حماس نے غزہ کی انتظامی کمیٹی کیلئے مصر کو 45 نام ارسال کر دئیے
اشاعت کی تاریخ: 30th, October 2025 GMT
اپنے ایک بیان میں طاہر النونو کا کہنا تھا کہ ان میں سے کسی بھی نام پر اتفاق ہوتا ہے تو ہم اس کا خیرمقدم کریں گے۔ ہمیں ان ناموں پر پورا اعتماد ہے۔ اسلام ٹائمز۔ فلسطین کی مقاومتی تحریک "حماس" کے میڈیا مشیر "طاہر النونو" نے خبر دی كہ حماس نے غزہ پٹی کی انتظامی کمیٹی کے قیام کے لئے 45 امیدواروں کی فہرست، مصر کو ارسال کر دی۔ انہوں نے کہا کہ ہم نے مصر میں اپنے بھائیوں کے سامنے 45 نام پیش کئے تاکہ وہ غزہ پٹی کی انتظامی کمیٹی کی ذمہ داری سنبھالیں۔ ان میں سے کسی بھی نام پر اتفاق ہوتا ہے تو ہم اس کا خیرمقدم کریں گے۔ ہمیں ان ناموں پر پورا اعتماد ہے۔ طاہر النونو نے وضاحت کی کہ یہ نام فلسطینی گروہوں کے باہمی اتفاق سے طے کئے گئے ہیں۔ ارسال کئے گئے یہ نام غزہ پٹی کے آزاد اور مقامی افراد میں سے ہیں۔ ان میں سے کسی بھی فرد کی، کسی جماعت سے سیاسی وابستگی نہیں اور یہ سب غزہ کے مفادات کے خیرخواہ ہیں۔ سب کا مشترکہ مقصد، عوام کے مفادات اور غزہ کے مستقبل کا تحفظ ہے۔
واضح رہے کہ غزہ انتظامی کمیٹی، ایک ایسا عارضی ادارہ ہے جو غزہ پٹی میں گزشتہ دو سالہ جنگ کے بعد روزمرہ امور، امدادی کارروائیوں اور تعمیر نو کے مقاصد کے لئے قائم کیا جا رہا ہے۔ یہ کمیٹی، غزہ کی مقامی اور غیر سیاسی شخصیات پر مشتمل ہوگی جسے فلسطینی گروہوں کے باہمی اتفاق اور مصر کی ثالثی میں متعارف کرایا گیا ہے۔ اس کمیٹی کے بنیادی فرائض میں سرکاری انتظامات، بین الاقوامی اداروں کے ساتھ تعاون اور نظم و ضبط برقرار رکھنا شامل ہیں۔ اس کی قانونی حیثیت، خود مختار فلسطینی اتھارٹی کی ہوگی اور اس کا کام فلسطینی اتھارٹی کے صدر کے سرکاری حکم نامے سے شروع ہوگا۔ اس ڈھانچے کا مقصد سیاسی کشیدگی کو کم کرنا اور غزہ کے عوام کی فوری ضروریات پر توجہ مرکوز کرنا ہے۔
ذریعہ
ذریعہ: Islam Times
کلیدی لفظ: انتظامی کمیٹی غزہ پٹی
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی