فیصل آباد: داماد نے ساس پر تیزاب پھینک دیا
اشاعت کی تاریخ: 10th, March 2025 GMT
—فائل فوٹو
فیصل آباد کے علاقے غلام محمد آباد میں داماد نے ساس پر مبینہ طور پر تیزاب پھینک دیا۔
پولیس کے مطابق تیزاب سے متاثرہ خاتون کو الائیڈ اسپتال منتقل کر دیا گیا ہے، خاتون کے جسم کا کچھ حصہ تیزاب سے متاثر ہوا ہے۔
متاثرہ خاتون نے بتایا ہے کہ داماد میری ایک اور بیٹی کا رشتہ اپنے رشتے دار سے کروانا چاہتا تھا، میں نے اپنی بیٹی کا رشتہ کہیں اور طے کیا تو میرے داماد نے غصے میں مجھ پر تیزاب پھینک دیا۔
زخمی خواتین کو رورل ہیلتھ سینٹر کچھی والا شفٹ کر دیا گیا ہے۔
پولیس نے بتایا ہے کہ متاثرہ خاتون کے داماد سمیت 2 افراد کے خلاف مقدمہ درج کر لیا گیا ہے۔
پولیس نے ملزمان کی تلاش شروع کر دی ہے۔
.ذریعہ: Jang News
کلیدی لفظ: پر تیزاب پھینک دیا
پڑھیں:
کراچی، پوش علاقے کی پارکنگ میں کھڑی گاڑی سے مرد و خاتون کی لاشیں برآمد
کراچی:کراچی کے پوش علاقے ڈیفنس سی ویو کے قریب واقع ایک رہائشی عمارت کی پارکنگ میں کھڑی گاڑی سے ایک مرد اور ایک خاتون کی لاشیں برآمد ہوئی ہیں۔
واقعے کی اطلاع ملتے ہی درخشاں تھانے کی پولیس موقع پر پہنچ گئی اور فوری طور پر کرائم سین یونٹ کو طلب کر کے شواہد اکھٹے کیے گئے۔
پولیس کے مطابق لاشیں سی ویو اپارٹمنٹ کے بلاک 28 کی پارکنگ میں کھڑی سفید رنگ کی پراڈو گاڑی سے ملی ہیں۔
ایس ایچ او درخشاں شاہد تاج کے مطابق مرد کی شناخت شہباز ملک کے نام سے ہوئی ہے جبکہ خاتون کی شناخت کے لیے کوششیں جاری ہیں۔
ابتدائی طور پر دونوں کی موت کی وجوہات معلوم نہیں ہو سکیں تاہم پولیس کا کہنا ہے کہ تمام پہلوؤں سے تفتیش کی جا رہی ہے۔
ہمالیہ ایئرلائنز کی پرواز منسوخ، بیمان کی پرواز واپس موڑ دی گئی