حکومت مخالف تحریک کے امکانات
اشاعت کی تاریخ: 4th, April 2025 GMT
پی ٹی آئی سمیت حکومت مخالف جماعتوں کا دعویٰ ہے کہ عید کے بعد ان کا ایک مشترکہ گرینڈ الائنس سامنے آ جائے گاجو ایک بڑی سیاسی تحریک کا نقطہ آغاز بھی ہوگا۔پی ٹی آئی کے کچھ سیاسی رہنما اس نقطہ پر اتفاق کرتے ہیں کہ موجودہ صورتحال میں پی ٹی آئی مختلف ریاستی اور حکومتی جبر و پابندیوں کی وجہ سے سیاسی طور پر تن تنہا کوئی بڑی تحریک چلانے کی پوزیشن میں نہیں ہے اور اسے دیگر جماعتوں پر انحصار کرنا ہوگا۔
پی ٹی آئی نے سیاسی سرگرمیاں کرنے کی کوشش کی تو انھیں ناکامی کا سامنا کرنا پڑا۔ یہ ہی وجہ ہے کہ پی ٹی آئی میں شامل بہت سے لوگوں کا خیال ہے کہ اگر ہم نے عملی طور پر بڑی تحریک چلانی ہے تو دیگر سیاسی جماعتوں بالخصوص مولانا فضل الرحمان کی جے یو آئی اور جماعت اسلامی کو گرینڈ الائنس کا حصہ بنانا ہوگا۔اسی بنیاد پر پی ٹی آئی نے عید کے بعد ایک بڑے گرینڈ الائنس کا عندیہ دیا ہے بلکہ مکمل اتفاق ہو گیا ہے۔
پی ٹی آئی ماضی میں کیونکہ سولو فلائٹ کی سیاست کی حامی رہی ہے، اس لیے بہت سی سیاسی جماعتیں اس وقت بھی پی ٹی آئی کے ساتھ کسی بھی بڑے اتحاد کا حصہ بننے پر اپنے تحفظات رکھتی ہیں۔ مولانا فضل الرحمن اگرچہ اس وقت حکومت مخالف سیاست کا حصہ ہیں۔لیکن ان کا بھی اپنا موقف ہے کہ وہ اس وقت تک پی ٹی آئی کے ساتھ گرینڈ الائنس کا حصہ نہیں بنیں گے جب تک اس اتحاد کو مستقبل کے تناظر میں انتخابی اتحاد میں تبدیل نہ کیا جائے۔کیونکہ مولانا فضل الرحمن کو خیبرپختون خواہ میں پی ٹی آئی کے تناظر میں سخت مزاحمت کا سامنا ہے اور ان کی سیاسی و انتخابی پوزیشن کافی کمزور ہے۔
اس لیے مولانا فضل الرحمن چاہتے ہیں کہ عمران خان کا ساتھ اسی صورت میں دیا جائے جب مستقبل میں ان کے ساتھ انتخابی اتحاد ہو تاکہ ان کے ارکان پی ٹی آئی کی حمایت کے ساتھ پارلیمنٹ کا حصہ بن سکیں۔کیونکہ مولانا فضل الرحمن کو اندازہ ہے کہ اگر وہ صرف خود کو گرینڈ الائنس تک محدود رکھتے ہیں اور یہ اتحاد انتخابی اتحاد میں تبدیل نہیں ہوتا تو اس کا براہ راست فائدہ پی ٹی آئی کو ہوگا اور انھیں اگلے انتخابات میںایک بار پھر خیبر پختون خواہ میں سیاسی پسپائی کا سامنا کرنا پڑے گا۔جب کہ دوسری طرف حکومت کی پوری کوشش یہ ہی ہے کہ مولانا فضل الرحمن کو کسی بھی طور پر بانی تحریک انصاف کے ساتھ اتحاد کا حصہ نہ بننے دیا جائے۔
