امریکا میں 15 سال بعد پہلی بار گولی مار کر سزائے موت پر عمل درآمد کیا گیا
اشاعت کی تاریخ: 8th, March 2025 GMT
امریکی ریاست ساؤتھ کیرولینا کی ایک جیل میں ایک مجرم کو موت کی سزا دیدی گئی۔
عالمی خبر رساں ادارے کے مطابق امریکا میں 15 برسوں میں پہلی بار کسی قیدی کو کرسی پر بٹھا کر باندھا گیا اور چہرہ کپڑے سے ڈھانپ کر گولی ماری گئی۔
سزائے موت کے 67 سالہ مجرم کو پولیس کے 3 اہلکاروں نے براہ راست گولیاں ماریں۔ موت کی تصدیق کے بعد لاش ورثا کے حوالے کردی گئی۔
سزائے موت پر عمل درآمد کا یہ طریقہ قیدی سیگمن کی درخواست پر اپنایا گیا تھا۔ امریکا میں عمومی طور پر سزائے موت زہریلہ انجکشن دے کر دی جاتی ہے۔
قیدی سیگمن کے وکیل نے بتایا کہ ان کے مؤکل کو خدشہ تھا کہ موت کا انجکشن زیادہ تکلیف کا باعث ہوگا اور اس سے جان نکلنے میں وقت بھی زیادہ لگے گا۔
سیگمن پر 2001 میں اپنی خاتون دوست کے والدین کو بی سبال کے بلّے سے بہیمانہ تشدد کا نشانہ بناکر قتل کرنے کا الزام تھا۔
.
ذریعہ: Express News
کلیدی لفظ: سزائے موت
پڑھیں:
بدین آئی جی پولیس کا پہلی ڈرائیونگ لائسنس برانچ کا افتتاح
data-id="863a0a8" data-element_type="widget" data-widget_type="theme-post-content.default">
بدین (نمائندہ جسارت )انسپکٹر جنرل آف پولیس سندھ غلام نبی میمن نے بدین پولیس ہیڈکوارٹر کا دورہ کیا جہاں انہوں نے ضلع میں پہلی قائم کی جانے والی ڈرائیونگ لائسنس برانچ کا باقاعدہ افتتاح کیا۔ اس موقع پر ڈپٹی کمشنر بدین یاسر بھٹی ایس ایس پی بدین قمر رضا جسکانی بھی ہمراہ تھے میڈیا سے گفتگو کرتے ہوئے آئی جی سندھ نے کہا کہ یہ سندھ کی پہلی ضلعی ڈرائیونگ لائسنس برانچ ہے، جس سے نہ صرف ضلع بدین بلکہ قریبی اضلاع کے شہری بھی مستفید ہوں گے آئی جی سندھ غلام نبی میمن نے ایس ایس پی بدین قمر رضا جسکانی کی کارکردگی کو سراہتے ہوئے کہا کہ منشیات کے خلاف ضلع بدین میں بہتر اقدامات کیے گئے ہیں، اور امید ہے کہ آئندہ بھی اس سلسلے میں کارروائیاں مزید تیز کی جائیں گی۔ انہوں نے کہا کہ منشیات استعمال کرنے والے افراد کے علاج کے لیے بدین میں ری ہیبلیٹیشن سینٹرز بھی قائم کیے جائیں گے تاکہ ان کی نشے کی لت سے چھٹکارا ممکن ہو سکے۔ آئی جی سندھ نے کراچی کے امن و امان سے متعلق بتاتے ہوئے کہا کہ شہر میں اسٹریٹ کرائم میں 30 فیصد, جبکہ قتل اور ڈکیتی کے کیسز میں 54 فیصد کمی ریکارڈ کی گئی ہے۔ ان کا کہنا تھا کہ چند سال پہلے اپر سندھ میں پولیس کی رٹ کمزور تھی، لیکن سندھ حکومت کی جانب سے فراہم کیے گئے فنڈز اور جدید ٹیکنالوجی کے بعد صورتحال میں نمایاں بہتری آئی ہے۔ غلام نبی میمن نے بتایا کہ گزشتہ ایک سال کے دوران 170 ڈاکو مقابلوں میں مارے گئے، تقریباً 450 زخمی حالت میں پکڑے گئے جبکہ 800 کے قریب ڈکیٹ گرفتار کیے گئے، جو سندھ پولیس کی مؤثر حکمتِ عملی کا ثبوت ہے۔ انہوں نے مزید کہا کہ یہ پولیس کا مثبت چہرہ ہے جسے برقرار رکھنے کی ضرورت ہے۔ آخر میں آئی جی سندھ نے صوبے میں ڈرائیونگ لائسنس برانچز کی کارکردگی کو سراہتے ہوئے کہا کہ سندھ میں ڈرائیونگ لائسنس کے دفاتر بہتر کام کر رہے ہیں، مجھے ان کی اچھی رپورٹس اور ویڈیوز موصول ہوتی رہتی ہیں مزید امن و امان، ٹریفک نظام کی بہتری اور عوامی سہولیات میں اضافہ سندھ پولیس کی اولین ترجیحات میں شامل ہیں۔
پاکستان‘ اردن کے درمیان دفاعی تعاون کا فروغ خوش آئند: حافظ عبدالکریم