حکومت نے متوازن بجٹ دیا ، معاشی اورسفارتی سطح پر کامیابیاں حاصل کی ہیں ،امیر مقام
اشاعت کی تاریخ: 17th, June 2025 GMT
اسلام آباد: وفاقی وزیر برائے امور کشمیر و گلگت بلتستان, سیفران انجینئر امیر مقام نے کہا ہے کہ موجودہ حالات میں حکومت نے متوازن بجٹ دیا ، ملازمین سمیت کئی شعبوں کوریلیف دینے کی کوشش کی گئی ، دفاعی بجٹ میں اضافہ بروقت ہے، پوری قوم افواج پاکستان کومضبوط دیکھناچاہتی ہے، اتحادی حکومت نے متفقہ طور پر معاشی اورسفارتی سطح پر کامیابیاں حاصل کی ہیں ۔ منگل کو قومی اسمبلی میں بجٹ پربحث میں حصہ لیتے ہوئے انجینئر امیر مقام نے کہاکہ حکومت کی معاشی ٹیم کے ارکان کی تجاویز نوٹ کر رہے ہیں، موجودہ حالات میں حکومت نے متوازن بجٹ دیا ہے، ملازمین سمیت کئی شعبوں کو ریلیف دینے کی کوشش کی گئی ہے۔ انہوں نے کہا کہ اتحادی حکومت نے متفقہ طور پر معاشی اورسفارتی سطح پر کامیابیاں حاصل کی ہیں، بلاول بھٹو زرداری سفارتی محاذ پر پاکستان کا مقدمہ اچھے انداز میں لڑرہے ہیں۔ ان کا کہنا تھا کہ اب تک اتفاق رائے کے ساتھ تمام فیصلے کئے گئے اورمستقبل میں بھی متفقہ فیصلے کئے جائیں گے، اپنے تحفظات کے اظہار کا سب کو حق حاصل ہے، اس سے قبل کینالز اور دیگر مسائل پر بھی اتفاق رائے سے فیصلے ہوئے ۔ وفاقی وزیر نے کہاکہ پی ایس ڈی پی میں خیبرپختونخواکےلئے کئی اہم منصوبے شامل ہیں تاہم فنڈز میں صوبے کا حصہ کم ہے، ضم شدہ اضلاع کےلئے کئی اہم منصوبے بجٹ کاحصہ ہیں ۔ انہوں نے کہاکہ بار بار اسلام آباد پر حملہ کرنے اور اسلحہ ساتھ لانے کے بیانات نہیں دینے چاہئیں ، امریکا میں بھی ان کااحتجاج ناکام ثابت ہوا ۔ ان کا کہنا تھا کہ دفاعی بجٹ میں اضافہ بروقت ہے، پوری قوم افواج پاکستان کومضبوط دیکھناچاہتی ہے، حالیہ بھارتی جارحیت کے دوران مسلح افواج نے شاندارکرداراداکیا۔انہوں نے کہاکہ پورے صوبہ خیبرپختونخوا کے عوام کی تقدیرکوایک شخص کی قید سے نتھی کرنا جائز اورمناسب نہیں ۔ وفاقی وزیرنے کہاکہ سابق پاٹا اورفاٹا میں 10فیصدسیلزٹیکس کے حوالے سے ان کے خلاف پراپیگنڈہ کیا جا رہا ہے، ہم نے ماضی میں فاٹا اورپاٹا کے مسائل کے حل کےلئے اپنا کرداراداکیا،ماضی میں ہم نے ملاکنڈ ڈویژن میں ٹیکس کے نفاذ کے فیصلے کوواپس لینے میں اپناکرداراداکیاتھا، اس پر قائد مسلم لیگ ن محمد نواز شریف اوروزیراعظم کے شکرگزارہیں۔انہوں نے کہاکہ سیلزٹیکس بھی صرف درآمدی خام مال پرہے،سوشل میڈیا پراس حوالے سے غلط اوربے بنیادخبریں چلائی جارہی ہیں ۔\
ذریعہ: Daily Mumtaz
پڑھیں:
افغان حکومت بھارتی حمایت یافتہ دہشتگردی کی سرپرست ہے، وزیر دفاع خواجہ آصف
وزیر دفاع خواجہ آصف نے افغان ترجمان کے اشتعال انگیز اور گمراہ کن بیانات پر شدید ردعمل کا اظہار کیا ہے۔
سماجی رابطے کی سائٹ ’ایکس‘ پر اپنے ایک بیان میں انہوں نے کہاکہ افغان ترجمان کے اشتعال انگیز اور بے بنیاد بیانات پر واضح الفاظ میں کہا جاتا ہے کہ پاکستان کی سیکیورٹی پالیسیوں اور افغانستان کے حوالے سے جامع حکمتِ عملی پر پوری قوم، بشمول سیاسی اور عسکری قیادت مکمل اتفاق رکھتی ہے۔
On the malicious and misleading comments made by the Afghan spokesperson, let it be categorically stated that there exists complete unanimity of views among all Pakistanis, including the country’s political and military leadership, regarding Pakistan’s security policies and its…
— Khawaja M. Asif (@KhawajaMAsif) November 1, 2025
انہوں نے کہاکہ پاکستانی عوام خصوصاً خیبرپختونخوا کے لوگ بخوبی آگاہ ہیں کہ افغان طالبان حکومت بھارتی حمایت یافتہ دہشتگردی کی سرپرستی میں ملوث رہی ہے، اور ان کے عزائم و طرز عمل کے بارے میں انہیں کسی غلط فہمی کا شکار نہیں بنایا جا سکتا۔
خواجہ آصف نے کہاکہ واضح حقیقت یہ ہے کہ غیر نمائندہ افغان طالبان حکومت اندرونی گروہ بندی کا شکار ہے اور افغانستان میں مختلف قومیتوں، خواتین، بچوں اور اقلیتوں پر ظلم و جبر کی ذمہ دار ہے۔ اس کے ساتھ ساتھ یہ حکومت اظہار رائے، تعلیم اور نمائندگی جیسے بنیادی حقوق سلب کررہی ہے۔
وزیر دفاع نے کہاکہ اقتدار سنبھالنے کے 4 سال بعد بھی افغان حکومت اپنے وہ وعدے پورے کرنے میں ناکام رہی ہے جو اس نے عالمی برادری سے کیے تھے۔ اب یہ اپنی کمزور حکمرانی، عدم استحکام اور باہمی انتشار کو چھپانے کے لیے اشتعال انگیز بیان بازی پر اتر آئی ہے اور بیرونی قوتوں کے آلہ کار کے طور پر کام کررہی ہے۔
انہوں نے کہاکہ پاکستان کی پالیسی اپنے شہریوں کو سرحد پار دہشتگردی اور خوارج کی گمراہ کن سوچ سے محفوظ رکھنا ہے، جو مکمل طور پر متحد، اٹل اور قومی مفاد کے ساتھ ساتھ خطے میں امن و استحکام کے فروغ پر مبنی ہے۔
مزید پڑھیں: غلط بیانی قابل قبول نہیں، پاکستان نے استنبول مذاکرات سے متعلق افغان طالبان کا بیان مسترد کردیا
واضح رہے کہ پاکستان اور افغانستان کے درمیان استنبول میں ہونے والے مذاکرات میں جنگ بندی جاری رکھنے پر اتفاق کیا گیا ہے، تاہم بعد ازاں افغان طالبان نے مذاکرات کے حوالے سے ایک بیان جاری کیا جسے پاکستان نے مسترد کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارتی حمایت یافتہ دہشتگردی پاکستان افغانستان تعلقات خواجہ آصف وزیر دفاع وی نیوز
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