عمران خان نے ڈیل کرنا ہوتی تو کرچکے ہوتے، عمر ایوب
اشاعت کی تاریخ: 8th, April 2025 GMT
راولپنڈی میں اڈیالہ جیل کے بعد اپوزیشن لیڈر کا میڈیا سے گفتگو کرتے ہوئے کہنا تھا کہ نون لیگ والے کہتے ہیں کہ بانی پی ٹی آئی معافی مانگ لیں تو سارا معاملہ ختم ہو جائے گا، اس سے ظاہر ہے یہ سیاسی معاملہ ہے، بانی نہ بھاگتے ہیں نہ ڈیل اور نہ ڈھیل مانگتے ہیں، ہم ملک میں آئین و قانون کی بالادستی کے لئے پارلیمنٹ کے اندر و باہر جدوجہد جاری رکھیں گے۔ اسلام ٹائمز۔ قومی اسمبلی میں اپوزیشن لیڈر عمر ایوب نے کہا ہے کہ عمران خان نے ڈیل کرنا ہوتی تو اب تک کرچکے ہوتے۔ راولپنڈی میں اڈیالہ جیل کے بعد عمر ایوب کا میڈیا سے گفتگو کرتے ہوئے کہنا تھا کہ پچھلی جمعرات کو کورٹ آرڈرز کے ساتھ آئے تھے، ملک کی عدلیہ اور ججز تعین کرلیں کہ وہ اپنے احکامات پر عمل درآمد کرائیں یا چھٹی کرکے گھر چلے جائیں یہ نہیں ہو سکتا ملک میں عدل نہ ہو، آئین و قانون نہ ہو۔
انہوں نے کہا کہ آج ملاقات کا دن تھا لیکن یہاں پولیس دیکھ لیں، اس وقت ملک میں آئین و قانون نہیں پولیس، رینجرز ریاست کے ہتھیار ہیں، جیل قانون کے مطابق قیدی کے بھی حقوق ہیں۔ قومی اسمبلی میں اپوزیشن لیڈر کا کہنا تھا کہ عید کے دن عمران خان کو نماز نہیں پڑھنے دی گئی، انہیں 3 ماہ سے بیٹوں سے بات نہیں کرنے دی گئی، سیاسی رفقاء سے ملاقات نہیں کرنے دی جا رہی ہے۔
عمر ایوب نے کہا کہ نون لیگ والے کہتے ہیں کہ عمران خان معافی مانگ لیں تو سارا معاملہ ختم ہو جائے گا، اس سے ظاہر ہے یہ سیاسی معاملہ ہے، بانی نہ بھاگتے ہیں نہ ڈیل اور نہ ڈھیل مانگتے ہیں، ہم ملک میں آئین و قانون کی بالادستی کے لئے پارلیمنٹ کے اندر و باہر جدوجہد جاری رکھیں گے۔ ان کا مزید کہنا تھا کہ زرداری نے سندھ کا پانی بیچ دیا یے، اب مگر مچھ کے آنسو بہا رہے ہیں، اختر مینگل اور ساتھیوں پر کل اندھا دھند فائرنگ کی گئی، گندم کا بحران دیکھ لیں، مہنگائی کا طوفان آنے والا ہے۔
ذریعہ: Islam Times
کلیدی لفظ: کہنا تھا کہ عمر ایوب ملک میں
پڑھیں:
جو برا کرے گا انجام بھگتے گا، عروہ حسین بھی علیزے شاہ کی حمایت میں بول اٹھیں
پاکستانی شوبز انڈسٹری کی معروف اداکارہ عروہ حسین بھی علیزے شاہ کی حمایت میں بول اٹھیں ان کا کہنا ہے کہ نام نہاد سینئرز کی باتوں پر دھیان نہ دو جن کی انا اتنی نازک ہے کہ وہ ذرا سا اختلاف برداشت نہیں کر پاتی۔
عروہ حسین نے فوٹو اینڈ ویڈیو شیئرنگ ایپ پر اسٹوری لگاتے ہوئے کہا کہ انسانیت اور فن کی قدر کرنا ہر کسی کو نہیں آتی عزت کمائی جاتی ہے مسلط نہیں کی جاتی اور یہ بات لوگ مشکل سے سیکھیں گے یا پھر کبھی نہیں سیکھ سکیں گے۔
اداکارہ کا علیزے شاہ کو کہنا تھا کہ تم آگے بڑھتی رہو اور پیچھے ہٹنے کا کبھی نہ سوچنا کیونکہ نفرت کرنے والے ایسا ہی چاہتے ہیں۔ عروہ حسین نے مزید کہا کہ تمہارا ٹیلنٹ اور حوصلہ بہت سے لوگوں کے لیے تحریک ہے، ان لوگوں کو یاد رکھو جو تم سے محبت کرتے ہیں اور پورے یقین سے آگے بڑھتی رہو۔
ان کا مزید کہنا تھا کہ تمہاری سچائی ان لوگوں کے لیے ہمیشہ خطرہ رہے گی جو اندر سے کھوکھلے اور کرپٹ ہیں، فکر نہ کرو قدرت اپنا حساب ضرور چکاتی ہے جو تمہارے ساتھ برا کرے گا وہ ایک دن ضرور اپنے عمل کا نتیجہ دیکھے گا۔
واضح رہے کہ علیزے شاہ نے گزشتہ روز انسٹاگرام پر متعدد ویڈیوز کو شیئر کرتے ہوئے سینئر اداکاروں کے نامناسب رویہ کی شکایت کی تھی ان کا کہنا تھا کہ سینئر اداکاروں نے نہ صرف ان کے ساتھ بلکہ ان کی والدہ کے ساتھ بھی نامناسب رویہ اختیار کیا۔ ان کا کہنا تھا کہ جب وہ والدہ کو شوٹنگ پر اپنے ساتھ لے جاتی تھیں تو سینئر اداکار ان کی والدہ کو اے سی والے کمرے سے باہر بیٹھنے کا کہتے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی اداکارائیں عروہ حسین علیزے شاہ
کپاس کا مسلسل زوال معیشت کے لیے خطرہ بن گیا ہے