جعفر ٹرین حادثہ پر پی ٹی آئی بریگیڈ کو فوج کو ٹارگٹ کرنے کے لیے اربوں روپے مل رہے ہیں، حنیف عباسی
اشاعت کی تاریخ: 15th, March 2025 GMT
وفاقی وزیر ریلوے حنیف عباسی نے کہا ہے کہ جعفر ٹرین حادثہ پر پی ٹی آئی بریگیڈ اور بھارتیوں نے فوج کو ٹارگٹ کیا ہوا ہے بلاول نوازشریف یا شہبازشریف کو ٹارگٹ نہیں کیا، کروڑوں، اربوں روپے ٹارگٹ کرنے کےلئے پی ٹی آئی بریگیڈ کو مل رہے ہیں۔
ریلوے ہیڈ کوارٹرز لاہور میں پریس کانفرنس کرتے ہوئے انہوں نے کہا کہ پولیس کانسٹیبل اور مکینکل ریلوے ملازم شہید ہوا، اس جان کی قیمت کوئی نہیں ہے، 52 لاکھ روپے کوئٹہ سانحہ میں شہیدوں کے لواحقین کو دیں گے اور ان کے بچے کو ریلوے میں بھرتی کروائیں گے، ریلوے پولیس کانسٹیبل اسکیل سات، اے ایس آئی 11 میں ہوگا، پنجاب پولیس کے برابر ریلوے پولیس کا اسکیل کردیا ہے۔
حنیف عباسی نے کہا کہ سانحہ جعفر ایکسپریس کی دہشت گردی پاکستان میں پنپ رہی ہے کون کون حصہ دار ہے بتائیں گا، پاکستان ایٹمی ملک ہے وہ ایٹمی ملک ستاون اسلامی ممالک میں پہلا ہے جو دنیا کی آنکھ میں کھٹک رہا ہے، افغانستان میں بھارتی بائیس کونسل خانہ کھولنے کا مقصد ہے اگر علاقے کا شیر ہے تو ڈائریکٹ لڑے اگر وہ لڑ نہیں سکتا تو ایسی بزدلانہ کارروائیاں کررہاہے۔
ان کا کہنا تھا کہ دہشتٗگردی میں ہمارے اپنے لوگ سہولت کار بنے ہوئے ہیں، جعفر ایکسپریس جس میں خواتین بچے اور چھٹیاں منانے لوگ جا رہے تھے تو دنیا میں تیسرا بڑا واقعہ ہے، بلوچ، پختون اور پنجابی کی تقسیم کرکے ملک کو عدم استحکام کےلیے اربوں ڈالر بھارت خرچ کررہا ہے، سی پیک کو دنیا کھٹک رہا ہے، اب دوبارہ معاشی طورپر مضبوط ہو رہے ہیں اسے روکنے کےلیے رکاوٹیں کھڑی جا رہی ہیں۔
حنیف عباسی نے کہا کہ ریسکیو آپریشن کرکے پھنسے لوگوں کو نکالنا دیدنی ہے جس پر افواج پاکستان کو خراج تحسین پیش کرتے ہیں، کے پی یا بلوچستان کی آگ کیا ہم تک نہیں پہنچ سکتی تو غلط فہمی کا شکار ہیں، پاکستان کو بچانے کیلئے قوم فوج کے پیچھے نہ کھڑی ہوگی کمانڈوں کو سلام پیش نہیں کریں گے اس وقت معاملات مشکل ہوجائیں گے،
ان کا کہنا تھا کہ چار سو ستائیس مسافروں کو شہید کرنے کےلیے خود کش حملہ آور آئے تھے، کمانڈوز نے ٹرین کے اندر ایک بھی خود کش حملہ آور کو پھٹنے نہ دیا، پوری قوم کو کھڑاہونا پڑے گا۔
وزیر ریلویز نے کہا کہ وزیر اعظم، چیف آف آرمی اسٹاف بلوچستان اسمبلی اور وزیر اعلیٰ بلوچستان نے کہاکہ ماں بیٹے والا رومانس چل رہا تھا، جب بیٹا گلے پر آ جائے تو وہ برداشت نہیں ہوگا، باغیوں کو منطقی انجام تک پہنچانا ہوگا، جتنے دہشت گرد پاکستان کے اندر موجود ہیں، یہ دہشت گرد جہاں بھی بھاگ کر جائیں گے تو انہیں نہیں چھوڑیں گے۔
حنیف عباسی نے کہا کہ پاکستان کو عراق ،شام و لیبیا بنانے کی سازش کی جا رہی ہے، عراق و شام کا دفاع نظام کو کمزور کیا تو پھر اسی طرز پر پاکستان کو کمزور کئے جانے کی سازش کی جا رہی ہے، ہمارے پاس تو دولت بھی نہیں ہے، جن کو چالیس سال پالا آج ان کی دشمنی سے انتہا ہے اتنی نفرت تو بھارت نہیں کرتا جتنی افغانی کرتے ہیں، سانحہ جعفر ایکسپریس ایک طرف قوم افسردہ ہے تو دوسری طرف سیاسی جماعت نے وہی بات کی جو بھارت نے زبان استعمال کی۔
وفاقی وزیر نے کہا کہ جو بھگوڑے پاکستان کا گالی دے گا اسے کروڑوں روپے گھر بھی ملے گا، پاکستان پر وہ لوگ بھونکتے ہیں انہیں پاکستان نے نام دیا، نوازشریف کو کئی بار سزائیں ملیں کیا ہم نے کبھی اداروں کو گالیاں دیں، ایسی مخلوق ہے جو اقتدار کی خاطر پاکستان پر بم گرانے کی بات کرتے رہےاور دشمن کا ساتھ بھی دے رہے ہیں، حنیف عباسی
ٹرین حادثہ پر پی ٹی آئی بریگیڈ اور بھارتیوں نے فوج کو ٹارگٹ کیاہوا ہے بلاول نوازشریف یا شہبازشریف کو ٹارگٹ نہیں کیا، کروڑوں، اربوں روپے ٹارگٹ کرنے کےلئے پی ٹی آئی بریگیڈ کو مل رہے ہیں، جعفر ایکسپریس حملہ کی مذمت تو امریکہ چین نے بھی کی لیکن دشمنوں نے نہیں کی جو گفتگو کی گئی وہ ناقابل برداشت ہے۔
حنیف عباسی نے کہا کہ اب بھی وقت ہے سیاسی اختلافات کو ایک طرف رکھ کر ملکی سلامتی کےلیے ایک پلیٹ فارم پر اکٹھے ہوجائیں، ریلوے کے بہت مسائل ہیں لیکن ہم چاہتے ہیں سرسبز پاکستان ہو، ریلوے کا چارج لئے دس بارہ دن ہوئے ہیں، میرے کہنے پر ایم ایل ون شروع کرنے کااعلان کرتے کان پک گئے ہیں، محکمہ ریلوے میں بروقت ٹرینیں کروائیں گے صفائی شفافیت کو یقینی بنائیں گے اس پر کوئی کمپرومائز نہیں ہوگا۔
ان کا کہنا تھا کہ ریلوے میں سب سکینر مشینیں خراب پڑی ہیں ریلوے پولیس کی حالت ہے کہ نفری نہیں ہے انفراسٹرکچر بھی نہیں ہے تو سیفٹی کیسے ہوگی، ریلوے پولیس میں مداخلت نہیں کریں گے بلکہ معاونت کریں گے، اسٹیشن کی اپ گریڈیشن اسٹیشنز پر کیمرے اور کارگو کی اپ گریڈیشن کریں گے، وزیر اعظم نے انجن تاجران فیڈریشن چیمبر سب کو بلایا ہے سب نے کہا سستا کارگو چاہیئے اور ٹرین کیلئے ویگنز نہیں ہیں، جس طرح مسافر ٹرین میں ریونیو بڑھا ہے اسی طرح سستا کارگو بھی کریں گے۔
.ذریعہ: Express News
کلیدی لفظ: جعفر ایکسپریس ریلوے پولیس حنیف عباسی پاکستان کو نے کہا کہ کو ٹارگٹ کریں گے رہے ہیں نہیں ہے کرنے کے
پڑھیں:
لاہور اورراولپنڈی کے درمیان چلنے والی ’’ سبک ریل کار ‘‘میں نئے ریک کا افتتاح
چیف ایگزیکٹو آفیسر ریلوے عامر علی بلوچ نے لاہور اورراولپنڈی کے درمیان چلنے والی ’’ سبک ریل کار ‘‘میں نئے ریک کا افتتاح کردیا جس کے بعد ٹرین نئی کوچز کے ساتھ اپنی منزل کی جانب روانہ ہوئی ۔سی ای او ریلوے عامر علی بلوچ نے ریل کار کی تمام کلاسز کی کوچز کا معائنہ کیا ۔ انہوںنے ریل کار میں کھانے پینے کی اشیاء کے معیار کا بھی جائزہ لیا ۔عامر علی بلوچ نے کہا کہ پاکستان ریلوے میں جدید سفری سہولیات کو مزید بہتر بنایا جا رہا ہے، مسافروں کو زیادہ آرام دہ اور جدید سہولتوں سے آراستہ سفر میسر آئے گا، تمام کلاسوں میں مسافروں کو معیاری اشیاء ، مشروبات اور آرام دہ ماحول فراہم کیا جا رہا ہے، اپ گریڈڈ شالیمار ایکسپریس کا افتتاح بھی اسی ہفتے کیا جا رہا ہے۔انہوںنے کہا کہ مزید ٹرینوں میں بھی سہولیات فراہم کررہے ہیں، ریل کا سفر آج بھی دیگر ٹرانسپورٹ ذرائع سے سستا ہے، اصل مقصد مسافروں کو جلد اور بحفاظت پہنچانا ہے، لوکو موٹو اور ٹریک کی مرمت کا کام جاری ہے ۔
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان