عید الفطر کا دن اللہ تعالیٰ کی عبادت اور بندگی کے انعام کا دن ہے، علامہ مقصود ڈومکی
اشاعت کی تاریخ: 31st, March 2025 GMT
جیکب آباد میں عید الفطر کے اجتماع سے خطاب کرتے ہوئے علامہ مقصود ڈومکی نے کہا کہ ہم عید کے دن یمن، فلسطین اور لبنان کے مظلوم عوام کیساتھ یکجہتی کرتے ہیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ عید الفطر کے دن فرشتے اللہ تعالیٰ کے حکم سے نازل ہو کر اپنے خدا کے صالح عبادت گذار بندوں کو تحفے اور ہدایہ پیش کرتے ہیں۔ عید الفطر کا دن اللہ تعالیٰ کی عبادت اور بندگی کے انعام کا دن ہے۔ ہم آج کے دن ولی اللہ الاعظم حضرت امام زمانہ علیہ السلام سے تجدید عہد اور تجدید بیعت کرتے ہیں۔ مرکزی امام بارگاہ جیکب آباد میں نماز عید الفطر کے اجتماع سے خطاب کرتے ہوئے انہوں نے کہا کہ ہم عید کے دن فلسطین کے مظلوم عوام سے یکجہتی کا اظہار کرتے ہیں۔ یمن فلسطین اور لبنان کے مظلوم عوام کے ساتھ یکجہتی کرتے ہیں، جنہوں نے غاصب اسرائیل کے مظالم کا جوان مردی سے مقابلہ کیا ہے۔
انہوں نے کہا کہ آج پوری دنیا کے غیرت مند عوام غزہ اور فلسطین کے ساتھ کھڑے ہیں اور فلسطینیوں کے صبر و استقامت کو پوری دنیا سلام پیش کر رہی ہے۔ انہوں نے کہا کہ سندھ کے سات کروڑ عوام کینالز کے خلاف سراپا احتجاج ہیں۔ مگر کوئی عوام کی آواز سننے کے لئے تیار نہیں ہے۔ نون لیگ کی وفاقی حکومت صوبوں کے عوام کے درمیان نفرت اور لسانی تعصب کو ہوا دے رہی ہے۔ پیپلز پارٹی کو بھی چاہئے کہ وہ دوھری پالیسی چھوڑ کر سندھ کے عوام کے شانہ بشانہ کھڑی ہو اور وفاقی حکومت سے مطالبہ کرے کہ اگر ناجائز کینالز کا کام بند نہیں کیا جاتا تو پیپلز پارٹی حکومت سے الگ ہو جائے گی۔ سندھ کے عوام یہ سمجھتے ہیں کہ پیپلز پارٹی کینالز کے معاملے پر منافقانہ کردار ادا کر رہی ہے۔
ذریعہ: Islam Times
کلیدی لفظ: عید الفطر نے کہا کہ کرتے ہیں
پڑھیں:
نیب کیسز کھلنے کی دیر ہے، پھر کوئی ایک وزیر بھی پاکستان میں نہیں ہوگا، فاروق ستار
میڈیا سے گفتگو کرتے ہوئے سینئر ایم کیو ایم رہنما نے کہا کہ صوبائی حکومت کراچی کو اپنانے کو تیار ہی نہیں، آپ کا رویہ بتا رہا ہے کہ کراچی سندھ کا حصہ نہیں، لوگوں کو دیوار سے لگا کر سندھ کو کیوں تقسیم کیا جا رہا ہے، ابھی میٹرک کا امتحانی نتیجہ آنے والا ہے پھر کوئی نئی کہانی شروع ہوگی۔ اسلام ٹائمز۔ ایم کیو ایم پاکستان کے سینئر رہنما فاروق ستار نے کہاہے کہ نیب کیسز کھلنے کی دیر ہے پھر کوئی ایک وزیر پاکستان میں نہیں ہوگا۔ کراچی میں میڈیا سے گفتگو کرتے ہوئے متحدہ قومی موومنٹ پاکستان کے سینئر رہنما ڈاکٹر فاروق ستار نے سندھ حکومت پر کڑی تنقید کرتے ہوئے کہا کہ سب پر نیب کے کیسز بنے ہوئے ہیں، صرف یہ کیسز کھلنے کی دیر ہے، پھر کوئی ایک وزیر پاکستان میں نظر نہیں آئے گا۔ انہوں نے کہاکہ صوبائی حکومت کراچی کو اپنانے کو تیار ہی نہیں، آپ کا رویہ بتا رہا ہے کہ کراچی سندھ کا حصہ نہیں، لوگوں کو دیوار سے لگا کر سندھ کو کیوں تقسیم کیا جا رہا ہے، ابھی میٹرک کا امتحانی نتیجہ آنے والا ہے پھر کوئی نئی کہانی شروع ہوگی۔
ایم کیو ایم رہنما نے کہاکہ کورنگی میں 6 ماہ میں ڈکیتی اور بد امنی کی وجہ سے 50 شہری جان سے جا چکے، صوبائی حکومت اور انتظامیہ کی لاتعلقی پر سخت مذمت کرتے ہیں۔ فاروق ستار نے انتظامیہ پر مافیا کے ساتھ مل کر ڈاکووں کی سرپرستی کرنے کا الزام عائد کرتے ہوئے کہا کہ ڈاکووں نے شہری سے موبائل چھینا اور اس کے بعد گولی چلا کر زندگی کا خاتمہ بھی کر دیا۔ انہوں نے کہا کہ سندھ حکومت نے میئر شپ بھی چھینی ہوئی ہے جب کہ میئر کراچی کہتے ہیں کہ ٹاون ہماری ذمہ داری نہیں، تو کیا مرتضی وہاب کی ذمہ داری صرف پارک بنانا ہے۔ ایم کیو ایم رہنما نے کہا کہ لیاری واقعہ کی آڑ میں کراچی کی عمارتوں کو زبردستی مخدوش فہرست میں ڈال کر لوگوں کو تنگ کیا جا رہا ہے ان عمارتوں کو نوٹس دے دیا گیا ہے۔
لاہور ہائیکورٹ کا رات 12 بجے کے بعد ریسٹورنٹس کھلے رکھنے والوں کے خلاف کارروائی کا حکم