پاکستان کی معاشی ترقی میں خواتین مردوں کے شانہ بشانہ کام کر رہی ہیں: وزیراعظم
اشاعت کی تاریخ: 8th, March 2025 GMT
ویب ڈیسک:وزیراعظم شہباز شریف نے کہا ہے کہ پاکستان کی معاشی ترقی میں خواتین مردوں کے شانہ بشانہ کام کر رہی ہیں۔
ویب ڈیسک:اسلام آباد میں خواتین کے عالمی دن کی مناسبت سے منعقدہ ایک تقریب سے خطاب کرتے ہوئے وزیراعظم شہباز شریف کا کہنا تھا کہ خواتین نےتحریک پاکستان اورپھرملکی ترقی میں اہم کرداراداکیا، خواتین ہر شعبے میں بہترین انداز میں کام کررہی ہیں،ملکی ترقی کیلئے خواتین کو مزید مواقع فراہم کرنا ہوں گے۔
کشمیری خواتین کو سلام جو آزادی کیلئے سب کچھ قربان کر چکیں: مشال ملک
انہوں نے کہا کہ ارفع کریم نے آئی ٹی میں عالمی سطح پر ریکارڈ قائم کیا، نصرت بھٹو اور کلثوم نواز نے آمریت کیخلاف جدوجہدکی، قومی کی بیٹی مریم نواز بطور وزیراعلیٰ قوم کی خدمت کررہی ہیں، وزیراعلیٰ مریم نواز بہترین انداز میں صوبے کی خدمت کررہی ہیں۔
شہباز شریف کا کہنا تھا کہ عورت کی تربیت نسلوں کو بہتر بنا سکتی ہے، خواتین پاکستان کی تقدیر بدل سکتی ہیں،لڑکیوں کو تعلیم سےآراستہ کرنا بڑا چیلنج ہے،جب میں وزیراعلیٰ تھا توپنجاب خصوصی طور پرجنوبی پنجاب میں خواتین کی تعلیم ایک بڑاچیلنج تھا، ہم نے خواتین کی تعلیم کے چیلنج سے نمٹنے کیلئے اقدامات کیے۔
گوگل کا ڈوڈل تبدیل کر کے خواتین کی خدمات کا اعتراف
انہوں نے کہا کہ چائلڈ لیبربھی ایک بہت بڑاچیلنج تھا،میرےدوروزارت میں پنجاب کےبھٹوں میں چائلڈلیبرکاخاتمہ ہوا، اسلام آباد میں ڈے کیئرسینٹربنادیئے ،اس میں مزید بہتری لائیں گے، سابق حکومت کا کوئی اچھا کام ہو تو اگلی حکومت اسے ختم کردیتی ہے، کسی بھی حکومت کا اچھا کام جاری رہنا چاہیے۔
خواتین نے پاکستان کی ترقی میں ہمیشہ کلیدی کردار ادا کیا: اعظم نذیر تارڑ
قبل ازیں تقریب سے خطاب کرتے ہوئے وفاقی وزیر اعظم نذیر تارڑ نے کہا کہ خواتین قوم کی معمار ہیں، خواتین نے پاکستان کی ترقی میں ہمیشہ کلیدی کردار ادا کیا، وزیراعظم نےخواتین کےحقوق کے حوالے سے بہت سی کاوشیں کیں،شہبازشریف نے بطور وزیراعلیٰ بھی خواتین کے حقوق کیلئے بہت کام کیا۔
نسیم شاہ میدان کے باہر ایک بار پھر کرکٹ شائقین کی توجہ کا مرکز
ان کا مزید کہنا تھا کہ شہید بینظیر بھٹو اسلامی تاریخ کی پہلی خاتون وزیراعظم منتخب ہوئیں، شہید بینظیر بھٹو نے تاریخ رقم کی، معاشرے میں خواتین کا کردار نمایاں ہے،خواتین نہ صرف قوم کی معمار بلکہ سیاست کا بھی اہم حصہ ہیں۔
.ذریعہ: City 42
