صاف ستھرا کراچی منصوبہ افسر شاہی نے ناکام بنادیا، محکمے کے 50 ملازمین بھی غائب
اشاعت کی تاریخ: 19th, March 2025 GMT
میئر مرتضی وہاب کا صاف ستھرا کراچی منصوبہ افسر شاہی نے ناکام بناکر رکھ دیا ہے۔
ایکسپریس نیوز کے مطابق صاف ستھرا کراچی منصوبے کیلیے بلدیہ عظمی کراچی کا حال ہی میں وجود میں آنے والا محکمہ انفورسمنٹ اینڈ امپلی منٹیشن چند روز میں ہی ناکامی کی تصویر بن کر رہ گیا،محکمے میں بھیجے گئے50 سے زائد ملازمین غائب ہیں جبکہ شہر میں سڑکوں، نالوں میں کچرا پھینکنے سمیت گندا پانی سڑکوں پر بہانے والوں کیخلاف کارروائیاں شروع ہوتے ہی ختم ہوکر رہ گئیں۔
میئر کراچی کی شہر کی بہتری کیلئے کوششیں ناکام کرنے والے افسران کیخلاف شہرکے سنجیدہ حلقوں اور سینئر افسران نے کارروائی کی اپیل اور میونسپل ایکٹ کے تحت کارروائیاں تیز کرنے کا مطالبہ کردیا گیا۔
تفصیلات کے مطابق بلدیہ عظمی کراچی کا حال ہی میں وجود میں آنے والا محکمہ انفورسمنٹ اینڈ امپلی منٹیشن اپنے آغاز میں ہی ناکامی کی تصویر بن کر رہ گیا ہے ،ذرائع کا کہنا ہے کہ میئر کراچی کی ہدایت پر چند ماہ قبل نومولود محکمہ انفورسمنٹ اینڈ امپلی منٹیشن کے تحت شہر کو گندا کرنے والے عناصر کیخلاف کارروائیوں کا ٹاسک دیا تھا اور اس سلسلے میں بڑے پیمانے پر جرمانے کی سزائیں بھی مقرر کی تھیں۔
عوام میں باقاعدہ آگاہی مہم کے ذریعے انہیں کچرا سڑکوں پر پھینکنے کے بجائے کچرا دان میں پھینکنے اور شہر کو صاف رکھنے کی ترغیب دی جارہی تھی جس میں سندھ سالڈ ویسٹ کے افسران بھی محکمہ انفورسمنٹ اینڈ امپلی منٹیشن کے افسران کے ساتھ رابطے میں تھے۔
ذرائع کا کہنا ہے کہ محکمہ انفورسمنٹ اینڈ امپلی منٹیشن کے تحت شہر کے برساتی نالوں میں کچرا پھینکنے والوں کیخلاف بھی کارروائی شروع کی جانی تھیں تاکہ ہرسال مون سون کے موقع پر نالوں کی صفائی کیلئے کثیر فنڈز کے ضیاع کو روکا جاسکے اور شہر کے برساتی نالوں کے اوور فلو کے نقصانات سے محفوظ رہا جاسکے۔
دریں اثناء محکمہ انفورسمنٹ اینڈ امپلی منٹیشن کی شروع کی گئیں کارروائیوں اور آگاہی مہم سے شہر کی مارکیٹوں اور انڈسٹریل ایریاز میں صفائی ستھرائی کی صورتحال میں بہتری آنا شروع ہوگئی تھی تاہم اچانک تمام کارروائیاں پراسرار طور پر بند کردی گئی ہیں۔
ذرائع کا کہنا ہے کہ محکمے میں بھیجے گئے50 سے زائد ملازمین دفاتر سے غائب ہیں، سینئر افسرن اور شہری حلقوں کا کہنا ہے کہ میئر کراچی مرتضی وہاب کا شہر کو صاف ستھرا بنانے کے منصوبے کو کے ایم سی کی افسر شاہی نے ناکام بنادیا ہے اور شہر میں انفورسمنٹ اینڈ امپلی منٹیشن کے محکمے کی کارکردگی صفر ہوچکی ہے۔
