فیصل جاوید کو حفاظتی ضمانت مل گئی، 15 اپریل تک گرفتار نہ کرنے کا حکم
اشاعت کی تاریخ: 10th, March 2025 GMT
فیصل جاوید---فائل فوٹو
پشاور ہائی کورٹ نے مقدمات کی تفصیلات سے متعلق کیس میں فیصل جاوید کو حفاظتی ضمانت دیتے ہوئے 15 اپریل تک گرفتار نہ کرنے کا حکم دے دیا۔
پشاور ہائی کورٹ میں پی ٹی آئی رہنما فیصل جاوید کی مقدمات کی تفصیلات کے لیے دائر درخواست پر سماعت جسٹس وقار احمد اور جسٹس ثابت اللّٰہ خان نے کی۔
درخواست گزار کے وکیل نے کہا کہ آرڈر میں 15 اپریل درج ہے لیکن ایک کاپی میں 15 مارچ لکھا ہے۔
ڈپٹی اٹارنی جنرل نے کہا کہ 5 مارچ کے عدالتی حکم میں واضح طور پر 15 اپریل درج ہے۔
پشاور ہائی کورٹ میں فیصل جاوید کا نام پاسپورٹ کنٹرول لسٹ سے نکالنےکی درخواست پر سماعت ہوئی۔
جسٹس وقار احمد نے ریمارکس دیے کہ درخواست گزار کی جانب سے لگائی گئی آرڈر کی کاپی میں فرق ہے۔
وکیل درخواست گزار نے کہا کہ فیصل جاوید عمرے کے لیے جا رہے ہیں، عدالتی حکم میں واپسی تک ضمانت دی گئی۔
جسٹس وقار احمد نے کہا اگر ایسا ہے تو معاملہ واضح ہے، 15 اپریل تک حفاظتی ضمانت دیتے ہیں۔
فیصل جاوید نے دوران سماعت کہا کہ میں عمرے کے لیے جا رہا ہوں اور ایک ہفتے میں واپس آ جاؤں گا۔
جسٹس وقار احمد نے پی ٹی آئی رہنما کو مخاطب کر کے کہا کہ ڈپٹی اٹارنی جنرل صاحب کو آپ پر یقین نہیں، حکومت کو آپ سے اتنی محبت ہے کہ ملک سے باہر نہیں جانے دے رہی۔
ڈپٹی اٹارنی جنرل نے کہا ہم نے عدالتی احکامات کی مکمل تعمیل کی ہے، درخواست گزار کو گرفتار نہیں کر رہے۔
جسٹس وقار نے کہا عدالتی احکامات پرعمل ہوا، تبھی تو درخواست گزار عدالت میں موجود ہیں۔
.ذریعہ: Jang News
کلیدی لفظ: درخواست گزار فیصل جاوید
پڑھیں:
تشدد کیس: ملزمان کی ضمانت مسترد، جیل بھجوادیا گیا
data-id="863a0a8" data-element_type="widget" data-widget_type="theme-post-content.default">
251117-08-7
چناری (صباح نیوز) چناری کونا تشدد کیس سیشن کورٹ ہٹیاں بالا نے 14 روزہ پولیس ریمانڈ مکمل ہونے کے بعد چناری پولیس کی زیر حراست 3 ملزمان کی درخواست ضمانت مسترد کرتے ہوئے انہیں جیل بھیج دیا، تشدد کے مبینہ الزام میں ملوث پارٹی سے تعلق رکھنے والی بیوہ خاتون نے تشدد کا نشانہ بنائے جانے والے 3 نوجوانوں سمیت 12 افراد کے خلاف مقدمہ کے اندراج کیلیے ایس پی جہلم ویلی کو درخواست دے دی۔دریں اثناء تشدد کے مبینہ الزام میں ملوث پارٹی سے تعلق رکھنے والی بیوہ خاتون رخیلہ بیگم بیوہ محمد بشیر کھوکھر ساکن کونا نے ایس پی جہلم ویلی کو دی جانے والی درخواست میں موقف اختیار کیا ہے کہ سائلہ نے قبل ازیں 3 نومبر کے روز چناری پولیس کو مظہر ولد افضل،محمد فرید مغل ولد عبدالمجید مغل،محمودالرحمن کھوکھر ولد عبدالرحمن کھوکھر،محنونا عرف نونی زوجہ محمود،انس محمود ولد محمود الرحمن،رمیض قیوم ولد عبدالقیوم،راجہ قیوم ولد کالہ،عتیق الرحمن ولد عبدالرحمن،خلیل الرحمن ولد عزیز الرحمن،رفیق کھوکھر ولد عبدالرحمن کھوکھر،عبدالرشید خلجی،راجہ خیام کے خلاف کارروائی کیلیے درخواست دی لیکن ملزمان بالا کے خلاف کوئی کارروائی عمل میں نہیں لائی گئی،خاتون نے مبینہ طور پر ایس پی کو دی جانے والی درخواست میں الزام عاید کیا کہ مسئولان قبل ازیں اسکول میں زیر تعلیم میری بیٹی کا راستہ روکتے تھے، عزت بچانے کے ڈر سے بیٹی کو اسکول جانے سے روک دیا،پھر مسئولان سائلہ کے گھر کے باہر رات کے اندھیرے میں چکر لگانا شروع ہوگئے، بہت دفعہ ملزمان کے ورثاء کو اس بارے میں آگاہ کیا گیا لیکن وہ باز نہ آئے، ایک رات میرے گھر میں گھس کر مبلغ 4 لاکھ روپے،4 تولے سونا چوری کر کے لے گئے، اس کے بعد ملزمان نے 31اکتوبر اور یکم نومبر کی درمیانی رات گھر میں گھس کر چادر اور چار دیواری کو پامال کیا، بیوہ خاتون کی درخواست پر ایس پی جہلم ویلی نے تحت ضابطہ کارروائی کرنے کی ہدایت اور واقعہ کے حوالہ سے ایس ایچ او چناری سے رپورٹ طلب کر لی ہے۔
محکمۂ داخلہ سندھ کی سیکیورٹی سے متعلق اعلامیے کی سختی سے تردید