کلیدی لفظ: پاکستان کی میں خواتین کی ترقی نے کہا
پڑھیں:
ایس اینڈ پی نے پاکستان کی کریڈٹ ریٹنگ بہتر کر دی، عالمی سطح پر معاشی پالیسیوں کا اعتراف
عالمی ریٹنگ ایجنسی ایس اینڈ پی گلوبل نے پاکستان کی طویل مدتی کریڈٹ ریٹنگ ٹرپل سی پلس (CCC+) سے بڑھا کر بی مائنس (B-) کر دی ہے جبکہ ملکی معاشی منظرنامے کو مستحکم قرار دیا گیا ہے۔ یہ پیشرفت پاکستان کی معیشت پر بڑھتے ہوئے عالمی اعتماد کا مظہر ہے۔
یہ بھی پڑھیں: پاکستان کی معیشت میں نمایاں بہتری: بلوم برگ رپورٹ پر وزیراعظم کا اظہارِ اطمینان
بلوم برگ کی رپورٹ کے مطابق ایس اینڈ پی نے کہا ہے کہ پاکستان کی معیشت بہتری کی جانب گامزن ہے اور حکومت کی جانب سے کیے گئے اقتصادی اصلاحاتی اقدامات مثبت نتائج دے رہے ہیں۔ خاص طور پر آمدن میں اضافہ، مہنگائی پر قابو پانے کی کوششیں اور مالیاتی نظم و ضبط کی پالیسیوں کو سراہا گیا ہے۔
ریٹنگ میں بہتری کے بعد پاکستان کے ڈالر بانڈز کی قدر میں بھی اضافہ دیکھا گیا ہے، جو بین الاقوامی سرمایہ کاروں کے اعتماد کا مظہر ہے۔
یاد رہے کہ کچھ ماہ قبل فِچ ریٹنگز نے بھی پاکستان کی کریڈٹ ریٹنگ بہتر کی تھی جس کی وجہ آئی ایم ایف پروگرام کے تحت جاری اصلاحات قرار دی گئی تھیں۔
وزیراعظم شہباز شریف کی زیرِ قیادت حکومت نے مالی خسارہ کم کرنے کے لیے مشکل مگر اہم فیصلے کیے ہیں جن میں سبسڈیز میں کٹوتی، ٹیکس اصلاحات اور مالیاتی شعبے میں کنٹرول شامل ہیں۔
مزید پڑھیے: پاکستانی معیشت استحکام کی جانب گامزن، یہ سفر منزل کی طرف ہے، محمد اورنگزیب
بلوم برگ اکنامکس کا کہنا ہے کہ معیشت کو سہارا دینے کے لیے اسٹیٹ بینک آف پاکستان نے پالیسی ریٹ کم کر کے 11 فیصد کر دیا ہے جبکہ مالی سال 2025-26 میں شرحِ نمو 4.1 فیصد تک پہنچنے کی توقع ہے۔
رپورٹ کے مطابق پاکستان کو درپیش جغرافیائی خطرات میں بھی کمی آئی ہے، خاص طور پر بھارت کے ساتھ کشیدگی میں حالیہ نرمی نے خطے میں استحکام پیدا کیا ہے۔
مزید پڑھیں: پاکستان کی معاشی پوزیشن منفی سے مستحکم ہوگئی، عالمی ریٹنگ ایجنسی فچ کا اعلامیہ
ایس اینڈ پی کی یہ بہتری عالمی مالیاتی اداروں اور سرمایہ کاروں کے لیے ایک مثبت اشارہ ہے۔ معاشی اصلاحات اور نظم و ضبط کی بدولت مستقبل میں مزید سرمایہ کاری، معاشی استحکام اور ترقی کی راہیں ہموار ہو سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف ایس اینڈ پی ایس اینڈ پی ریٹنگ پاکستان کی کریڈٹ ریٹنگ فِچ ریٹنگز
ٹرمپ انتظامیہ اور کیلیفورنیا میں انڈوں کا تنازع شدت اختیار کر گیا