کوئٹہ، ایم ڈبلیو ایم کا اجلاس، شعبہ خواتین سے متعلق گفتگو
اشاعت کی تاریخ: 17th, March 2025 GMT
اجلاس میں پارٹی کی خواتین ونگ کو درپیش مسائل پر گفتگو کی گئی اور انکی سرگرمیوں کی پیشرفت، دشواریوں اور رکاؤٹوں پر بحث کرتے ہوئے اسے بہتر بنانے سے متعلق تجاویز دی گئیں۔ اسلام ٹائمز۔ مجلس وحدت مسلمین بلوچستان کے صوبائی اور ضلعی قیادت کا مشترکہ اجلاس علمدار روڈ کوئٹہ میں ایم ڈبلیو ایم کے صوبائی سیکرٹریٹ میں منعقد ہوا۔ جس میں خواتین ونگ کو درپیش مسائل اور مستقبل میں انکی کارکردگی بہتر بنانے سمیت دیگر أمور پر گفتگو ہوئی۔ ایم ڈبلیو ایم بلوچستان کے صوبائی نائب صدر علامہ ولایت حسین جعفری، ضلعی سیکرٹری جنرل حاجی غلام حسین اخلاقی، آفس سیکرٹری سید محمد آغا سمیت خواتین ونگ کے عہدیداران اور کارکنوں نے شرکت کیں۔ اجلاس میں پارٹی کی خواتین ونگ کو درپیش مسائل پر گفتگو کی گئی اور انکی سرگرمیوں کی پیشرفت، دشواریوں اور رکاؤٹوں پر بحث کرتے ہوئے اسے بہتر بنانے سے متعلق تجاویز دی گئیں۔
اس موقع پر رہنماؤں نے پارٹی کی کارکردگی کو بہتر بنانے میں خواتین کے کردار کو اہم قرار دیتے ہوئے تعاون و ہم آہنگی کو فروغ دینے پر زور دیا۔ خواتین کو بااختیار بنانے، ان کی شرکت بڑھانے اور ان کی سرگرمیوں کو رکاؤٹوں سے پاک کرنے کے لئے عملی تجاویز پر بھی غور ہوا۔ اجلاس میں پارٹی کی آئندہ مستقبل کی حکمت عملی طے کرتے ہوئے رہنماؤں نے اتفاق کیا کہ خواتین ونگ کے پروگراموں کو مؤثر بنانے کے لئے فوری اقدامات کی ضرورت ہے۔ رکاؤٹوں کو دور کرنے، وسائل کی فراہمی اور قانونی تحفظ کو یقینی بنانے کے لئے ضلعی و صوبائی کابینہ نے مشترکہ پلاننگ کا عہد کیا۔ اجلاس میں فیصلہ کیا گیا کہ خواتین ونگ کی سرگرمیوں کو بلا رکاؤٹ جاری رکھنے کے لئے ماہانہ جائزہ اجلاس کا اہتمام کیا جائے۔ خواتین کی شرکت میں اضافے کے لئے صوبائی اور ضلعی سطح پر آگاہی مہم چلائی جائے۔
ذریعہ: Islam Times
کلیدی لفظ: کی سرگرمیوں خواتین ونگ بہتر بنانے اجلاس میں پارٹی کی کے لئے
پڑھیں:
قائمہ کمیٹی اجلاس میں محکمہ موسمیات کی پیشگوئی سے متعلق سوالات
پیپلز پارٹی کے ارکان قومی اسمبلی نے ڈائریکٹر جنرل (ڈی جی) محکمہ موسمیات سے ادارے کی بارش سے متعلقہ پیشگوئی پر سوالات پوچھ لیے۔
قومی اسمبلی کی قائمہ کمیٹی برائے آبی وسائل کا اجلاس ہوا، جس میں ڈی جی محکمہ موسمیات نے شرکاء کو بریفنگ دی۔
اس موقع پر پی پی پی کے منور علی تالپور نے کہا ہے کہ ایک بار محکمہ موسمیات نے 4 دن کی بارش بتائی، ایک قطرہ بھی برسات نہیں ہوئی۔
پی پی پی شازیہ مری نے کہا کہ محکمہ موسمیات جس دن بارش بتاتا ہے اس دن بارش نہیں ہوتی، جس دن محکمہ موسمیات کہتا ہے آج بارش نہیں ہوگی اس دن ہوجاتی ہے۔
انہوں نے مزید کہا کہ ہم بارش کا سن کر چھتری لے کر نکلتے ہیں تو بارش ہی نہیں ہوتی، بتایا جائے کہ محکمہ موسمیات کا بجٹ کتنا ہے اور ملازمین کتنے ہیں۔
ڈی جی محکمہ موسمیات نے بتایا کہ ہمارے ملک بھر میں 120 سینٹرز ہیں، جہاں سے ہر گھنٹے ڈیٹا آتا ہے، میٹ ڈپارٹمنٹ کا بجٹ 4 ارب اور ملازمین کی تعداد 2 ہزار 430 ہے۔
اُن کا کہنا تھا کہ کہا گیا تھا کہ سندھ کو سپر فلڈ ہٹ کرے گا، ہم نے پہلے دن سے کہا تھا سندھ کو سپر فلڈ ہٹ نہیں کرے گا، ہماری اتنی محنت کے باوجود ہمارا نام نہیں لیا جاتا۔
ڈی جی محکمہ موسمیات نے مزید کہا کہ اپریل کے آخر میں مون سون سے متاثرہ 10ممالک کا اجلاس ہوا، جنوبی ایشیا کلائمنٹ فورم میں بھی خطے کی معلومات شیئر ہوئی تھیں۔
انہوں نے یہ بھی کہا کہ مئی کے درجہ حرارت کی بنیاد پر کئی گئی فورکاسٹ میں پاکستان اور بھارت میں معمول سے زیادہ بارشیں تھیں، 29 مئی کو زیادہ بارشوں سےمتعلق بتادیا تھا، اس دفعہ محکمہ موسمیات کی بات سنی ہی نہیں گئی۔
فیڈرل فلڈ کمشنر نے بتایا کہ 22 جولائی کو کراچی میں 1 گھنٹے میں 160 ملی میٹر بارش ہوئی، اسلام آباد میں 22 جولائی کو 184 ملی میٹر بارش ریکارڈ کی گئی۔
اس پر شازیہ مری نے سوال اٹھایا کہ کیا ماضی میں بھی اسلام آباد میں اتنی بارش ہوئی جتنی اس بار ہوئی؟
ڈی جی محکمہ موسمیات نے جواب دیا کہ جولائی2001ء میں یہاں 600 ملی میٹر سے زائد بارش ہوئی تھی۔
انہوں نے مزید کہا کہ ہم نے سب اداروں کو بتا دیا تھا کہ تیز بارشیں آئیں گی، ہم نے یہ بھی بتایا تھا کہ ملک میں سیلاب آئیں گے۔
چیئرمین قائمہ کمیٹی نے کہا کہ ہم کسی دن محکمہ موسمیات چلے جاتے ہیں، سسٹم کا جائزہ لے لیتے ہیں، دیکھیں گے محکمہ موسمیات کی پیشگوئیاں کیوں نہیں درست ہوتیں، یہ بھی دیکھیں گے کہ محکمہ موسمیات کے پاس ٹیکنالوجی کونسی ہے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان