لاہور سمیت پنجاب بھر سے 5020 غیر قانونی مقیم تارکین ڈی پورٹ
اشاعت کی تاریخ: 8th, April 2025 GMT
لاہور:
پنجاب پولیس نے لاہور سمیت صوبہ بھر میں غیر قانونی طور پر مقیم 5020 افراد کو ڈی پورٹ کر دیا ہے۔
ترجمان پنجاب پولیس کے مطابق مہم کے دوران 7672 سے زائد غیر قانونی مقیم باشندوں کو ہولڈنگ سنٹرز منتقل کیا گیا ہے جن میں سے 2652 افراد اب بھی ہولڈنگ پوائنٹس پر موجود ہیں۔
لاہور میں 5 اور صوبہ بھر میں 46 ہولڈنگ سنٹرز قائم کیے گئے ہیں۔ آئی جی پنجاب ڈاکٹر عثمان انور کا کہنا ہے کہ پاکستان دیگر ممالک کی طرح انٹرنیشنل قوانین کے تحت ڈی پورٹیشن کی پالیسی پر عمل کر رہا ہے۔
آئی جی پنجاب نے مزید بتایا کہ تقریباً 89 ہزار غیر قانونی مقیم افراد کا ڈیٹا موجود ہے جس میں اے سی سی ہولڈرز بھی شامل ہیں۔ وفاقی حکومت اور حساس ادارے اس مہم کی نگرانی کر رہے ہیں۔
آئی جی پنجاب نے کہا کہ غیر قانونی مقیم غیر ملکیوں کو ملک چھوڑنے کے لیے پہلے ہی آگاہ کیا جا چکا تھا اور ان کا کہنا تھا کہ غیر قانونی مقیم باشندے کسی بھی قومیت سے ہوں واپس اپنے ملک جانا ضروری ہے۔
انہوں نے مزید کہا کہ غیر قانونی مقیم افراد کے انخلا کے دوران سیکیورٹی ہائی الرٹ ہے اور ہیومن رائٹس کو مکمل طور پر مدنظر رکھا جا رہا ہے۔
ڈاکٹر عثمان انور نے تمام متعلقہ اداروں کو غیر قانونی مقیم افراد کے انخلا کے عمل میں تیزی لانے کی ہدایت بھی کی ہے اور بتایا کہ اسپیشل برانچ، سی ٹی ڈی اور انٹیلی جنس بیسڈ انفارمیشن کے ذریعے ان افراد کی نشاندہی کی جا رہی ہے۔
.ذریعہ: Express News
پڑھیں:
شنگھائی: صدر آصف علی زرداری کی معروف چینی آٹو موبائل کمپنی چیری ہولڈنگ کے وفد سے ملاقات
صدر مملکت آصف علی زرداری نے چین کی معروف آٹو موبائل کمپنی چیری ہولڈنگ کے چیئرمین ین تونگیو سے شنگھائی میں ملاقات کی۔
اس موقع پر خاتونِ اول آصفہ بھٹو زرداری، چیئرمین پیپلز پارٹی بلاول بھٹو زرداری اور سینیٹر سلیم مانڈوی والا بھی صدر کے ہمراہ تھے۔
ملاقات میں صدر آصف علی زرداری نے چیری آٹو کی پاکستان میں سرمایہ کاری اور توسیعی منصوبوں کا خیر مقدم کیا اور کمپنی کی جانب سے الیکٹرک بسوں اور لوکلائزیشن منصوبوں کو خوش آئند قرار دیا۔
یہ بھی پڑھیے: شنگھائی: بلاول بھٹو سے چین کی سب سے بڑی تعمیراتی کمپنی سی ایس سی ای سی کے وفد کی ملاقات
صدر کا کہنا تھا کہ ان منصوبوں سے پاکستانی نوجوانوں کے لیے روزگار کے نئے مواقع پیدا ہوں گے۔
صدر زرداری نے یقین دہانی کرائی کہ حکومت پاکستان کی جانب سے الیکٹرک اور نیو انرجی گاڑیوں کے لیے پالیسی سپورٹ فراہم کی جائے گی۔ انہوں نے چیری کو پاکستان میں الیکٹرک بسوں، منی ٹرکس اور گرین انرجی کے شعبوں میں مشترکہ منصوبوں میں شرکت کی دعوت دی۔
صدر مملکت نے مزید کہا کہ پاکستانی کمپنیوں کے ساتھ مینوفیکچرنگ، منرلز اور انرجی اسٹوریج میں تعاون کے وسیع مواقع موجود ہیں۔
اس موقع پر چیری آٹو کے وفد نے صدر زرداری کو کمپنی کی عالمی کامیابیوں اور جدید ٹیکنالوجی سے متعلق بریفنگ دی۔ ملاقات میں سندھ کے وزراء شرجیل انعام میمن اور ناصر حسین شاہ بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آٹوموبائل پاکستان چین ملاقات
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی