پنجاب نے متعلقہ حکام کو ہدایت کی کہ لاہور کے ہر علاقے کی مساوی ترقی ہوگی، تمام ترقیاتی منصوبوں کا معیار ایک جیسا یقینی بنائیں۔’ ایسا نظام بنانا چاہتی ہوں کہ مسائل دوبارہ نظر آئیں نہ عوام کو ستائیں‘۔
مریم نواز شریف نے کہا کہ ‘لاہور ڈویلپمنٹ پروگرام’ غریب، امیر اور متوسط پورے لاہور کی ترقی کا منصوبہ ہے، سالوں کی عوامی شکایات کا خاتمہ کیا جائے گا، منصوبے کے تحت پورے لاہور کو 9 حصوں میں تقسیم کیا گیا ہے تاکہ کوئی علاقہ، محلہ اوربستی ترقی کی عمل سے محروم نہ رہے۔
"وزیر اعلیٰ مریم نوازشریف کی زیر صدارت خصوصی اجلاس، لاہور ڈویلپمنٹ پراجیکٹ پر پیشرفت کا جائزہ"
• ڈپٹی کمشنر لاہور نے لاہور ڈویلپمنٹ پلان پر رپورٹ پیش کی
• وزیر اعلیٰ مریم نوازشریف کا کنال کی بھل صفائی کرانے کا حکم
• وزیر اعلیٰ مریم نوازشریف کی مستقبل کی ضروریات کو مد نظر… pic.
— PMLN (@pmln_org) March 7, 2025
منصوبوں پر 2 حصوں میں مرحلہ وار عمل ہوگا، پہلے مرحلے میں 6 جبکہ دوسرے میں 3 زونز میں ترقیاتی کام ہوں گے ، 9 زونز کو گلبرگ، داتا گنج بخش، سمن آباد، شالامار، راوی، عزیز بھٹی، نشتر، واہگہ اور علامہ اقبال زونز کے نام دیے گئے ہیں۔
یہ بھی پڑھیں: ’شکر کریں گرفتار نہیں کررہی‘، مریم نواز میو اسپتال کے ایم ایس پر برہم، عہدے سے ہٹادیا
وزیراعلیٰ پنجاب کو بریفنگ میں بتایا گیا کہ پہلے مرحلے میں کل 450 ترقیاتی اسکیموں میں سے واسا کی 252 اور میونسپل کارپوریشن لاہور کی 198 سکیمیں ہیں، 433 سکیموں میں تعمیراتی کام دیا جا چکا ہے جبکہ 411 ترقیاتی سکیموں پر کام کا آغاز بھی ہوچکا ہے۔
بریفنگ میں بتایا گیا کہ ’لاہور ڈویلپمنٹ پروگرام’ کے تحت گلیوں، راستوں اور چوراہوں کو پختہ کرنے، نکاسی آب اور گٹر لائنوں کو بچھانے، سولنگ اور گٹروں کے ڈھکن کی تنصیب کا سلسلہ جاری ہے ۔
مریم نواز شریف کو بتایا گیا کہ پہلی بار تمام زونز میں بڑے قطر کی گٹر لائنوں کا جال بچھایا جا رہا ہے، انجینئرنگ کے جدید ڈیزائن اور طریقوں کو اختیار کیا جارہا ہے تاکہ گٹروں کی بندش اور نکاسی آب کے مسائل پیدا نہ ہوں، تمام ٹھیکے ڈیجیٹلائز کرکے سسٹم کا حصہ بنا دیے گئے ہیں۔
یہ بھی پڑھیں: مریم نواز کا پنجاب کے طلبا و طالبات کے لیے لیپ ٹاپ اسکیم کا اعلان، اہلیت کا معیار بھی بتادیا
بریفنگ میں مزید بتایا گیا کہ منصوبوں کے معیار اور رفتار کی کڑی نگرانی کی جارہی ہے، ‘انسپیکٹر ایپ’ کے ذریعے جاری کام کی عملی صورتحال تصویروں اور وڈیوز کی شکل میں اپ لوڈ کی جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ترقیاتی پراجیکٹ لاہور ڈیویلپمنٹ مریم نواز وزیراعلٰی پنجابذریعہ: WE News
کلیدی لفظ: ترقیاتی پراجیکٹ مریم نواز پنجاب مریم نواز مریم نواز شریف ڈویلپمنٹ پر وزیر اعلی کا جائزہ
پڑھیں:
مختصر وقت میں صفائی کے بہترین ریکارڈ پر عوام خوش ہے، مریم نواز
— فائل فوٹووزیراعلیٰ پنجاب مریم نواز نے کہا ہے کہ مختصر وقت میں صفائی کے بہترین ریکارڈ پر عوام خوش ہے۔
مریم نواز نے پنجاب میں جاری صفائی مہم پر اظہارِ اطمینان کیا اور صفائی ستھرائی کے عمل پر مثبت ردعمل آنے پر متعلقہ اداروں کو شاباش دی۔
مختلف شہروں میں عیدالاضحیٰ کا دوسرا دن بھی مذہبی جوش و جذبے سے منایا جارہا ہے۔
انہوں نے کہا کہ عید کے دنوں میں صفائی کے انتظامات کی ذاتی طور پر مانیٹرنگ کر رہی ہوں، عید کے پہلے روز 1 لاکھ 11ہزار ٹن ویسٹ ٹھکانے لگایا گیا۔
مریم نواز نے کہا کہ ستھرا پنجاب پروگرام کے تحت عوام کی 85 فیصد شکایات کا ازالہ کیا گیا۔
خیبر پختونخوا میں بارشیں، تیز آندھی سے اب تک 10 افراد جاں بحق