اداکارہ نرگس نازیبا تصاویر کیس؛ عدالت نے نگار چوہدری کو ریلیف دے دیا
اشاعت کی تاریخ: 7th, April 2025 GMT
لاہور ہائیکورٹ نے اداکارہ نرگس نازیبا تصاویر کیس میں نامزد نگار چوہدری کی عبوری ضمانت میں توسیع کردی۔
رپورٹ کے مطابق فلم اسٹار نرگس کی بے باک تصاویر سوشل میڈیا پر اپلوڈ کرنے سے متعلق کیس میں اداکارہ نگار چوہدری کی درخواست ضمانت پر سماعت ہوئی۔
جسٹس فاروق حیدر نے اداکارہ یاسمین تبسم عرف نگار چوہدری کی درخواست ضمانت پر سماعت کی، درخواست گزار کی جانب سے استدعا کی گئی کہ نگار چوہدری کی عبوری ضمانت کنفرم کی جائے۔
عدالت نے نگار چوہدری کی عبوری ضمانت میں 18 اپریل تک توسیع کرتے ہوئے اگلی سماعت پر فرنزک رپورٹ طلب کر لی۔
سرکاری وکیل نے فرنزک رپورٹ پیش کرنے کے لیے مہلت مانگی لی۔ سرکاری وکیل نے کہا کہ نگار چوہدری کی آواز اور ویڈی فرنزک کے لیے بھجوا دی گئی ہے۔ عدالت میں ڈپٹی ڈائریکٹر سابئر کرائم بھی ریکارڈ سمیت پیش ہوئے۔
.
ذریعہ: Express News
پڑھیں:
190عمران خان بشریٰ بی بی کی سزا معطلی کی درخواست: نیب کو اسپیشل پراسکیوٹر تعینات کرنے کی مہلت
اسلام آباد ہائی کورٹ نے عمران خان اور بشریٰ بی بی کے خلاف 190ملین پاؤنڈ کیس میں بانی پی ٹی آئی اور سابق خاتون اول کی سزا معطلی کی درخواستوں پر سماعت کے دوران نیب اسپیشل پراسکیوٹر تعینات کرنے کا حکم دیتے ہوئےکیس کی سماعت 11 جون تک ملتوی کردی۔
اسلام آباد ہائی کورٹ میں عمران خان اور بشریٰ بی بی کے خلاف 190 ملین پاؤنڈ کیس میں بانی پی ٹی آئی اور سابق خاتون اول کی سزا معطلی کی درخواستوں پر سماعت ہوئی، قائم مقام چیف جسٹس سردار سرفراز ڈوگر اور جسٹس محمد آصف نے سماعت کی۔
بیرسٹر سلمان صفدر عدالت میں پیش ہوئے اور مؤقف اپنایا کہ سزا معطلی کی درخواستوں پر سماعت پے، منتیں مرادوں اور دعاؤں کے بعد آج کی تاریخ ملی ہے، آج کہ تاریخ ہمیں آسانی سے نہیں ملی۔
اسپیشل پراسکیوٹر نیب رافع مقصود عدالت میں پیش ہوئے، بیرسٹر سلمان صفدر نے کہا کہ توشہ خانہ ون، توشہ خانہ ٹو اور اب 190 ملین پاؤنڈ کیس بنایا گیا ہے۔
بانی پی ٹی آئی کیخلاف 300 سے زائد مقدمات قائم کئے گئے ہیں، ٹرائل کورٹ سے سزا ہوئی ہائی کورٹ سے استغاثہ نے کہا ٹھیک نہیں ہوئی معطل کردی جاتی ہے۔
بیرسٹر سلمان صفدر نے کہا کہ فیصلوں کا کسی کو معلوم نہیں ہوتا صرف جج کو معلوم نہیں ہوتا، یہ کیسے فیصلے ہیں جس میں 6 ماہ سے میاں بیوی کو اندر رکھا ہوا ہے۔
نیب پراسیکیوٹر نے کہا کہ اس عدالت کا بڑا قیمتی وقت ہے آپ میری بات سن لیں، میں نے ابھی کچھ نہیں کہا ہے۔
نیب پراسیکیوٹر نے کہا کہ میری گزارش ہے اس کیس میں وفاقی حکومت نے اسپیشل پراسکیوٹر تعینات کیا تھا، ابھی فیڈرل حکومت نے کوئی بھی پراسکیوٹر جنرل تعینات نہیں کیا، مجھے گزشتہ رات اس کیس کا پتا چلا، مجھے نوٹس رات کو ملا۔
نیب نے عدالت سے وقت مانگ لیا، نیب پراسکیوٹر نے کہا کہ ہمیں کل نوٹس ملا ہے وقت دے دیں ،بیرسٹر سلمان صفدر نے استدلال کیا کہ بانی پی ٹی آئی کیخلاف اسپیشل ٹیم لانا چاہتے ہیں لائیں ہم نہیں گھبراتے۔
نیب پراسکیوٹر نے استدعا کی کہ چار ہفتوں کا وقت دے دیں، قائم مقام چیف جسٹس نے کہا کہ آپ نے پراسکیوشن ٹیم کا نوٹیفکیشن لینا ہے تو سات دن کا وقت لے لیں ، نیب پراسکیوٹر رافع مقصود نے کہا کہ وزارت قانون سے خط و کتابت ہونی ہے چار ہفتوں کا وقت دے دیں۔
لطیف کھوسہ نے کہا کہ بانی پی ٹی آئی بغیر کسی ثبوت کے جیل میں ہیں، بانی پی ٹی آئی نہ بیرون ملک جائیں گے نہ ہی ریکارڈ ٹمپر کرنے کا خطرہ ہے۔
عدالت نے کہا کہ ان کو لیگل ٹیم نوٹیفائی کرنے کا وقت دے دیں، عدالت نے نیب پراسکیوشن ٹیم 7 دن میں نوٹیفائی کرنے کی ہدایت کی، نیب پراسکیوٹر نے کہا کہ ہمیں چودہ دن کا وقت دے دیں۔
بیرسٹر سلمان صفدر نے مہلت کی مخالفت کرتے ہوئے مؤقف اپنایا کہ پھر چاہیں تو انہیں چار سال دے دیں، عدالت نے 11 جون تک نیب اسپیشل پراسکیوٹر تعینات کرنے کا حکم دیتے ہوئےکیس کی سماعت 11 جون تک ملتوی کردی۔
https://www.youtube.com/watch?v=4n0ks2StADQ
علامہ راجہ ناصر عباس نے وحدت یوتھ پاکستان کی 10 رکنی مجلس نظارت کا اعلان کردیا