سلمان خان کی شاندار تبدیلی نے مداحوں کو حیران کر دیا
اشاعت کی تاریخ: 11th, June 2025 GMT
بالی ووڈ سلطان سلمان خان کے نئے روپ نے سوشل میڈیا پر دھوم مچا دی ہے، نئی لُک میں سلمان خان اصل عمر سے 20 سال چھوٹے لگ رہے ہیں۔
اداکار سلمان خان اکثر اپنے روپ کی وجہ سے ٹرول کیے جاتے ہیں لیکن اس بار انہوں نے اپنے مداحوں کو خوش کر دیا ہے۔ سلمان خان کے ساتھی اداکار ساجن سنگھ کی جانب سے سلمان خان کی شیئر کی گئی تصویر نے مداحوں کو حیرت میں مبتلا کردیا ہے۔ ایسا لگتا ہے کہ دبنگ اداکار نے اپنے جسم پر ناقابل یقین حد تک محنت کی ہے۔ لوگ اپنے پسندیدہ اداکار کی تعریفیں کر رہے ہیں، کچھ کا دعویٰ بھی ہے کہ وہ 20 سال چھوٹے لگ رہے ہیں۔
یہ بھی پڑھیں: ’ خدا کا شکر کہ جنگ بندی ہوگئی ‘سلمان خان کی ٹویٹ بالی ووڈ اسٹار کے گلے پڑ گئی
سلمان خان جلد ہی اپنی نئی فلم ریس 3 میں نظر آئیں گے اور یہ تصویر ان کے ریس 3 کے ساتھی اداکار ساجن نے شیئر کی ہے تصویر میں اداکار کو سیاہ ٹی شرٹ پہنے دیکھا جا سکتا ہے۔ سکندر کی ریلیز کے بعد سے سلمان اپنی فٹنس پر پوری توجہ دے رہے ہیں۔ انہوں نے اپنی ورزش کرتے ہوئے کئی تصاویر بھی شیئر کی ہیں۔ دبنگ خان کا یہ نیا روپ وائرل ہو رہا ہے۔ ایسا لگتا ہے کہ سلمان خود کو ایک فلم کے لیے تیار کر رہے ہیں اور اپنے مداحوں کو اپنی فٹنس سے حیران کرنے جا رہے ہیں۔
View this post on Instagram
A post shared by Saajan Singh (@saajan_singh23)
سلمان خان کی تصویر پر تبصرہ کرتے ہوئے ایک صارف نے لکھا، ’بھائی جان دوبارہ شکل میں آرہے ہیں۔‘ایک اور نے لکھا کہ سلمان بہت ہاٹ لگ رہے ہیں۔ تیسرے صارف نے لکھا، ’سلمان اپنی عمر سے 20 سال چھوٹے لگ رہے ہیں۔‘ ایک اور صارف نے لکھا، ‘بھائی جان واپسی کر رہے ہیں’۔
یہ بھی پڑھیں: سلمان خان کو گھر میں قتل کردیں گے، پولیس کو یہ پیغام کس نے پہنچایا؟
سلمان خان کے آنے والے پراجیکٹس کے حوالے سے خبر ہے کہ وہ جلد ہی ایک جنگی فلم میں نظر آئیں گے، اور اس کے لیے وہ خود کو تیار کررہے ہیں۔ کہا جا رہا ہے کہ وادی گلوان پر حب الوطنی پر مبنی فلم بنائی جا رہی ہے۔ یہ ایک حقیقی فوجی افسر کرنل بکم اللہ سنتوش بابو پر مبنی ہوگی۔ یہ کردار سلمان کے لیے سب سے مشکل اور چیلنجنگ ثابت ہونے والا ہے۔
اداکار نے اپنے فلمی کیرئیر میں اب تک ایسا کوئی کردار ادا نہیں کیا۔ یہ فلم اپوروا لاکھیا بنا رہے ہیں۔ اگر سب کچھ ٹھیک رہا تو یہ فلم اگلے سال سینما گھروں کی زینت بنے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بالی ووڈ بھارت ساجن سنگھ سیلمان خان نیا روپ.
ذریعہ
ذریعہ: WE News
کلیدی لفظ: بالی ووڈ بھارت ساجن سنگھ سیلمان خان نیا روپ نے مداحوں کو سلمان خان کی لگ رہے ہیں نے لکھا کے لیے
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