سینئر افسران اور شہری حلقوں نے کراچی کی بہتری کے منصوبے کو ناکام بنانے والے عناصر کیخلاف کارروائی کی اپیل کی ہے اور محکمے کو فعال کرنے کا مطالبہ کیا ہے تاکہ شہر میں صفائی ستھرائی کی صورتحال میں بہتری آسکے۔
اس حوالے سے محکمہ انفورسمنٹ اینڈ امپلی منٹیشن کے سینئر ڈائریکٹر شفیق شاہ سے ان کا موقف جاننے کیلئے رابطہ کیا گیا تاہم انہوں نے کال اٹینڈ نہیں کی جس کے باعث ان کا موقف حاصل نہ ہوسکا
.ذریعہ: Express News
کلیدی لفظ: کا کہنا ہے کہ صاف ستھرا اور شہر
پڑھیں:
کراچی، خونی ڈمپر نے موٹرسائیکل سوار ایف آئی اے افسر کو کچل ڈالا
جدید و خودکار ای ٹکٹنگ نظام کے نفاذ کے باجود شہر میں تیز رفتار ڈمپرز کی ٹکر سے شہریوں کے جاں بحق ہونے کا سلسلہ بدستور جاری ہے۔ اسلام ٹائمز شہر قائد مں تیز رفتار ڈمپر کی ٹکر سے موٹر سائیکل سوار ایف آئی اے کا افسر جاں بحق ہوگیا، ریس لگاتے ہوئے گاڑی نے موٹرسائیکل سواروں کو ٹکر مار دی، حادثے میں موٹر سائیکل سوار 2 شہری شدید زخمی ہوگئے۔ تفصیلات کے مطابق کراچی میں جدید و خودکار ای ٹکٹنگ نظام کے نفاذ کے باجود شہر میں تیز رفتار ڈمپرز کی ٹکر سے شہریوں کے جاں بحق ہونے کا سلسلہ بدستور جاری ہے۔ جناح ایونیو پر واقع چیک پوسٹ نمبر 6 کے قریب تیز رفتار ڈمپر نے موٹرسائیکل سوار کو ٹکر مار دی، جس کے باعث موٹر سائیکل سوار شخص موقع پر جاں بحق ہوگیا۔ حادثے میں جاں بحق شخص کی شناخت محمد ایوب خان کے نام سے کی گئی۔ متوفی شخص ایف آئی اے میں اے ایس آئی تھا اور ایئرپورٹ پر تعینات تھا۔ ٹریفک پولیس نے ڈمپر ڈرائیور کو حراست میں لیکر اسے متعلقہ تھانے کی پولیس کے حوالے کر دیا۔ حادثے میں جاں بحق ایف آئی اے ملازم محمد ایوب ڈیوٹی ختم کرنے کے بعد کے واپس گھر جا رہا تھا۔
ایس ایچ او نے بتایا کہ گرفتار ڈرائیور انور خان کے ڈرائیونگ لائسنس کی معیاد بھی 16 اکتوبر کو ختم ہو چکی ہے، پولیس حادثے سے متعلق مزید معومات اکٹھا کر رہی ہے۔ دوسری جانب بلوچ کالونی پل پر تیز رفتار گاڑی ڈرائیور سے بے قابو پانے کے بعد موٹر سائیکل سواروں کو ٹکر مارتی ہوئی سڑک پر الٹ گئی، جس کے نتیجے میں 2 موٹر سائیکلوں پر سوار 2 شہری شدید زخمی ہو گئے، ٹریفک پولیس نے گاڑی کو قبضے میں لیکر اس کے نوجوان ڈرائیور کو حراست میں لے لیا اور فیروز آباد پولیس کے حوالے کر دیا۔ موقع پر موجود شہریوں کے مطابق حادثہ 2 گاڑیوں کے درمیان ریس لگاتے ہوئے پیش آیا، حادثے میں نتیجے میں گاڑی کو بھی شدید نقصان پہنچا ہے۔
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان