کینسر سے لڑنے والی بھارتی اداکارہ حنا خان نے عمرے کی سعادت حاصل کرلی
اشاعت کی تاریخ: 17th, March 2025 GMT
بھارتی اداکارہ حنا خان، جو اس وقت کینسر کے مرض سے لڑ رہی ہیں، نے رمضان کے مقدس مہینے میں عمرہ کی سعادت حاصل کرلی ہے۔
اداکارہ نے اپنے اس روحانی سفر کی تصاویر اور ویڈیوز اپنے مداحوں کے ساتھ انسٹاگرام پر شیئر کیں۔ ان کی یہ پوسٹس فوری طور پر وائرل ہوگئیں، جہاں مداحوں نے ان کی صحتیابی کے لیے دعائیں مانگتے ہوئے کمنٹس کی بوچھاڑ کردی۔
حنا خان نے اپنی پوسٹ کے کیپشن میں لکھا، ’’دل میں آرزو جاگی، اللہ نے قبول فرمائی۔ اللہ پاک مجھے اپنے در پر بلانے کا بے حد شکریہ، بس مجھے جلد ہی مکمل صحت عطا فرمائیں۔‘‘
انہوں نے رمضان کے دوران اپنے بھائی کے ساتھ گزارے گئے خوشگوار لمحات کی جھلکیاں بھی شیئر کیں، جن میں سعودی عرب میں افطار اور سحری کے مناظر بھی شامل تھے۔
حنا خان نے اپنی انسٹاگرام اسٹوریز میں رمضان کے روحانی ماحول کو خوبصورتی سے پیش کیا۔ انہوں نے لکھا، ’’رمضان مبارک میں سحری سے افطاری تک کا خوبصورت سفر، الحمدللہ دعاؤں میں یاد رکھیے گا۔‘‘
View this post on InstagramA post shared by ???????????????? ???????????????? (@realhinakhan)
گزشتہ سال جون 2024 میں حنا خان نے اپنے مداحوں کو بتایا تھا کہ ان میں اسٹیج 3 بریسٹ کینسر کی تشخیص ہوئی ہے۔ انہوں نے کہا تھا، ’’میں اس بیماری سے لڑنے کےلیے مضبوط اور پُرعزم ہوں، اور میرا علاج شروع ہوچکا ہے۔‘‘ انہوں نے مداحوں سے تعاون اور پرائیویسی کی درخواست کی تھی، ساتھ ہی ان کی محبت اور دعاؤں کے لیے شکریہ ادا کیا تھا۔
حنا خان اپنی صحت کے بارے میں مسلسل اپڈیٹس شیئر کرتی رہتی ہیں، اور ان کی ہمت اور حوصلے کو مداحوں کی طرف سے بے پناہ تعریف ملتی ہے۔ ان کی کینسر کے خلاف جنگ اور روحانی سفر دونوں ہی ان کے مداحوں کے لیے ایک متاثر کن مثال ہیں۔
.ذریعہ: Express News
کلیدی لفظ: انہوں نے
پڑھیں:
پاکستانی معروف اداکارہ کو اسکن ٹریٹمنٹ کرانا مہنگا پڑگیا
پاکستان کی معروف اداکارہ اسما عباس کو چہرے کا ٹریٹمنٹ کرانا مہنگا پڑ گیا انہوں نے حال ہی میں یوٹیوب پر ایک ویلاگ اپلوڈ کیا جس میں ان کا چہرہ بری طرح بگڑا ہوا تھا۔
اسما عباس نے بتایا کہ ان کے چہرے پر چھائیاں تھیں جو کہ ان کے خاندان کے اکثر لوگوں کو ہیں اور عمر بڑھنے کے ساتھ ساتھ یہ چھائیاں بھی بڑھ جاتی ہیں۔ انہوں نے مزید بتایا کہ ان کے کینسر کے علاج کے دوران جو ریڈی ایشن ہوئی تھی اس سے بھی چہرے پر چھائیاں ہو جاتی ہیں۔
اداکارہ کے مطابق ان کے چہرے پر اتنی چھائیاں ہو گئی تھیں کہ فاؤنڈیشن کے بغیر وہ کہیں نہیں جاتی تھیں پھر ان کی ڈاکٹر نے بتایا کہ ایک اسکن ٹریٹمنٹ ہے کاٹریزیشن کروالیں اس ٹریٹمنٹ میں چہرے پر موجود نشانات کو جلاتے ہیں اس سے چہرہ ٹھیک ہوجائے گا۔
انہوں نے مزید بتایا کہ ٹریٹمنٹ سے ایک دن قبل انہوں نے چہرے پر ایک ماسک لگایا تھا اگلے دن جب ٹریٹمنٹ کروایا تو انہیں الرجی ہو گئی جس سے ان کا چہرہ خراب ہو گیا۔ اداکارہ کے مطابق انہوں نے ڈاکٹر کو دکھایا تو انہوں نے کہا یہ کچھ دنوں میں ٹھیک ہوجائے گا۔ اسما عباس نے کہا کہ چہرہ ٹھیک ہونا بھی چاہیے کیونکہ چند دن میں میرا شوٹ ہے۔
واضح رہے کہ اسما عباس ایک شاندار پاکستانی اداکارہ ہیں جو مقبول ڈراموں میں اپنی شاندار اداکاری کے جوہر دکھا چکی ہیں، ان کے قابل ذکر ڈرامے دمپخت، اکبری اصغری، خمار، دلدل، رانجھا رانجھا کردی، چپکے چپکے، چوہدری اینڈ سنز، جی ٹی روڈ، ردّ، من جوگی، بے بی باجی کی بہوئیں اور دیگر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکن ٹریٹمنٹ اسما عباس
سعودی شہزادہ فیصل بن ترکی انتقال کرگئے