پوری قوم دہشتگردی کے خاتمے کے لیے قانون نافذ کرنے والے اداروں کے شانہ بشانہ کھڑی ہے، بلال اظہر کیانی
اشاعت کی تاریخ: 16th, March 2025 GMT
وزیرمملکت برائے ریلوے بلال اظہر کیانی نے کہا ہے کہ سانحہ جعفر ایکسپریس میں شہید ہونے والے فوجی اور سویلینز کو خراج تحسین پیش کرتا ہوں۔ پاکستان ریلویز کے 2 ملازم ریلوے پولیس کانسٹیبل شمروز خان اور کیرج شاپ کے ممتاز اس واقعے میں شہید ہوئے۔ سیکیورٹی فورسز کے جوانوں نے 33 دہشتگردوں کو جہنم واصل کیا۔ پوری قوم دہشتگردی کے خاتمے کے لیے قانون نافذ کرنے والے اداروں کے شانہ بشانہ کھڑی ہے۔
بلال اظہر کیانی نے سانحہ جعفر ایکسپریس میں شہید فوجی جوان، مرزا جواد کی قبر پر حاضری دی اور اہل علاقہ کے ہمراہ شہید کی قبر پر پھول چڑھائے اور فاتحہ خوانی کی۔ شہید مرزا جواد کے اہلخانہ سے اظہار تعزیت کے بعد میڈیا سے گفتگو بھی کی۔
انہوں نے کہا کہ فوجی جوان، مرزا جواد سانحہ جفعر ایکسپریس میں امن دشمنوں کی بزدلانہ کارروائی کی وجہ سے شہید ہوا، شہید مرزا جواد کے اہل خانہ کے حوصلے بلند ہیں۔ امن برقرار رکھنے کی خاطر دہشتگردوں کو معاونت فراہم کرنے والوں کے خلاف اقدامات کو مزید موثر بنائیں گے۔ سرحد پار سے دوران کارروائی دہشتگردوں کی معاونت کی گئی جو سیکیورٹی اداروں نے ٹریک کی۔
مزید پڑھیں: جعفر ایکسپریس حملہ، آرمی کمانڈوز نے کیسے کامیابی حاصل کی؟
بلال اظہر کیانی کا کہنا تھا کہ دہشتگرد تنظیم بی ایل اے کو سوشل میڈیا پر معاونت فراہم کرنے سے سرحد پار قوتوں کھل کر سامنے آگئیں۔ سوشل میڈیا پر سیکیورٹی فورسز اور ریاست کے خلاف پروپیگنڈا پھیلانے والے عناصر کسی رعایت کے مستحق نہیں۔ شہدا کے خلاف پی ٹی آئی کے پروپیگنڈے کی مذمت کرتے ہیں۔
انہوں نے کہا کہ ریلوے قانون نافذ کرنے والے اداروں کے تعاون سے بلوچستان میں ٹرینوں کی سیکیورٹی یقینی بنائے گی۔ آج ریلوے ٹریک کی بحالی کا عمل شروع ہوگیا ہے جو کل تک مکمل کرلیا جائے گا۔ بی ایل اے نے جعفر ایکسپریس کو نشانہ بنا کر بلوچستان کے عام لوگوں کو خوف و ہراس میں مبتلا کرنے کی کوشش کی۔ حملے سے ثابت ہوا کہ بی ایل اے کا مقصد بلوچستان کے امن کو برباد کرنا ہے۔
بلال اظہر کیانی کا کہنا تھا کہ عام شہریوں اور ریاست کے خلاف مسلح جدو جہد کرنے والے عناصر جلد منطقی انجام کو پہنچیں گے۔ جہلم غازیوں اور شہیدوں کا ضلع ہے، جہلم کے ہر قبرستان میں غازی اور شہید بڑی تعداد میں سپردِ خاک ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلال اظہر کیانی جعفر ایکسپریس مرزا جواد شہید وزیرمملکت برائے ریلوے وزیرمملکت برائے ریلوے بلال اظہر کیانی.ذریعہ: WE News
کلیدی لفظ: بلال اظہر کیانی جعفر ایکسپریس مرزا جواد شہید بلال اظہر کیانی جعفر ایکسپریس کرنے والے مرزا جواد کے خلاف
پڑھیں:
جنوبی لبنان میں امریکہ و اسرائیل، یونیفل مشن کے خاتمے کے خواہاں
اپنی ایک رپورٹ میں اسرائیل ھیوم کا کہنا تھا کہ اگست کے مہینے میں اقوام متحدہ کی سلامتی کونسل کے اجلاس میں UNIFIL کی قسمت کا فیصلہ کیا جائے گا۔ اسلام ٹائمز۔ عبرانی اخبار اسرائیل هیوم نے رپورٹ دی کہ امریکہ UNIFIL فورسز کی سرگرمیوں سے وابستہ اخراجات کو کم کرنے کی کوشش کر رہا ہے۔ جب کہ اسرائیل کا خیال ہے کہ اس وقت ہماری، لبنانی فوج کے ساتھ کافی اور موثر ہم آہنگی موجود ہے اس لئے خطے میں UNIFIL مشن کو جاری رکھنے کی ضرورت نہیں۔ اسرائیل هیوم نے مزید کہا کہ بین الاقوامی فورسز پر مشتمل یہ ادارہ اپنی تشکیل کے وقت سے لے کر اب تک صیہونی رژیم کی جانب سے دہشت گرد قرار دئیے جانے والے عناصر کو کمزور کرنے میں ناکام رہا۔ اس رپورٹ میں یہ بھی بتایا گیا کہ اگست کے مہینے میں اقوام متحدہ کی سلامتی کونسل کے اجلاس میں UNIFIL کی قسمت کا فیصلہ کیا جائے گا۔
واضح رہے کہ UNIFIL، اقوام متحدہ کی نگرانی میں تشکیل پانے والا وہ ادارہ ہے جو جنوبی لبنان میں تعینات ہے۔ جس کا ہدف صیہونی رژیم اور لبنان کی درمیانی سرحد پر دراندازی یا کسی بھی اشتعال انگیزی کو روکنا ہے۔ یاد رہے کہ 8 اکتوبر 2023ء کو غزہ کی پٹی کی حمایت میں "حزب الله" نے اسرائیل کے خلاف وسیع حملوں کا آغاز کیا۔ یہ حملے 23 ستمبر 2024ء کو ایک پُرتشدد صیہونی جنگ میں تبدیل ہو گئے۔ جس کے نتیجے میں 4 ہزار سے زائد لبنانی شہید اور تقریباََ 17 ہزار افراد زخمی ہو گئے جب کہ 14 لاکھ افراد کو بے گھر ہونا پڑا۔ تاہم 27 نومبر 2024ء کو لبنان اور اسرائیل کے درمیان جنگ بندی ہو گئی لیکن اسرائیل بارہا جنگ بندی کے معاہدے کی خلاف ورزی کرتا آیا ہے۔ جنگ بندی کے بعد ہونے والے صیہونی دراندازی کے نتیجے میں اب تک 208 نہتے لبنانی شہید اور 501 افراد زخمی ہو چکے ہیں۔
نواز شریف طبی معائنے کے لئے لندن روانہ، شام 6 بجے پہنچیں گے