شام کی صورتحال پر فرانسوی صدر اور ابو محمد الجولانی کے درمیان رابطہ
اشاعت کی تاریخ: 27th, July 2025 GMT
امانوئل میکرون سے اپنی ایک ٹیلیفونک گفتگو میں شام پر قابض گروہ کے سربراہ کا کہنا تھا کہ بیرونی قوتوں، خاص طور پر اسرائیل کیجانب سے اس صورتحال سے ناجائز فائدہ اٹھانے یا شام کے اندرونی معاملات میں مداخلت کی کوئی بھی کوشش قطعاً قبول نہیں ہو گی۔ اسلام ٹائمز۔ فرانس کے صدر "امانوئل میکرون" اور شام پر قابض گروہ کے سربراہ "احمد الشرع" المعروف "ابو محمد الجولانی" کے درمیان ٹیلیفونک رابطہ ہوا۔ جس میں شام کی تازہ ترین صورت حال، ملک میں استحکام اور مسائل کے سیاسی حل کا جائزہ لیا گیا۔ اس کے علاوہ علاقائی و بین الاقوامی مسائل بھی اس گفتگو کا حصہ رہے۔ اس موقع پر امانوئل میکرون نے کہا کہ پیرس، دمشق کی وحدت، خودمختاری اور سالمیت کے تحفظ کے لئے پُرعزم ہے۔ انہوں نے کہا کہ مستحکم شام ایک علاقائی ضرورت اور انسانی ترجیح ہے۔ انہوں نے اسرائیل کی جانب سے حالیہ کشیدگی میں اضافے اور شام کی خودمختاری کی مسلسل خلاف ورزی کی سختی سے مذمت کی۔ امانوئل میکرون نے شام کی علاقائی وحدت پر زور دیتے ہوئے کہا کہ ہتھیاروں کا کنٹرول صرف حکومت کے پاس ہونا چاہئے۔ انہوں نے بین الاقوامی عناصر سے مطالبہ کیا کہ وہ شام کے معاملات میں منفی مداخلت سے گریز کریں۔ فرانسوی صدر نے اس بات کا یقین دلایا کہ وہ شام کی تعمیر نو اور بہتری کے مرحلے میں مدد کے لیے تیار ہیں۔ جس میں تکنیکی اور انسانی امداد، نیز فرانسیسی پرائیویٹ سیکٹر کو بتدریج شام کی مارکیٹ میں واپس آنے کی ترغیب شامل ہے۔
دوسری جانب ابو محمد الجولانی کے نام سے شہرت پانے والے احمد الشرع نے شامی عوام کے تحفظ، خود مختاری اور استحکام کے حق میں فرانس کے متوازن و حمایتی موقف کو سراہا۔ انہوں نے حالیہ صوبہ سویداء کے واقعات کا حوالہ دیتے ہوئے کہا کہ وہاں جو کچھ ہوا وہ غیرقانونی مسلح گروہوں کی قیادت میں امن و امان کی خرابی کا نتیجہ ہے، جو حکومت کے خلاف بغاوت کرتے ہیں اور طاقت کے ذریعے اثر و رسوخ حاصل کرنا چاہتے ہیں۔ انہوں نے کہا کہ حکومت اس صورت حال کو جاری رہنے کی اجازت نہیں دے گی۔ حکومت اس خطے میں امن کی بحالی، مجرموں کے ٹرائل اور سرکاری اداروں کو فعال بنانے کی ذمہ داری پوری طرح اٹھائے گی۔ انہوں نے اس بات پر زور دیا کہ بیرونی قوتوں، خاص طور پر اسرائیل کی جانب سے اس صورتحال سے ناجائز فائدہ اٹھانے یا شام کے اندرونی معاملات میں مداخلت کی کوئی بھی کوشش قطعاً قبول نہیں ہو گی۔ گفتگو کے اختتام پر دونوں فریقین نے اتفاق کیا کہ وہ باہمی رابطے جاری رکھیں گے۔ شام کی خودمختاری اور عوام کے مفادات کے پیش نظر انسانی، معاشی اور سیاسی مسائل کو حل کرنے کے لیے مشترکہ بات چیت کے راستے کھلے رکھیں گے۔
ذریعہ: Islam Times
کلیدی لفظ: امانوئل میکرون انہوں نے شام کی کہا کہ
پڑھیں:
حکومت سیلاب اور ہنگامی صورتحال میں ہرممکن ریلیف کی فراہمی کیلیے کوشاں ہے، شرجیل میمن
کراچی:وزیر اطلاعات سندھ شرجیل انعام میمن نے کہا ہے کہ حکومت قدرتی آفات اور ہنگامی حالات میں عوام کو ہر ممکن ریلیف فراہم کرنے کے لیے دن رات سرگرم ہے، متاثرہ افراد کو اکیلا نہیں چھوڑا جائے گا۔
اپنے بیان میں انہوں نے کہا کہ ریلیف آپریشن کے دوران متاثرین کو نہ صرف محفوظ مقامات پر منتقل کیا جا رہا ہے بلکہ ان کے کھانے پینے، علاج معالجے اور مویشیوں کی دیکھ بھال کا بھی مکمل انتظام کیا گیا ہے۔
شرجیل میمن نے بتایا کہ لگڈو اور سکھر پر اونچے درجے جبکہ کوٹری بیراج پر نچلے درجے کا سیلاب ہے۔ گڈو بیراج پر پانی کی آمد 6 لاکھ 24 ہزار 456 اور اخراج 5 لاکھ 94 ہزار 936 کیوسک، سکھر پر آمد 5 لاکھ 60 ہزار 890 اور اخراج 5 لاکھ 8 ہزار 830 کیوسک جبکہ کوٹری پر آمد 2 لاکھ 84 ہزار 325 اور اخراج 2 لاکھ 73 ہزار 170 کیوسک ریکارڈ کیا گیا ہے۔
گزشتہ 24 گھنٹوں کے دوران 3 ہزار 522 افراد کو محفوظ مقامات پر منتقل کیا گیا، یوں اب تک منتقل ہونے والوں کی کل تعداد ایک لاکھ 73 ہزار 27 ہو چکی ہے، جن میں سے 469 افراد اب بھی ریلیف کیمپس میں مقیم ہیں۔
وزیر اطلاعات نے مزید کہا کہ صوبے میں 183 فکسڈ اور موبائل ہیلتھ سائٹس کام کر رہی ہیں جہاں گزشتہ روز 4 ہزار 174 سے زائد مریضوں کا علاج کیا گیا، اس طرح مجموعی طور پر اب تک 92 ہزار 958 افراد علاج کی سہولت حاصل کر چکے ہیں۔
انہوں نے مزید بتایا کہ حکومت سندھ نے لائیو اسٹاک کے تحفظ کے لیے بھی اقدامات کیے ہیں، گزشتہ روز 3 ہزار 192 مویشی محفوظ مقامات پر منتقل کیے گئے، جس کے بعد اب تک 4 لاکھ 50 ہزار 571 مویشیوں کو محفوظ کیا جا چکا ہے۔ اسی دوران 39 ہزار 589 مویشیوں کو ویکسین اور طبی سہولیات فراہم کی گئیں جبکہ مجموعی طور پر اب تک 13 لاکھ 5 ہزار 573 مویشیوں کا علاج اور ویکسینیشن کیا جا چکا ہے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان