پاکستانی آن لائن شاپنگ کو زیادہ ترجیح دیتے ہیں یا خود مارکیٹ جانے کو؟ (Eid Story)
اشاعت کی تاریخ: 28th, March 2025 GMT
عید کی تیاریوں کے حوالے سے یہ بات سامنے آئی ہے کہ بہت سے افراد مختلف طریقوں سے خریداری کرتے ہیں۔ کچھ افراد آن لائن خریداری کو ترجیح دیتے ہیں، تو وہیں دیگر لوگ مارکیٹ جا کر خریداری کرنے کو بہتر سمجھتے ہیں۔
آئیے اس موضوع پر اعدادوشمار کا جائزہ لیتے ہیں کہ پاکستانی عید پر کس طرح سے خریداری کرنے کو ترجیح دیتے ہیں؟
یہ بھی پڑھیں خواتین عید کے لیے آن لائن سستے کپڑے کہاں سے خرید سکتی ہیں؟
پاکستان میں عید کی خریداری کے رجحانات میں ایک دلچسپ تبدیلی رونما ہورہی ہے، اگرچہ روایتی طور پر لوگ بازاروں اور مارکیٹوں میں جا کر خریداری کو ترجیح دیتے ہیں، لیکن حالیہ برسوں میں آن لائن شاپنگ کا رجحان بھی تیزی سے بڑھ رہا ہے۔
ماہرین کے مطابق پاکستان میں انٹرنیٹ کا استعمال کرنے والے صارفین کی تعداد میں بھی تیزی سے اضافہ ہوا ہے اور یہی وجہ ہے کہ اس کا اثر ای کامرس کے صارفین کی تعداد پر بھی پڑا ہے۔
شہری علاقوں کے ساتھ بعض چھوٹے بڑے قصبوں میں بھی کھانے پینے کی اشیا، گھریلو ضرورت کی اشیا اور کپڑوں کی کئی قسم کی ورائٹی آن لائن منگوانے کا رحجان بڑھا ہے۔
واضح رہے کہ پاکستان ٹیلی کمیونیکیشن اتھارٹی (پی ٹی اے) کے اعداد و شمار کے مطابق ملک میں اس وقت 17 کروڑ 60 لاکھ لوگوں کے پاس موبائل فون موجود ہے جن میں سے 9 کروڑ 30 لاکھ لوگ تھری جی یا فور جی انٹرنیٹ یا براڈ بینڈ سروسز استعمال کررہے ہیں جو آبادی کا 43 فی صد سے کچھ زیادہ ہے۔
موبائل صارفین کی تعداد میں اضافہ بھی ای کامرس کے رجحان میں اضافے کی وجہ ہے۔
ایک سروے کے مطابق 2023 میں تقریباً 45 فیصد پاکستانی صارفین نے عید کی خریداری کے لیے آن لائن خریداری کی۔
عید الفطر جیسے بڑے مواقع پر آن لائن خریداری کی شرح میں اضافہعید الفطر جیسے بڑے مواقع پر آن لائن خریداری کی شرح میں مزید اضافہ ہوتا ہے۔ مختلف ویب سائٹس اور ایپس جیسےDaraz اور دیگر لوکل پیجز خاص طور پر عید کے دوران بڑی تعداد میں صارفین کو اپنی طرف متوجہ کرتے ہیں۔
2023 کی ایک رپورٹ کے مطابق 45 فیصد افراد آن لائن شاپنگ کو ترجیح دیتے ہیں۔ یقیناً 2025 میں ان صارفین کی تعداد میں اضافہ ہو چکا ہوگا۔ کیونکہ ای کامرس انڈسٹری دنیا کی طرح پاکستان میں بھی تیزی سے پھیل رہی ہے۔
دوسری جانب 55 فیصد افراد ابھی بھی مارکیٹ جا کر خریداری کرنا پسند کرتے ہیں۔
نوجوان طبقہ (18 سے 35 سال) میں آن لائن خریداری کا رجحان زیادہ پایا جاتا ہے، جبکہ 40 سال اور اس سے زیادہ عمر کے افراد عید کی خریداری کے لیے بازار جانا پسند کرتے ہیں۔
واضح رہے کہ کپڑوں کی خریداری دونوں طریقوں سے کی جاتی ہے، لیکن آن لائن خریداری میں لباس کے فیبرک اور ڈیزائن کی تصاویر کی وجہ سے کمی محسوس ہو سکتی ہے۔
گھر کی سجاوٹ اور گفٹ آئٹمز کے لیے آن لائن خریداری ترجیحگھر کی سجاوٹ اور گفٹ آئٹمز کے لیے زیادہ تر لوگ آن لائن خریداری کرتے ہیں کیونکہ انہیں بڑی تعداد میں ورائٹی دستیاب ہوتی ہے۔
کھانے پینے کی اشیا جیسے مٹھائیاں، پھل اور گوشت خریدنے کے لیے مارکیٹ جانا زیادہ عام ہے۔
پاکستان میں ای کامرس مارکیٹ تیزی سے ترقی کررہی ہے، ایک رپورٹ کے مطابق پاکستان میں ای کامرس مارکیٹ کا حجم 2023 میں 9 بلین ڈالر رہا۔
یہ بھی پڑھیں عیدالفطر کی تیاریاں جاری، بازار خریداروں سے بھر گئے
عید کی خریداری کے لیے آن لائن اور مارکیٹ کی خریداری دونوں کے فوائد ہیں، اور یہ افراد کی عمر، عادات اور سہولت پر منحصر ہے۔ آن لائن خریداری وقت کی بچت اور زیادہ انتخاب فراہم کرتی ہے، جبکہ مارکیٹ جا کر خریداری میں ذاتی طور پر اشیا کا معائنہ کرنے کا فائدہ ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آن لائن شاپنگ عید وی نیوز.ذریعہ: WE News
کلیدی لفظ: ا ن لائن شاپنگ وی نیوز کو ترجیح دیتے ہیں عید کی خریداری کے آن لائن خریداری صارفین کی تعداد کے لیے آن لائن پاکستان میں لائن شاپنگ مارکیٹ جا کے مطابق کرتے ہیں تیزی سے
پڑھیں:
زمین کو بچوں کیلئے محفوظ بنانا اولین ترجیح ہے : مریم نواز شریف
وزیراعلیٰ پنجاب مریم نواز شریف نے اوزون کے تحفظ کے عالمی دن پر اپنے پیغام میں کہا ہے کہ زمین کو آئندہ نسلوں کے لیے محفوظ بنانا حکومت کی اولین ترجیح ہے ان کا کہنا تھا کہ اوزون ہماری فضا اور ماحولیات کی محافظ ہے اور اسے بچانا پوری انسانیت کا سب سے اہم فریضہ ہے انہوں نے کہا کہ اوزون کی تباہی کے نتیجے میں امراض میں اضافہ ہوگا زرعی فصلیں متاثر ہوں گی اور نئی نسل کے مستقبل کو سنگین خطرات لاحق ہوں گے مریم نواز شریف نے کہا کہ موسمیاتی تبدیلیوں نے بارشوں کے انداز کو بدل دیا ہے جس کا خمیازہ پنجاب حالیہ تباہ کن سیلابوں کی صورت میں بھگت رہا ہے پہلی بار پنجاب کے لیے ایک جامع ماحولیاتی پالیسی تشکیل دی گئی ہے تاکہ زمین کو آئندہ نسلوں کے لیے محفوظ بنایا جا سکے انہوں نے کہا کہ پنجاب میں ماحول دوست الیکٹرو بسیں متعارف کروائی گئی ہیں جو کلین انرجی پر چلتی ہیں اور آلودگی کو کم کرتی ہیں وزیراعلیٰ پنجاب نے بتایا کہ پلانٹ فار پاکستان مہم کے ذریعے بڑے پیمانے پر شجرکاری کی جا رہی ہے تاکہ فضا کو دوبارہ سانس لینے کے قابل بنایا جا سکے انہوں نے کہا کہ پنجاب تیزی سے گرین انرجی سولرائزیشن اور ماحول دوست منصوبوں کی طرف بڑھ رہا ہے اور یہ بات یاد رکھنے کی ہے کہ اوزون پروٹیکشن صرف حکومت کی نہیں بلکہ ہر شہری کی ذمہ داری ہے انہوں نے عوام سے اپیل کی کہ فضا پانی اور زمین کو آئندہ نسلوں کے لیے محفوظ بنانے میں اپنا کردار ادا کریں مریم نواز نے کہا کہ پنجاب سرسبز صاف اور محفوظ مستقبل کی طرف بڑھ رہا ہے اور یہ سفر اب کسی صورت رکنے والا نہیں
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام