صدر آصف زرداری کورونا میں مبتلا، انہیں آئیسولیشن میں رکھا گیا ہے، ذاتی معالج
اشاعت کی تاریخ: 3rd, April 2025 GMT
کراچی(نیوز ڈیسک)صدر مملکت آصف علی زرداری کورونا میں مبتلا ہیں اور انہیں آئیسولیشن میں رکھا گیا ہے۔نجی چینل کے مطابق آصف علی زرداری کے ذاتی معالج ڈاکٹر عاصم حسین نے بتایا کہ مختلف ٹیسٹوں کے بعد اس بات کی تصدیق ہوئی ہے کہ صدر مملکت کورونا میں مبتلا ہیں اور انہیں اس وقت آئیسولیشن میں رہنے کا مشورہ دیا گیا ہے۔
انہوں نے کہا کہ ماہرین کی ایک ٹیم ان کی دیکھ بھال کر رہی اور صدر مملکت کی حالت بہتر ہے۔
قبل ازیں، صدر مملکت آصف علی زرداری کو بخار اور انفیکشن کے باعث کراچی کے ہسپتال میں داخل کرا دیا گیا۔
نجی چینل کے مطابق ہسپتال ذرائع کا کہنا ہے کہ صدر آصف علی زرداری کا کراچی کے نجی ہسپتال میں علاج جاری ہے اور وہ بخار اور انفیکشن میں مبتلا ہیں۔
تاہم ذرائع نے کہا کہ صدر آصف زرداری کی طبیعت اب بہتر ہے۔
دوسری جانب سماجی رابطے کی ویب سائٹ ’ایکس‘ پر جاری پیغام میں وزیر اطلاعات سندھ شرجیل میمن نے صدر مملکت کو دبئی منتقل کرنے کی خبروں کی تردید کرتے ہوئے کہا کہ ’صدر مملکت آصف علی زرداری کی طبیعت بہتر ہو رہی ہے، ان شااللہ وہ جلد ہی مکمل صحتیاب ہوں گے۔‘
واضح رہے کہ صدر آصف علی زرداری کو گزشتہ روز طبیعت ناساز ہونے پر نوابشاہ سے کراچی منتقل کردیا گیا تھا۔
صدر مملکت انفیکشن اور بخار میں مبتلا ہونے کے باعث زرداری ہاؤس نوابشاہ میں پارٹی کارکنوں اور رہنماؤں عید بھی نہیں مل سکے تھے۔
صدر مملکت کی جلد شفایابی کیلئے دعائیں
وزیر اعظم شہباز شریف نے صدر مملکت آصف علی زرداری کی جلد شفایابی کی دعا کی۔
نجی چینل کے مطابق وزیراعظم نے صدر مملکت کی صحت سے متعلق اظہارِ تشویش کیا، ان کا کہنا تھا کہ صدر آصف علی زرداری کی جلد صحتیابی کے لیے قوم دعا کرے۔
شہباز شریف نے صدر مملکت کو بہترین طبی سہولیات فراہم کرنے کی ہدایت کی۔
اسپیکر قومی اسمبلی ایاز صادق نے صدر مملکت آصف علی زرداری سے رابطہ کیا، انہوں نے صدر مملکت کی خیریت دریافت کی۔
اسپیکر قومی اسمبلی ایاز صادق نے صدر مملکت کے لیے نیک تمناؤں کا اظہار اور جلد صحتیابی کی دعا کی۔
ایاز صادق کا کہنا تھا کہ اللہ تعالی آپکو جلد صحت کاملہ عطاء کریں۔
دریں اثنا، گورنر پنجاب سردار سلیم حیدر خان نے صدر مملکت آصف علی زرداری کی صحت سے متعلق اظہار تشویش کیا، انہوں نے آصف علی زرداری کی جلد صحتیابی کے لیے دعا اورنیک تمنائوں کا اظہار کیا۔
ادھر، نواب شاہ میں صحافیوں نے صدرپاکستان آصف علی زرداری کی صحت یابی کےلیے دعائیہ تقریب منعقد کی۔
نواب شاہ پریس کلب میں آصف علی زرداری کی درازئی عمر کے لیے بھی خصوصی دعائیں کی گئیں۔
بجلی کی قیمتوں بارے وزیراعظم آج اہم اعلان کرینگے
.ذریعہ: Daily Ausaf
کلیدی لفظ: صدر مملکت ا صف علی زرداری ا صف علی زرداری کی نے صدر مملکت صدر مملکت کی کہ صدر ا صف زرداری کو میں مبتلا کی جلد کے لیے
پڑھیں:
سول اسپتال کراچی میں پولیس کا چھاپہ، زخمی حالت میں 2 ملزمان گرفتار
ملزمان سول اسپتال میں علاج کیلئے پہنچے، جہاں انہوں نے عملے کو بتایا کہ انہیں بلدیہ میں ڈکیتی مزاحمت کے دوران گولیاں لگیں۔ اسلام ٹائمز۔ شہر قائد کے علاقے سائٹ ایریا میں پولیس مقابلے کے بعد فرار ہونے والے 2 زخمی ملزمان کو کیماڑی پولیس نے سول اسپتال کراچی سے گرفتار کر لیا۔ ایس ایس پی کیماڑی فیضان علی کے مطابق دونوں ملزمان سائٹ ایریا میں شہریوں سے لوٹ مار کر رہے تھے، جس پر پولیس موقع پر پہنچی اور مقابلہ ہوا۔ ملزمان کی فائرنگ سے ایک پولیس اہلکار زخمی ہوا، جبکہ جوابی فائرنگ میں دونوں ملزمان زخمی حالت میں فرار ہو گئے۔ ملزمان سول اسپتال میں علاج کیلئے پہنچے، جہاں انہوں نے عملے کو بتایا کہ انہیں بلدیہ میں ڈکیتی مزاحمت کے دوران گولیاں لگیں، تاہم پولیس اہلکاروں نے انہیں شناخت کر لیا اور اسپتال میں چھاپہ مار کر گرفتار کر لیا۔ ایس ایس پی کے مطابق گرفتار ملزمان پولیس کی فائرنگ سے زخمی ہوئے تھے اور فرار کے بعد سول اسپتال میں جھوٹا بیان دے کر داخل ہوئے۔
کرم، روحانی شخصیت سید حسن بادشاہ کی 41ویں برسی