اعلیٰ امریکی حکام کی ذاتی تفصیلات آن لائن دستیاب، رپورٹ
اشاعت کی تاریخ: 27th, March 2025 GMT
اسلام آباد (اُردو پوائنٹ ۔ DW اردو۔ 27 مارچ 2025ء) جرمن اخبار ڈیر اسپیگل نے اپنی ایک تفتیشی رپورٹ میں پایا کہ امریکی صدر ڈونلڈ ٹرمپ کے کچھ قریبی مشیروں کا ڈیٹا مبینہ طور پر آن لائن دستیاب ہے۔
امریکی فوج کے خفیہ منصوبے گروپ چیٹ میں لیک ہو گئے
یہ نیا انکشاف وائٹ ہاؤس کی جانب سے اس بات کی تصدیق کے بعد ہوا ہے کہ امریکی میگزین 'دی اٹلانٹک' کے چیف ایڈیٹر جیفری گولڈ برگ کو نادانستہ طور پر سگنل گروپ میں شامل کرلیا گیا تھا، جہاں اعلیٰ عہدیداروں نے یمن میں حوثیوں کے خلاف فوجی حملے کرنے کے منصوبوں پر تبادلہ خیال کیا تھا۔
ای میلز، فون نمبرز، پاس ورڈزٹرمپ کے معاونین میں قومی سلامتی کے مشیر مائیک والٹز، نیشنل انٹیلیجنس کی ڈائریکٹر تلسی گبارڈ اور وزیر دفاع پیٹ ہیگستھ شامل تھے، جن کے موبائل فون نمبرز، ای میل ایڈریسز اور بعض صورتوں میں ان کے اکاؤنٹس سے منسلک پاس ورڈز کمرشل ڈیٹا سرچ انجنوں کے ذریعے تلاش کیے جا سکتے ہیں اور ہیک شدہ ڈیٹا وسیع پیمانے پر آن لائن دستیاب ہے۔
(جاری ہے)
ایران پر حملے کا اسرائیلی پلان: سابق سی آئی اے اہلکار کا خفیہ دستاویزات لیک کرنے کا اعتراف
ملنے والے زیادہ تر ای میل ایڈریس اور فون نمبرز موجودہ تھے، نمبر اکثر سوشل میڈیا اکاؤنٹس کے ساتھ ساتھ میسجنگ سروسز جیسے واٹس ایپ اور سگنل پر اکاؤنٹس سے منسلک ہوتے ہیں۔
ڈیر اسپیگل کے ایک تکنیکی تجزیے کے مطابق، یہ نمبر اتنے وسیع پیمانے پر دستیاب تھے کہ امریکی حکام کو ان کے فونز پر ممکنہ طور پر اسپائی ویئر نصب کردیے جانے کا خدشہ ہو گیا۔
کوئی تبصرہ موصول نہیںڈیر اسپیگل نے یہ بھی کہا کہ یہ بات قابل فہم ہے کہ غیر ملکی انٹیلیجنس سروسز سگنل گروپ کے ارکان کی طرف سے بھیجے گئے مواد کو بھی پڑھ سکتی ہیں، جس میں یمن میں فضائی حملوں پر تبادلہ خیال کیا گیا تھا۔ لیکن اگر کوئی غیر ملکی حکومت کسی امریکی اہلکار کے فون تک رسائی حاصل کرنے میں کامیاب ہو جاتی ہے، تو اس کے پاس کسی ایک گروپ چیٹ سے زیادہ رسائی ہو گی۔
امریکہ نے خفیہ دستاویزات لیک کرنے والے مشتبہ شخص کو گرفتار کر لیا
تینوں اہلکاروں کو لیک سے آگاہ کر دیا گیا تھا۔ ڈیر اسپیگل نے یہ بھی کہا کہ اس نے کسی بھی سروس میں لاگ ان کرنے کے لیے پاس ورڈ استعمال کرنے کی کوشش نہیں کی۔
انہوں نے اخبار کی جانب سے تبصرہ کرنے کی درخواست کا کوئی جواب نہیں دیا۔ قومی سلامتی کونسل نے کہا کہ جرمن اخبار نے والٹز کے جن اکاؤنٹس اور پاس ورڈز کا حوالہ دیا ہے، ان کو 2019 میں تبدیل کر دیا گیا تھا۔
ادارت: صلاح الدین زین
.ذریعہ: UrduPoint
کلیدی لفظ: تلاش کیجئے گیا تھا
پڑھیں:
فیلڈ مارشل سید عاصم منیر کا لائن آف کنٹرول پر اگلے مورچوں کا دورہ
فیلڈ مارشل سید عاصم منیر نے عیدالاضحیٰ کے پہلے روز لائن آف کنٹرول پر اگلے مورچوں کا دورہ کیا۔ پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر نے لائن آف کنٹرول (ایل او سی) کا دورہ کیا اور اگلے مورچوں پر تعینات جوانوں کے ساتھ عید منائی، افسران و جوانوں کو عیدالاضحیٰ کی مبارکباد بھی دی۔ آئی ایس پی آر کے مطابق نماز عید کی ادائیگی کے بعد پاکستان کے دیرپا امن، استحکام اور خوشحالی کے لئے خصوصی دعائیں کی گئیں، وطن عزیز کے دفاع کے لئے عظیم قربانیاں دینے والے شہداء کیلئے بھی دعا کی گئی۔ فیلڈ مارشل نے فوجی افسران اور جوانوں کو غیر متزلزل وابستگی، پیشہ ورانہ مہارت اور مسلسل چیلنجز کے باوجود ثابت قدم خدمات کو سراہا۔ آئی ایس پی آر کے مطابق فیلڈ مارشل سید عاصم منیر کا کہنا تھا کہ محاذِ جنگ پر اپنے خاندانوں سے دُور رہ کر عید منانا، مادرِ وطن کے دفاع جیسے اعلیٰ قومی مقصد کی تکمیل ہے جس کیلئے ہر قیمت پر تیار ہیں۔ آرمی چیف نے ”معرکۂ حق“ اور ”آپریشن بنیان مرصوص“ کے دوران فارمیشن کی مثالی کارکردگی کو سراہا اور شہداء اور غازیوں کو خراجِ عقیدت پیش کیا جن کی قربانیاں قوم کے دفاع اور عزم کو مضبوط کرتی ہیں۔ انہوں نے کہا کہ ’آپ نے معصوم پاکستانی شہریوں بشمول بچوں، خواتین اور بزرگوں کی جانوں کے ضیاع کا دلیری اور مؤثر ردعمل کے ذریعے بھرپور بدلہ لیا۔‘ فیلڈ مارشل نے سپاہیوں سے گفتگو کرتے ہوئے مسلح افواج کی جنگی تیاریوں پر مکمل اعتماد کا اظہار کیا اور کہا کہ وہ کسی بھی جارحیت کو مؤثر طریقے سے روکنے اور شکست دینے کیلئے ہمہ وقت تیار ہیں۔ پاکستان کے اصولی مؤقف کو اجاگر کرتے ہوئے فیلڈ مارشل نے کہا کہ کشمیری عوام کی بھارتی قبضے کے خلاف منصفانہ اور دلیرانہ جدوجہد کو کبھی فراموش نہیں کیا جائے گا، انہوں نے جموں و کشمیر کے تنازع کے حل کی ضرورت پر زور دیا، جو کشمیری عوام کی امنگوں اور اقوامِ متحدہ کی سلامتی کونسل کی متعلقہ قراردادوں کے مطابق ہونا چاہیے۔
)نو مئی حملہ کیس( 11 ملزمان کو مجموعی طور پر 27 سال 3 ماہ قید کی سزا