نائب وزیراعظم سینیٹر محمد اسحاق ڈار سے آذربائیجان کے وزیر اقتصادیات میکائل جباروف کی ملاقات
اشاعت کی تاریخ: 8th, April 2025 GMT
اسلام آباد (اُردو پوائنٹ اخبارتازہ ترین - اے پی پی۔ 08 اپریل2025ء) نائب وزیراعظم اور وزیر خارجہ سینیٹر محمد اسحاق ڈار سے آذربائیجان کے وزیر اقتصادیات میکائل جباروف نے منگل کو یہاں ون آن ون ملاقات کی۔
(جاری ہے)
ترجمان دفتر خارجہ کی جانب سے جاری بیان کے مطابق میکائل جباروف نے ان کی اور اپنے وفد کی مہمان نوازی پر نائب وزیراعظم کا شکریہ ادا کیا۔ ملاقات کے دوران نائب وزیر اعظم نے مضبوط کثیر شعبہ جاتی تعاون کے ذریعے پاکستان اور آذربائیجان کے دوطرفہ تعلقات کو مزید مستحکم کرنے کے پاکستان کے عزم کا اعادہ کیا۔
.ذریعہ: UrduPoint
کلیدی لفظ: تلاش کیجئے
پڑھیں:
اسحاق ڈار کے اسلامی ملکوں کے وزرائے خارجہ سے ٹیلیفونک رابطے، عید کی مبارکباد دی
اسحاق ڈار—فائل فوٹووزیرِ خارجہ اسحاق ڈار نے آذربائیجان کے ہم منصب جیہون بایراموف سے ٹیلیفونک گفتگو کی ہے، دونوں وزرائے خارجہ نے دو طرفہ تعلقات کی بہتری پر اطمینان کا اظہار کیا۔
دفترِ خارجہ کے مطابق اس موقع پر علاقائی اور عالمی امور پر بھی تفصیلی بات چیت ہوئی۔
اسحاق ڈار اور جیہون بایراموف نے عیدالاضحیٰ کی مبارک باد دی اور امت مسلمہ کی خوش حالی کے لیے دعا کی۔
دفترِ خارجہ کے مطابق وزیر خارجہ اسحاق ڈار نے مصری ہم منصب بدر عبدالعاطی سے بھی ٹیلیفونک گفتگو کی۔
دونوں وزرائے خارجہ کے درمیان عیدالاضحیٰ کی مبارکباد کا تبادلہ ہوا۔
اسحاق ڈار اور بدر عبدالعاطی نے عالمِ اسلام خصوصاً غزہ کے مسلمانوں کی خوش حالی اور امن کے لیے دعا کی۔
وزیرِ خارجہ اسحاق ڈار نے ترک ہم منصب حکان فدان سے بھی ٹیلیفونک گفتگو کی، اسحاق ڈار اور حکان فدان نے ایک دوسرے کو عیدالاضحیٰ کی مبارک باد دی۔
دفترِ خارجہ کے مطابق دونوں رہنماؤں نے فلسطینی عوام، امتِ مسلمہ کی سلامتی اور خوش حالی کے لیے دعا کی۔
دفترِ خارجہ کے مطابق ترک و پاکستانی قیادت کے درمیان برادرانہ تعلقات کے تسلسل کا اظہار بھی کیا گیا۔
وزیرِ خارجہ اسحاق ڈار نے ملائیشین ہم منصب حاجی محمد بن حاجی حسن سے بھی ٹیلیفون پر گفتگو کی۔
دونوں وزرائے خارجہ نے عیدالاضحیٰ کی مبارک باد کا تبادلہ کیا۔
اسحاق ڈار اور حاجی محمد نے فلسطین میں دیرپا امن اور امتِ مسلمہ کی ترقی و اتحاد کے لیے دعا کی۔
دفترِ خارجہ کے مطابق اس موقع پر پاکستان اور ملائیشیا کے برادرانہ تعلقات کو مزید مضبوط بنانے کے عزم کا اعادہ بھی کیا گیا۔
پاکستان اور افغانستان کا باہمی اعتماد کے فروغ کیلئے تعاون جاری رکھنے پر اتفاق