بلوچستان: علیحدگی پسندوں کے حملوں میں آٹھ ہلاک چالیس زخمی
اشاعت کی تاریخ: 16th, March 2025 GMT
اسلام آباد (اُردو پوائنٹ ۔ DW اردو۔ 16 مارچ 2025ء) ذرائع کے مطابق پاکستان کے جنوب مغربی صوبہ بلوچستانکے ضلع نوشکی میں سکیورٹی فورسز کے قافلے پر خودکش حملے میں کم از کم سات افراد ہلاک جبکہ 32 زخمی ہوئے۔ زخمیوں کو طبی امداد کے لیے مختلف ہسپتالوں میں منتقل کیا گیا ہے۔
صوبے کے مختلف علاقوں میں ہونے والے ان تازہ حملوں کی ذمہ داری بھی کالعدم عسکریت پسند تنظیم بلوچستان لبریشن آرمی، (بی ایل اے) نے قبول کی ہے۔
نوشکی میں خودکش حملے کااصل ہدف کون؟ضلع چاغی میں تعینات ایک سینئر سکیورٹی اہلکار رؤف بلوچ کہتے ہیں کہ خودکش حملے کا نشانہ بننے والا قافلہ بسوں اورچھوٹی گاڑیوں پر مشتمل تھا۔
ڈی ڈبلیو سے گفتگو کرتے ہوئے انہوں نے کہا، ''کوئٹہ سے نوکنڈی جانے والے سکیورٹی فورسز کے قافلے میں شامل ایک بس سے ایک خودکش حملہ آور نے بارود سے بھری گاڑی ٹکرائی، جس کے دھماکےسے بس مکمل طور پر تباہ ہو گئی۔
(جاری ہے)
حملے میں ہلاک ہونے والے افراد میں سے اب تک تین کی شناخت سکیورٹی اہلکاروں کے طور پر ہوئی ہے۔‘‘رؤف بلوچ کے مطابق حملہ آوروں نے قافلے کی دیگر بسوں پر بھی فائرنگ کی، جبکہ جوابی کارروائی میں تین حملہ اور بھی مارے گئے، جن کی اب تک شناخت نہیں ہوئی۔
عسکریت پسندوں کی طرف سے دیگر حملےگزشتہ شب عسکرپت پسندوں نےپاکستانی صوبہ بلوچستان کے صوبائی دارالحکومت کوئٹہ میں کرانی روڈ پر انسداد دہشت گردی فورس کی ٹیم کو بھی بم دھماکے کے ذریعے نشانہ بنایا تھا۔
اس بم دھماکے میں ایک اہلکار ہلاک جبکہ سات دیگر زخمی ہوئے۔صوبے کے شمال مشرقی علاقے قلعہ سیف اللہ میں لیویز لائن کے بیرونی گیٹ پر بھی گزشتہ شب ایک بم حملہ کیا گیا تھا، تاہم اس دھماکے میں کسی جانی نقصان کی اطلاع موصول نہیں ہوئی۔ اطلاعات کے مطابق عسکریت پسندوں نے گوادر، کیچ کے علاقے زامران اور مستونگ میں بھی سکیورٹی چیک پوسٹوں پر دستی بموں سے حملے کیے۔
ان حملوں کے دوران سرکاری املاک کو شدید نقصان پہنچا۔بلوچ عسکریت پسندوں نے آج صبح ضلع مستونگ میں پولیس کی ایک چوکی پر بھی حملہ کیا اور وہاں موجود تمام اہلکارو ں سے سرکاری اسلحہ چھین لیا۔
بلوچستان کے محکمہ داخلہ میں تعینات ایک سینئر اہلکار نے نام ظاہر نہ کرنے کی شرط پر ڈی ڈبلیو کو بتایا کہ ماہ صیام میں دہشت گرد حملوں میں غیر معمولی اضافے کے بعد صوبے بھر میں سکیورٹی انتظامات کا از سر نو جائزہ لیا جارہا ہے: ''یہ دہشت گردی کی ایک نئی لہر ہے جس سے نمٹنے کے لیے ہر ممکن اقدمات کیے جا رہے ہیں۔
صوبے کے شورش زدہ علاقوں میں عسکریت پسند ان حملوں میں بڑے پیمانے پر معصوم اور نہتے افراد کو نشانہ بنا کر امن و امان کی صورتحال کو سبوتاژ کرنا چاہتے ہیں۔‘‘اس سکیورٹی اہلکار کا یہ بھی کہنا تھا کہ بلوچستان میں غیرملکی سرمایہ کار ی کو ناکام بنانے کے لیے ملک دشمن قوتوں کو فعال کیا گیا ہے۔
بلوچستان میں غیر یقینی صورتحال پر مبصرین کیا کہتے ہیں ؟اسلام آباد میں مقیم دفاعی امور کے تجزیہ کار میجر (ر) عمر فاروق کہتے ہیں کہ بلوچستان میں شورش کی حالیہ لہر واضح کرتی ہے کہ داخلی سلامتی کی حکومتی پالیسی کو مزید جامع بنانے کی ضرورت ہے۔
ڈویچے ویلے سے گفتگو کرتے ہوئے انہوں نے کہا، ''جعفر ایکسپریس پر ہونے والے حالیہ حملے سمیت صوبے میں پیش آنے والے دہشت گردی کے تمام واقعات ایک منظم پلان کا حصہ معلوم ہوتے ہیں۔ اگر نیشنل ایکشن پلان پر من وعن عمل کیا جاتا تو آج حالات صوبے میں اس قدر خراب نہ ہوتے۔ میرے خیال میں سیاسی استحکام کے بغیر یہ صورتحال بہتر نہیں ہوسکتی۔
‘‘عمر فاروق کے بقول ضرورت اس امر کی ہے کہ صوبے کے تمام قبیلوں کے سربراہاں کو اعتماد میں لے کر ایک انسداد دہشت گردی کی حکمت عملی وضع کی جائے۔
ان کا مزید کہنا تھا، ''اس وقت بلوچستان میں جو ممالک اپنی پراکسیز کے ذریعے بد امنی پھیلا رہے ہیں، ان کے ساتھ سفارتی سطح پر یہ معاملات سختی سے اٹھانے کی ضرورت ہے۔ حالیہ حملو ں میں ملوث عناصر کے افغانستان اور دیگر ممالک کے ساتھ رابطوں کے ٹھوس شواہد سامنے آئے ہیں۔
وقت کے ضیاع کے بغیر موجودہ حکومت کو اب ایک نتیجہ خیز حکمت عملی کے ساتھ اس معاملے سے نمٹنا ہوگا۔‘‘ کالعدم تنظیموں کے خلاف غیر معمولی آپریشنواضح رہے کہ جعفر ایکسپریس پر ہونے والے حملے کے بعد بلوچستان میں کالعدم تنظیموں کے خلاف سکیورٹی فورسز کی جانب سے ایک غیرمعمولی آپریشن کیا جا رہا ہے۔ اس آپریشن میں شامل فورسز کو فضائی معاونت بھی فراہم کی گئی ہے۔
حکام کے مطابق آپریشن کے پہلے مرحلے میں عسکریت پسندوں کے ان ٹھکانوں کو نشانہ بنایا جارہا ہے جو شورش زدہ پہاڑی علاقوں میں قائم کیے گئے ہیں۔
.ذریعہ: UrduPoint
کلیدی لفظ: تلاش کیجئے عسکریت پسندوں بلوچستان میں ہونے والے کے مطابق صوبے کے
پڑھیں:
برطانیہ، ٹرین میں چاقو حملے میں 10 افراد زخمی، 9 کی حالت تشویشناک
ایک عینی شاہد نے پولیس کو بتایا کہ میں نے ایک شخص کو دیکھا، جو خون آلود بازو کے ساتھ بوگی کے اندر بھاگ رہا تھا اور چیخ رہا تھا، ان کے پاس چاقو ہے، بھاگو، اس کے فوراً بعد ایک اور شخص زمین پر گرا ہوا نظر آیا۔ اسلام ٹائمز۔ برطانیہ کے کیمرج شائر کے علاقے میں چاقو حملے کے نتیجے میں ٹرین میں سوار 10 افراد زخمی ہوگئے، جن میں سے 9 کی حالت تشویشناک ہے۔ غیر ملکی خبر ایجنسی نے پولیس کے حوالے سے بتایا کہ یہ افسوسناک واقعہ ڈانکاسٹر سے لندن کنگز کراس جانے والی ٹرین میں پیش آیا، واقعے کے فوری بعد پولیس نے ہنٹنگڈن سٹیشن پر کارروائی کرتے ہوئے 2 مشتبہ افراد کو گرفتار کر لیا، پولیس نے واقعے کو بڑا حادثہ قرار دیا اور کہا انسدادِ دہشت گردی کے ماہر افسران تحقیقات میں معاونت کریں گے۔
ایک عینی شاہد نے پولیس کو بتایا کہ میں نے ایک شخص کو دیکھا، جو خون آلود بازو کے ساتھ بوگی کے اندر بھاگ رہا تھا اور چیخ رہا تھا، ان کے پاس چاقو ہے، بھاگو، اس کے فوراً بعد ایک اور شخص زمین پر گرا ہوا نظر آیا۔ وزیراعظم کیئر سٹارمر نے واقعے پر گہری تشویش کا اظہار کرتے ہوئے کہا کہ یہ واقعہ انتہائی پریشان کن ہے، اس کے ساتھ ہی انہوں نے عوام سے اپیل بھی کی کہ وہ مقامی حکام کی ہدایات پر عمل کریں اور افواہوں سے گریز کریں۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی