سی ڈی اے کاتھرڈ پارٹی آڈٹ کیلئے کنسلٹنٹ کی خدمات حاصل کرنے کا فیصلہ
اشاعت کی تاریخ: 8th, April 2025 GMT
سی ڈی اے کاتھرڈ پارٹی آڈٹ کیلئے کنسلٹنٹ کی خدمات حاصل کرنے کا فیصلہ WhatsAppFacebookTwitter 0 8 April, 2025 سب نیوز
اسلام آباد(آئی پی ایس )چیئرمین سی ڈی اے محمد علی رندھاوا کی زیر صدارت منگل کے روز سی ڈی اے بورڈ کا ساتواں اجلاس سی ڈی اے ہیڈ کوارٹرز میں منعقد ہوا. اجلاس میں سی ڈی اے بورڈ کے ممبران سمیت متعلقہ سینئر افسران نے شرکت کی.
اسی طرح اجلاس میں غیر قانونی ہاسنگ سوسائٹیز کے نام عوام کی آگاہی کیلئے نہ صرف سی ڈی ای کی ویب سائٹ پر اپ لوڈ کئے جائیں بلکہ باقاعدگی کے ساتھ میڈیا میں غیر قانونی ہاوسنگ سوسائیٹیز کے بارے میں عوام کو آگاہی فراہم کی جائے گی تاکہ انکو غیر قانونی ہاوسنگ میں سرمایہ کاری کے بارے میں مکمل آگاہی ہو. علاوہ ازیں چئیرمین سی ڈی اے محمد علی رندھاوا نے کہا کہ قانونی ہاسنگ سوسائٹیوں کی لسٹ بھی زون وائز سی ڈی اے کی ویب سائٹ پر اپ لوڈ کی جائیں. انہوں نے کہا کہ شہریوں کو غیر قانونی ہاسنگ سوسائٹیز سے آگاہ کرکے انکے سرمایہ کو محفوظ بنایا جائے۔سی ڈی اے بورڈ کے ساتویں اجلاس میں اسٹیٹ مینجمنٹ ڈائریکٹوریٹ 3 کی کارکردگی اور استعداد کار میں اضافے کیلئے نئی آسامیوں کی منظوری دی گئی.
اسی طرح اجلاس میں I-8 مرکز کے پلاٹ نمبر 28 کو موجودہ رسٹوریشن پالیسی اور مارکیٹ ریٹ کے مطابق ادائیگی کرنے کے بعد قانون کے تمام تقاضوں کو مطابق پورا کرنے کے بعد بحال کرنے کا فیصلہ کیا گیا اور مزکورہ پلاٹ کی بحالی. اجلاس میں فیصلہ کیا گیا کہ الاٹمنٹ تمام واجبات کی ادائیگی سے مشروط ہوگی۔سی ڈی اے بورڈ کے ساتویں اجلاس میں آرٹس اینڈ کرافٹ ویلج کی ازسر نو منصوبہ بندی اور اس تعمیر اور ترقی کی بھی منظوری دی گئی. اس ضمن میں چیئرمین سی ڈی اے نے ممبر انجینئرنگ اور ممبر پلاننگ کو آرٹ اینڈ کرافٹ ویلج کا دورہ کرنے کی ہدایت بھی کی۔سی ڈی اے بورڈ کے اجلاس میں بلڈنگ اینڈ ہاسنگ کنٹرول کو مختلف درپیش مسائل اور چیلنجز سے نبردآزما ہونے کیلئے بلڈنگ اینڈ ہاوسنگ کنٹرول ایجنسی کے قیام کا فیصلہ کیا گیا.
اجلاس میں بلیو ایریا میں فوڈ اسٹریٹ اور پیڈسٹرین ٹریکس کی تعمیر ٹائم کے مطابق کرنے کی منظوری دی گی۔چیرمین سی ڈی اے و چیف کمشنر اسلام آباد محمد علی رندھاوا نے کہا کہ اسلام آباد کی ترقی، خوشحالی اور خوبصورتی میں مزید اضافہ کیلئے سی ڈی اے کوئی کسر اٹھا نہ رکھے بلکہ اسکے لئے تمام وسائل بروئے کار لائے جائیں گے۔سی ڈی اے بورڈ کے ساتویں اجلاس میں آر ڈبلیو ایم سی کو کوڑا کرکٹ اور کچرا اٹھانے اور ڈمپنگ سائیٹ پر منتقل کرنے کی سروسز میں 3 ماہ کی توسیع کی منظوری دی گئی. اجلاس میں فیصلہ کیا گیا کہ آر ڈبلیو ایم سی شہر بھر سے روزانہ کی بنیاد پر اسلام آباد ویسٹ ٹرانسفر سینٹر سے کوڑا کرکٹ اور کچرا اٹھا کر ڈمپنگ سائٹس تک پہنچائے گی.
اجلاس میں مستقبل کی ضروریات کے مطابق اسلام آباد کیلئے مستقل ڈمپنگ سائٹس بنانے کی بھی منظوری دی گئی. اجلاس کو بریفننگ دیتے ہوئے بتایا گیا کہ ڈمپنگ سائٹ کی تعمیر کیلئے ایشین ترقیاتی بینک کی تیکنیکی صلاحیتوں اور تجربات سے بھرپور استفادہ کیا جائیگا. چیئرمین سی ڈی اے محمد علی رندھاوا نے کہا کہ ڈمپنگ سائٹس کی تعمیر میں سائنٹیفک بنیادوں، کاربن کریڈٹ اور ماحولیاتی آلودگی پھیلنے کا اندیشہ کم سے کم ہو سمیت تمام پہلوں کو مدنظر رکھ کر جدید تقاضوں کے عین مطابق تعمیر کیا جائیگا اور ڈمپنگ سائٹس کو ویسٹ ٹو انرجی (کچرے سے توانائی) اور مستقبل کی ضروریات کے مطابق تعمیرکیاجائے۔
ذریعہ
ذریعہ: Daily Sub News
کلیدی لفظ: محمد علی رندھاوا فیصلہ کیا گیا کرنے کا فیصلہ اسلام آباد نے کہا کہ کے مطابق
پڑھیں:
نوجوانوں کی خدمات کے اعتراف میں اداکار ادریس ایلبا کو نائٹ کا خطاب
برطانوی اداکار ادریس ایلبا شاید نئے جیمز بانڈ نہ بن سکیں، لیکن اب وہ برطانیہ کے نئے نائٹس یعنی سر کے خطاب پانے والوں میں ضرور شامل ہو گئے ہیں۔
منگل کے روز کنگ چارلس نے ونڈسر کیسل میں منعقدہ ایک خصوصی تقریب میں ادریس ایلبا سمیت متعدد نمایاں شخصیات کو شاہی اعزازات سے نوازا۔
روایتی تقریب کے دوران بادشاہ نے تلوار کے ذریعے انہیں نائٹ ہڈ کا اعزاز عطا کیا۔
یہ بھی پڑھیں: برطانوی فٹبال لیجنڈ ڈیوڈ بیکہم کو شاہ چارلس کی جانب سے نائٹ کا اعزاز
ادریس ایلبا نے بعد ازاں انسٹاگرام اسٹوری پر اپنی اہلیہ سیبرینا ایلبا کے ساتھ تصویر شیئر کرتے ہوئے لکھا: ’ہم شکر گزار ہیں، اور ہمارا کام جاری رہے گا۔‘
ٹی وی سیریز دی وائر اور لوتھر میں اپنی شاندار اداکاری کے لیے مشہور ادریس ایلبا کو نوجوانوں کی فلاح و بہبود اور ان کی ترقی کے لیے خدمات کے اعتراف میں نائٹ کا خطاب دیا گیا ہے۔
2022 میں ادریس ایلبا اور ان کی اہلیہ نے ایلبا ہوپ فاؤنڈیشن قائم کی تھی، جس کا مقصد برطانیہ، امریکا اور افریقہ میں پائیدار ترقی کو فروغ دینا، نوجوانوں کے لیے مواقع پیدا کرنا، اور تعلیم و
سماجی بااختیاری کے منصوبوں کی حمایت کرنا ہے۔
That's Sir Idris Elba to you. ???? He poses with Sabrina Dhowre Elba after being awarded knighthood by King Charles at Windsor Castle.pic.twitter.com/U3Mtee1sJf
— Terrible Pics (@TerriblePic) June 2, 2026
ادریس ایلبا دی کنگس ٹرسٹ کے خیر سگالی سفیر بھی ہیں، یہ فلاحی ادارہ 1976 میں اُس وقت کے شہزادہ چارلس نے نوجوانوں کی مدد کے لیے قائم کیا تھا۔
اداکار، موسیقار اور سماجی کارکن ادریس ایلبا، جو آرسینل ایف سی کے دیرینہ مداح ہیں، نے سوشل میڈیا پر ایک ویڈیو بھی شیئر کی جس میں وہ خوشی سے اچھلتے ہوئے ’سر ایلبا‘ نام والی نئی
آرسنل جرسی تھامے نظر آئے۔
View this post on Instagram
A post shared by Idris Elba (@idriselba)
ادریس ایلبا اور کنگ چارلس اس وقت ایک نیٹ فلکس دستاویزی فلم پر بھی مل کر کام کر رہے ہیں، جو دی کنگز ٹرسٹ کے قیام کے 50 سال مکمل ہونے کے موقع پر بنائی جا رہی ہے، جس کی
نمائش رواں سال خزاں میں متوقع ہے۔
ادریس ایلبا کی فنونِ لطیفہ میں کامیابی کی کہانی کا آغاز بھی شاہی فلاحی ادارے سے جڑا ہوا ہے، 18 سال کی عمر میں انہیں اس وقت کے پرنسز ٹرسٹ سے گرانٹ ملی تھی، جس کی مدد سے
انہوں نے نیشنل یوتھ میوزک تھیٹر میں داخلہ لیا اور اداکاری کی تعلیم حاصل کی۔
مزید پڑھیں: کنگ چارلس کا اپنی بگڑتی صحت کا اعتراف
تقریب میں دیگر اعزاز یافتگان میں اولمپک آئس ڈانسنگ چیمپئنز جین ٹورویل اور کرسٹوفر ڈین بھی شامل تھے، جنہیں آئس اسکیٹنگ اور رضاکارانہ خدمات کے اعتراف میں نائٹ اور ڈیم کے
اعزازات دیے گئے۔
معروف کامیڈین اور مصنفہ میرا سیال کو ادب، ڈرامہ اور فلاحی خدمات پر اعزاز سے نوازا گیا، جبکہ کامیڈین پال ایلیٹ کو سماجی خدمات کے اعتراف میں ممبر آف دی آرڈر آف دی برٹش ایمپائر
کا اعزاز دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ادریس ایلبا پال ایلیٹ جین ٹورویل سر ایلبا کرسٹوفر ڈین کنگ چارلس میرا سیال نائٹ ہڈ نیشنل یوتھ میوزک تھیٹر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