یہ ہی وجہ ہے کہ مولانا فضل الرحمن کے ساتھ حکومت بھی مسلسل رابطے میں ہے اور ان کو سیاسی طور پر رام کرنا چاہتی ہے۔مولانا فضل الرحمن کو گلہ ہے کہ دونوں بڑی سیاسی جماعتوں پیپلز پارٹی اور مسلم لیگ نون نے ان سے اقتدار کی شراکت کے فارمولے میں وعدہ خلافی کی ہے۔بہرحال مولانا فضل الرحمن اس وقت وکٹ کی دونوں طرف کھیل رہے ہیں اور جہاں ان کو سیاسی فائدہ ہوگا وہ اپنا فیصلہ ضرور اسی طرف کریں گے۔
وہ یہ بھی سمجھتے ہیں کہ اس وقت پی ٹی آئی کا ساتھ دینے کا مقصد اینٹی اسٹیبلشمنٹ سیاست ہے اور وہ ہمیشہ سے اسٹیبلشمنٹ سے ٹکراؤ کی بجائے مفاہمت کے ساتھ چلنے کے حامی رہے ہیں۔اس لیے دیکھنا ہوگا کہ مولانا فضل الرحمن حتمی فیصلہ کیا کرتے ہیں۔خود پی ٹی آئی میں بھی بالخصوص ووٹرز میں مولانا فضل الرحمن کی سیاست کے بارے میں اچھی رائے نہیں ہے اور نہ ہی ان کا ووٹر اس طرح کے انتخابی اتحاد کو قبول کرے گا اور نہ بانی پی ٹی آئی اس طرح کے انتخابی اتحاد کے حامی ہیں۔ ایسا کوئی واضح اشارہ ہمیں دیکھنے کو نہیں ملا کہ جماعت اسلامی اس گرینڈ الائنس کا حصہ ہوگی۔اگر جے یو آئی اور جماعت اسلامی گرینڈ الائنس کا بھی عملا حصہ نہیں بنتی تو پھر تحریک چلانے کے امکانات کم ہوں گے۔
بانی پی ٹی آئی کی سیاسی مقبولیت اپنی جگہ جب کہ کامیاب سیاسی تحریک چلانا ایک دوسری بات ہے۔ پی ٹی آئی کو اس وقت بڑے داخلی بحران کا سامنا ہے۔پی ٹی آئی میںکچھ لوگ اینٹی اسٹیبلشمنٹ ہیں تو ایک بڑا گروپ اسٹیبلشمنٹ کے ساتھ تعلقات بہتر بنا کر چلنے کا حامی ہے۔ پنجاب میں پی ٹی آئی کا تنظیمی ڈھانچہ بہت کمزور ہے اور اس کی بیشتر قیادت کارکنوں کو یکجا کرنے میں ناکامی سے دوچار ہے۔
اس لیے جب تک پنجاب سے کوئی بڑی تحریک شروع نہیں ہوگی تو پی ٹی آئی کو اس کا کوئی بڑا فائدہ نہیں پہنچ سکے گا۔پی ٹی آئی کو شدید مشکلات کا سامنا ہے۔جو کچھ اسٹیبلشمنٹ کے ساتھ پس پردہ پی ٹی آئی کی باہر بیٹھی قیادت کرنا چاہتی ہے اس میں بھی سب سے بڑی رکاوٹ خود بانی پی ٹی آئی ہیں۔ بانی پی ٹی آئی کو اندازہ ہے کہ اگر انھوں نے کسی بھی سطح پر سیاسی کمزوری کا مظاہرہ کیا یا کوئی ایسا سمجھوتہ کیا جو ان کے مزاحمتی موقف کے برعکس ہوا تو اس سے ان کو سیاسی نقصان سمیت عوامی مقبولیت میں بھی کمی کا سامنا کرنا پڑ سکتا ہے۔
اسی طرح اگر بانی پی ٹی آئی مزید جیل میں رہتے ہیں تو ان کی غیر موجودگی میں ایک بڑی سیاسی تحریک کے چلنے کے امکانات محدود ہیں۔ لیکن اگر وہ جیل سے باہر آتے ہیں تو سیاسی حالات اور عوامی طاقت کی لہر ان کے حق میں ہو سکتی ہے۔لیکن فوری طور پر ان کی رہائی کے امکانات بھی کم نظر آتے ہیں ۔
