زرمبادلہ کی دونوں مارکیٹوں میں ڈالر کی قدر میں معمولی اضافہ
اشاعت کی تاریخ: 20th, March 2025 GMT
کراچی:
خام تیل کی عالمی قیمتوں میں دوبارہ اضافے کے رحجان، آئی ایم ایف سے اگلی قسط کی منظوری میں تاخیر اور درآمدی نوعیت کی طلب برقرار رہنے کے باعث زرمبادلہ کی دونوں مارکیٹوں میں ڈالر کی قدر میں معمولی نوعیت کا اضافہ ہوا۔
ملک میں فروری 2024 سے فروری 2025 کے دوران ترسیلات زر کا حجم 45فیصد بڑھنے، عالمی بینک کی پاکستان کے لیے 10کروڑ ڈالر کے کلائمیٹ چینج فنڈ کے اجرا جیسے عوامل کے باعث انٹربینک مارکیٹ میں کاروباری دورانیے کے دوران ڈالر کی قدر ایک موقع پر 13پیسے کی کمی سے 280روپے 07پیسے کی سطح پر بھی آگئی تھی۔
بعدازاں درآمدی ادائیگیوں کے دباؤ کے باعث کاروبار کے اختتام پر ڈالر کی قدر صرف 02 پیسے کے اضافے سے 280 روپے 22 پیسے کی سطح پر بند ہوئی۔
اسی طرح اوپن کرنسی مارکیٹ میں بھی ڈالر کی قدر 01پیسے کے اضافے سے 282روپے 07پیسے کی سطح پر بند ہوئی۔
.ذریعہ: Express News
کلیدی لفظ: ڈالر کی قدر
پڑھیں:
عالمی بینک پاکستان کی ترقی میں کلیدی شراکت دار ہے، 20 ارب ڈالر سے زائد کی سرمایہ کاری پر شکر گزار ہیں: وزیراعظم
وزیراعظم شہباز شریف نے کہا ہے کہ عالمی بینک نے پاکستان کی ترقی میں ایک مؤثر اور کلیدی شراکت دار کے طور پر ہمیشہ اہم کردار ادا کیا ہے۔ حکومت، عالمی بینک کی جانب سے پاکستان میں 20 ارب ڈالر سے زائد کی ترقیاتی سرمایہ کاری پر اس کی شکر گزار ہے۔
وزیراعظم نے یہ بات عالمی بینک کی منیجنگ ڈائریکٹر برائے آپریشنز، اینا بیئرڈہ کی قیادت میں آنے والے وفد سے ملاقات کے دوران کہی، جو جمعرات کو وزیراعظم ہاؤس میں منعقد ہوئی۔
اے پی پی کے مطابق، وزیراعظم نے عالمی بینک وفد کا خیر مقدم کرتے ہوئے کہا کہ حکومت ترقیاتی سرمایہ کاری کے ثمرات عوام تک پہنچانے کے لیے عملی اقدامات یقینی بنا رہی ہے۔ انہوں نے 2022 کے سیلاب کا حوالہ دیتے ہوئے کہا کہ اس آفت کے دوران عالمی بینک نے متاثرین کی مدد میں قابلِ قدر کردار ادا کیا۔
عالمی بینک کی منیجنگ ڈائریکٹر اینا بیئرڈہ نے وزیراعظم کی مہمان نوازی پر شکریہ ادا کرتے ہوئے کہا کہ پاکستان اور عالمی بینک کے مابین تاریخی شراکت داری کو نہایت قدر کی نگاہ سے دیکھا جاتا ہے۔ انہوں نے پاکستان کی حالیہ معاشی کارکردگی کو مثالی قرار دیتے ہوئے کہا کہ پاکستان نے میکرو اکنامک استحکام کے لیے اہم اور مؤثر اقدامات کیے ہیں۔
انہوں نے مزید کہا کہ وزیراعظم کی قیادت، پائیدار ترقی کے لیے پالیسیوں کا تسلسل، تمام اسٹیک ہولڈرز کو اعتماد میں لینا اور ترقیاتی ترجیحات کا درست تعین عالمی بینک کے لیے قابل تقلید ماڈل بن چکے ہیں۔ انہوں نے کہا کہ پاکستان کا کنٹری پارٹنرشپ فریم ورک دنیا بھر میں اب پاکستان ماڈل کے طور پر پہچانا جا رہا ہے۔
ملاقات میں وفاقی وزراء احسن اقبال، احد خان چیمہ، شزہ فاطمہ خواجہ، مشیر وزیراعظم ڈاکٹر توقیر شاہ، سینیٹر شیری رحمن، رکن قومی اسمبلی ڈاکٹر نفیسہ شاہ، اور عالمی بینک کے کنٹری ڈائریکٹر ناجے بینحسین سمیت اعلیٰ حکام بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اینا بیئرڈہ پاکستان ماڈل عالمی بینک وزیراعظم شہباز شریف
سفارتی وفود مسئلہ کشمیر و فلسطین اجاگر کریں: لیاقت بلوچ