کراچی؛ خواتین سے بات کرنے سے روکنے پر سفاک شوہر نے بیوی کو زندہ جلا دیا
اشاعت کی تاریخ: 18th, March 2025 GMT
کراچی:
دوسری خواتین سے بات کرنے سے روکنے پر سفاک شوہر نے اپنی بیوی کو پیٹرول چھڑک کر زندہ جلا دیا۔
شہر قائد میں سفاک شوہر نے دوسری خواتین سے بات کرنے سے منع کرنے پر اپنی بیوی کو پہلے تشدد کا نشانہ بنایا اور پھر پیٹرول چھڑک کر آگ لگادی، جس سے وہ جھلس کر شدید زخمی ہو گئی۔ پولیس نے ملزم کو گرفتار کرلیا۔
کورنگی صنعتی ایریا تھانے کے علاقے مہران ٹاؤن میں سفاک شوہر نے بیوی کوتشدد کے بعد پیٹرول چھڑک کرآگ لگادی۔ آگ سے رابعہ نامی خاتون جھلس کر شدید زخمی ہوگئی، جسے فوری سول اسپتال کے برنس وارڈ منتقل کردیا گیا۔
طبی ذرائع کے مطابق متاثرہ خاتون 40 فیصد جھلس چکی ہے جب کہ واقعے کا مقدمہ متاثرہ خاتون کی مدعیت میں کورنگی صنعتی ایریا تھانے میں اقدام قتل کی دفعہ کے تحت درج کرلیا گیا ہے۔
متاثرہ خاتون نے پولیس کو بتایا کہ2سال قبل وقاص سے پسند کی شادی کی تھی۔ شادی کے بعد سے ہی وقاص کا رویہ ٹھیک نہیں تھا۔ ان کی کوئی اولاد نہیں ہے، شوہروقاص اکثرمارپیٹ اورتشدد کا نشانہ بناتا تھا۔ شوہروقاص کے دوسری خواتین سے تعلقات بھی تھے۔
14 مارچ کو شوہروقاص رات دیرتک گھرنہیں آیا توآمنہ نامی لڑکی کے نمبرپرکال کی تو فون وقاص نے اٹھایا اورطیش میں آکرمغلظات بکیں۔ وقاص رات 11 بج کر45 پرگھرآیا اور مجھ پرتشدد کیا اورپیٹرول چھڑک کرآگ لگادی۔
متاثرہ خاتون کے بھائی محمد جمال نے بتایا کہ بہن کے شوہر نے دھمکیاں دی ہیں کہ اگر مقدمہ درج کرایا تو بہت پچھتاؤ گے۔ انہوں نے انصاف فراہم کرنے کا مطالبہ کیا ہے۔
پولیس کے مطابق واقعہ 14 مارچ کو پیش آیا اور 16 مارچ کو مقدمہدمہ درج کرلیا گیا ہے۔ پولیس نےمقدمے کے اندراج کے بعد تفتیش انویسٹی گیشن پولیس کے سپرد کردی تھی، جس نے منگل کی صبح عظیم پورہ کےعلاقے میں کارروائی کرتے ہوئے شوہروقاص کوگرفتارکرلیا۔
انویسٹی گیشن پولیس کے مطابق گرفتارملزم فیکٹری میں ملازمت کرتا ہے۔ ملزم وقاص کی دوسری خواتین سے دوستی تھی، اور منع کرنے پرملزم وقاص نے اپنی بیوی پرپیٹرول چھڑک کر آگ لگادی۔
.ذریعہ: Express News
کلیدی لفظ: دوسری خواتین سے متاثرہ خاتون بیوی کو چھڑک کر
پڑھیں:
کراچی: فلیٹ سے بزرگ خاتون کی ہاتھ اور پاؤں بندھی تشدد زدہ لاش برآمد
کراچی کے علاقے عیسیٰ نگری میں بارہ دری اپارٹمنٹ سے بزرگ خاتون کی ہاتھ اور پاؤں بندھی تشدد زدہ لاش ملی جسے ایدھی کے رضا کاروں نے ضابطے کی کارروائی کے لیے جناح اسپتال پہنچایا۔
ایس ایچ او عزیز بھٹی سعید ناریجو کا کہنا ہے کہ خاتون کی شناخت 62 سالہ افشاں دختر صالحین کے نام سے کی گئی جس کے ہاتھ بندھے ہوئے تھے جبکہ لاش 3 سے 4 دن پرانی بتائی جاتی ہے۔
مقتولہ غیر شادی شدہ اور فلیٹ میں اکیلی ہی رہتی تھی جبکہ فوری طور پر وجہ موت کا تعین نہیں ہوسکا۔ تاہم، پوسٹ مارٹم رپورٹ آنے کے بعد ہی وجہ ہلاکت کا پتہ چل سکے گا۔
ایدھی حکام کا کہنا ہے کہ خاتون کی لاش تشدد زدہ تھی جبکہ اس کے ہاتھ اور پاؤں بھی بندھے ہوئے تھے۔ تاہم۔ اس حوالے سے فلیٹ سے شواہد حاصل کرتے ہوئے مزید تحقیقات کر رہی ہے۔
پاکستان بھر میں کے ایف سی پر حملوں کے واقعات، 178 افراد گرفتار