بانی پی ٹی آئی کے چار مطالبات ہیں اول، ملک کے نظام کو آئین و قانون کی حکمرانی کے تابع کیا جائے۔ دوئم، آٹھ فروری کے انتخابات کا سیاسی آڈٹ کیا جائے اور عدالتی کمیشن بنے یا نئے انتخابات کا راستہ اختیار کیا جائے۔سوئم ،نو مئی کے واقعات پر جوڈیشل کمیشن بنے ۔چہارم، پی ٹی آئی کے تمام سیاسی کارکنوں کی رہائی اور مقدمات کا خاتمہ شامل ہے۔
اب اگر پی ٹی آئی کو کسی بڑے بڑے گرینڈ الائنس کا حصہ بننا ہے تو اسے دیگر سیاسی جماعتوں کے مطالبات بھی سامنے رکھنے پڑیں گے۔حکومت کی پوری کوشش ہوگی کہ پی ٹی آئی یا گرینڈ الائنس کی ممکنہ سیاسی تحریک کو پیدا ہی نہ ہونے دیا جائے اور اس طرح کی تشکیل کو اپنی سیاسی حکمت عملیوں سے ناکام بنانا ان کی حکمت عملی کا حصہ ہوگا۔
.ذریعہ: Express News
کلیدی لفظ: مولانا فضل الرحمن کو کہ مولانا فضل الرحمن گرینڈ الائنس کا حصہ بانی پی ٹی ا ئی انتخابی اتحاد پی ٹی آئی کو سیاسی تحریک پی ٹی آئی کے کے امکانات کیا جائے کا سامنا کے ساتھ ہے اور اس لیے
پڑھیں:
5اگست کے احتجاج کا کوئی مومینٹم نظر نہیں آرہا،جس نے پارٹی میں گروہ بندی کی اسے نکال دوں گا،عمران خان
راولپنڈی(نیوز ڈیسک) سابق وزیراعظم عمران خان نے اڈیالہ جیل سے اپنے پیغام میں کہا ہے کہ انہیں ابھی تک 5 اگست کے احتجاج کا کوئی مومینٹم نظر نہیں آرہا۔ انہوں نے واضح کیا ہے کہ پارٹی میں جس نے بھی گروہ بندی کی اسے میں پارٹی سے نکال دوں گا۔
سماجی رابطوں کی ویب سائٹ ایکس پر عمران خان کے اکاؤنٹ سے ایک ٹوئٹ پوسٹ کی گئی ہے۔ جس میں لکھا گیا ہے کہ سابق وزیراعظم عمران خان کا اڈیالہ جیل سے اہم پیغام!!! پاکستان کی تاریخ میں کسی سیاسی شخصیت کے ساتھ ایسا سلوک نہیں کیا گیا جیسا میرے ساتھ کیا جا رہا ہے۔ نواز شریف نے اربوں کی کرپشن کی مگر اسے ہر سہولت کے ساتھ جیل میں رکھا گیا۔کسی سیاسی رہنما کی بے گناہ غیر سیاسی اہلیہ کو کبھی ایسے جیل میں نہیں ڈالا گیا جیسے بشرٰی بیگم کے ساتھ کیا گیا ہے۔ میں صرف اور صرف اپنی قوم اور آئین کی بالادستی کے لیے ملکی تاریخ کی مشکل ترین جیل کاٹ رہا ہوں۔
سابق وزیراعظم عمران خان کا اڈیالہ جیل سے اہم پیغام!!! (۲۲ جولائی ۲۰۲۵)
پاکستان کی تاریخ میں کسی سیاسی شخصیت کے ساتھ ایسا سلوک نہیں کیا گیا جیسا میرے ساتھ کیا جا رہا ہے۔ نواز شریف نے اربوں کی کرپشن کی مگر اسے ہر سہولت کے ساتھ جیل میں رکھا گیا۔کسی سیاسی رہنما کی بے گناہ غیر سیاسی…
— Imran Khan (@ImranKhanPTI) July 23, 2025
جبر و فسطائیت کا عالم یہ ہے کہ مجھے وضو کے لیے جو پانی دیا جاتا ہے وہ تک گندہ ہوتا ہے اور اس میں مٹی ملی ہوتی ہے، جس سے کوئی انسان وضو نہیں کر سکتا۔ میری کتابیں جو اہل خانہ کی جانب سے جیل حکام تک پہنچائی جاتی ہیں وہ بھی کئی ماہ سے نہیں دی گئیں، ٹی وی اور اخبار بھی بند ہے۔ بار بار پرانی کتب کا مطالعہ کر کے میں وقت گزارتا رہا ہوں مگر اب وہ سب ختم ہو چکی ہیں۔ میرے تمام بنیادی انسانی حقوق پامال ہیں۔
قانون اور جیل مینول کے مطابق ایک عام قیدی والی سہولیات بھی مجھے میسر نہیں ہیں۔ بار بار درخواست کے باوجود میری میرے بچوں سے بات نہیں کروائی جا رہی۔ میری سیاسی ملاقاتوں پر بھی پابندی اور ہے صرف “اپنی مرضی” کے بندوں سے ملوا دیتے ہیں اور دیگر ملاقاتیں بند ہیں۔
میں واضح پیغام دینا چاہتا ہوں کہ اس وقت پارٹی کا ہر فرد اپنے تمام اختلافات فوری طور پر بھلا کر صرف اور صرف پانچ اگست کی تحریک پر توجہ مرکوز رکھے۔ مجھے فلحال اس تحریک کا کوئی مومینٹم نظر نہیں آ رہا۔ میں 78 سالہ نظام کے خلاف جنگ لڑ رہا ہوں، جس میں میری کامیابی یہی ہے کہ عوام تمام تر ظلم کے باوجود میرے ساتھ کھڑی ہے۔ 8 فروری کو عوام نے بغیر نشان کے جس طرح تحریک انصاف پر اعتماد کر کے آپ لوگوں کو ووٹ دئیے اس کے بعد سب کا فرض بنتا ہے کہ عوام کی آواز بنیں۔
اگر اس وقت تحریک انصاف کے ارکان آپسی اختلافات میں پڑ کر وقت ضائع کریں گے تو یہ انتہائی افسوسناک اور قابل سرزنش عمل ہے۔ پارٹی میں جس نے بھی گروہ بندی کی اسے میں پارٹی سے نکال دوں گا۔ میں اپنی نسلوں کے مستقبل کی جنگ لڑ رہا ہوں اور اس کے لیے قربانیاں دے رہا ہوں ایسے میں پارٹی میں اختلافات پیدا کرنا میرے مقصد اور ویژن کو نقصان پہنچانے کے مترادف ہے۔
فارم 47 کی حکومت نے چھبیسویں ترمیم کے ذریعے عدلیہ کے ہاتھ پاؤں باندھ کر اسے مفلوج کر دیا ہے۔ چھبیسویں ترمیم والی عدالتوں سے ٹاوٹ ججوں کے ذریعے جیسے سیاہ فیصلے آ رہے ہیں وہ آپ سب کے سامنے ہیں۔ ہمیں عدلیہ کو آزاد کروانے کے لیے اپنی بھر پور جدوجہد کرنی ہو گی کیونکہ عدلیہ کی آزادی کے بغیر کسی ملک و قوم کی بقاء ممکن ہی نہیں ہے۔
Post Views: 7
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