پاکستان کا میانمار، تھائی لینڈ اور پڑوسی میں تباہ کن زلزلے پر افسردگی کا اظہار
اشاعت کی تاریخ: 28th, March 2025 GMT
پاکستان نے میانمار، تھائی لینڈ اور پڑوسی ممالک میں تباہ کن زلزلے کی خبر پر افسردگی کا اظہار کیا ہے۔
ترجمان دفتر خارجہ نے اپنے ایک بیان میں کہاکہ ہم میانمار، تھائی لینڈ اور پڑوسی ممالک میں تباہ کن زلزلے کی دل دہلا دینے والی خبر سے بہت افسردہ ہیں۔
یہ بھی پڑھیں میانمار میں 7.7 شدت کا زلزلہ، بھارت، چین، بنگلہ دیش اور تھائی لینڈ تک جھٹکے محسوس کیے گئے
انہوں نے کہاکہ ہمارے خیالات اس سانحے سے متاثرہ تمام لوگوں کے ساتھ ہیں، ہم تمام متاثرہ افراد کے ساتھ ساتھ زخمیوں کی جلد صحت یابی کے لیے دعاگو ہیں۔
ترجمان نے کہاکہ ہم ان بہادر افراد، ایمرجنسی ورکرز کو جو بچاؤ و امدادی کارروائیوں کے لیے زمین پر تندہی سے کام کر رہے ہیں کو سراہتے ہیں۔
شفقت علی خان نے کہاکہ اس ہنگامی حالت میں ان کی بہادری اور عزم واقعی قابل تعریف ہے، ہم اس مشکل دور میں متاثرہ حکومتوں اور کمیونٹیز کے ساتھ اپنی اظہار یکجہتی کرتے ہیں۔
واضح رہے کہ میانمار میں 7.
غیرملکی میڈیا رپورٹس کے مطابق زلزلے کے باعث میانمار کے دارالحکومت نیپیڈو میں سڑکیں آمدورفت کے لیے بند ہوگئی ہیں۔
یہ بھی پڑھیں تبت میں 7.1 شدت کا زلزلہ، 30 سے زائد افراد ہلاک، متعدد عمارتیں منہدم
زلزلے کا مرکز میانمار کے شہر مڈلے سے قریباً 17.2 کلومیٹر تھا، جس کی آبادی لگ بھگ 12 لاکھ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افسردگی کا اظہار پاکستان تھائی لینڈ میانمار زلزلہ وی نیوزذریعہ: WE News
کلیدی لفظ: افسردگی کا اظہار پاکستان تھائی لینڈ میانمار زلزلہ وی نیوز تھائی لینڈ کے لیے
پڑھیں:
پاکستان اور ترکیہ کا توانائی، کان کنی اور آئی ٹی سمیت مختلف شعبوں میں تعاون پر اتفاق
وزیراعظم پاکستان شہباز شریف اور ترکیہ کے صدر رجب طیب اردوان کی ملاقات ہوئی ہے، جس میں دونوں ممالک نے مختلف شعبوں میں تعاون پر اتفاق کیا ہے۔
ترکیہ کے صدر رجب طیب اردوان اور وزیراعظم شہباز شریف نے ملاقات کے بعد مشترکہ پریس کانفرنس کرتے ہوئے تفصیلات سے آگاہ کیا۔
یہ بھی پڑھیں مینار پاکستان ترکیہ کے پرچم سے روشن، ’یہ پاکستان کا برج خلیفہ ہے‘
وزیراعظم شہباز شریف نے پریس کانفرنس کرتے ہوئے کہاکہ پاکستان اور ترکیہ نے توانائی، کان کنی، معدنیات اور آئی ٹی سمیت مختلف شعبوں میں تعاون پر اتفاق کیا ہے۔
انہوں نے کہاکہ رجب طیب اردوان ویژنری لیڈر ہیں جنہوں نے اپنے ملک کی ترقی کے لیے بے پناہ اقدامات کیے، یہ عوام کے دلوں میں بستے ہیں۔
شہباز شریف نے کہاکہ ترکیہ نے ہر مشکل وقت میں پاکستان کی مدد کی، 2010 اور 2022 کے سیلاب کے بعد رجب طیب اردوان نے پاکستان کا دورہ کیا اور امداد بھی بھیجی۔
انہوں نے کہاکہ انقرہ میں شاندار استقبال پر ترکیہ کا مشکور ہوں، ترک صدر سے مل کر دلی خوشی ہوئی، رجب طیب اردوان نے مشکل وقت میں جو کیا وہ پاکستان کے عوام نہیں بھولیں گے۔
وزیراعظم شہباز شریف نے مزید کہاکہ انسداد دہشتگردی کے لیے ترکیہ کے تعاون کے مشکور ہیں۔ وقت آگیا ہے کہ دہشتگردی کے خلاتف مشترکہ کوششیں شروع کی جائیں۔
انہوں نے مزید کہاکہ ہم غزہ میں فوری جنگ بندی کا مطالبہ کرتے ہیں، پاکستان 50 ہزار سے زیادہ معصوم جانوں کے ضیاع کی شدید مذمت کرتا ہے۔
اس موقع پر ترکیہ کے صدر رجب طیب اردوان نے کہاکہ دہشتگردی کے خاتمے کے لیے پاکستان کی کوششوں کی حمایت کرتے ہیں۔
انہوں نے کہاکہ ہم وزیراعظم پاکستان شہباز شریف کو ترکیہ میں خوش آمدید کہتے ہیں، باہمی رابطے مضبوط دوستی کی علامت ہیں۔
رجب طیب اردوان نے کہاکہ عالمی امور پر دونوں ممالک میں ہم آہنگی ہے، ہم دفاعی شعبے میں مشترکہ منصوبے شروع کرنا چاہتے ہیں۔
انہوں نے کہاکہ دونوں ممالک آزاد اور خود مختار فلسطینی ریاست کی حمایت کرتے ہیں، فلسطین کی آزادی کے لیے ہماری کوششیں جاری رہیں گی۔
یہ بھی پڑھیں پاکستان اور ترکیہ کا قومی مفاد کے بنیادی مسائل پر ایک دوسرے کی حمایت کے عزم کا اعادہ
انہوں نے مزید کہاکہ ترکیہ اپنے بھائی پاکستان کی ہرممکن مدد اور تعاون کے لیے تیار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان ترکیہ تعاون پر اتفاق رجب طیب اردوان مشترکہ پریس کانفرنس ملاقات وی نیوز
ملک کے مختلف علاقوں میں آج اور کل شدید بارش، ژالہ باری کا امکان