پنجاب کے اسٹیج فنکار وزیر اطلاعات عظمیٰ بخاری سے ناراض کیوں؟
اشاعت کی تاریخ: 8th, April 2025 GMT
وزیر اطلاعات پنجاب عظمیٰ بخاری نے عیدالفطر کے موقع پر صوبائی دارالحکومت لاہور کے متعدد تھیٹرز پر رات گئے اچانک چھاپے مارے، جہاں انہوں نے نامناسب لباس اور رقص کرنے پر اداکاروں و اداکاراؤں کو نوٹسز بھی جاری کیے ہیں۔
عظمیٰ بخاری نے لاہور کے متعدد تھیٹرز پر چھاپے مارنے کی ویڈیو فیس بک پر بھی شیئر کی اور بتایا کہ انہوں نے 6 تھیٹرز اداکاروں کو نوٹس جاری کردیے ہیں۔
یہ بھی پڑھیں تھیٹرز میں کسی کو بیہودگی اور بے حیائی پھیلانے کی اجازت نہیں دی جائے گی، عظمیٰ بخاری
وزیر اطلاعات پنجاب نے تھیٹرز میں چھاپے کے دوران کیفے ٹیریاز، ڈریسنگ اور میک اپ رومز سمیت ہالز کا بھی جائرہ لیا۔ عظمیٰ بخاری نے تھیٹرز میں اداکاراؤں کی جانب سے کی جانے والی نامناسب ڈریسنگ پر اظہار برہمی کیا جب کہ وہ گانوں میں نامناسب رقص پر بھی نالاں ہوئیں اور انہوں نے 6 اداکاروں کو شوکاز نوٹس جاری کردیے۔
عظمیٰ بخاری نے یہ بھی کہاکہ اسٹیج تھیٹرز کو فیملی تھیٹرز بنانے کا فیصلہ کرتے ہوئے عریانی و فحاشی کے خاتمے کے لیے نیا قانونی مسودہ تیار کرلیا گیا ہے، جسے جلد منظوری کے لیے پیش کیا جائے گا۔
ان کے مطابق نئے تھیٹرز ایکٹ کے تحت اسٹیج تھیٹرز کی مانیٹرنگ کے اختیارات ضلعی انتظامیہ سے واپس لے کر محکمہ اطلاعات پنجاب کو تفویض کیے جائیں گے۔ نئے ایکٹ میں ایس او پیز پر عمل درآمد نہ کرنے پر سخت سزاؤں کی تجویز ہے۔
’فنکاروں کے ساتھ مل کر کمیٹی بنائی جائے‘
وی نیوز سے بات کرتے سینیئر اسٹیج اداکار نسیم وکی نے کہاکہ جس طرح صوبائی وزیر اطلاعات پنجاب عظمیٰ بخاری چھاپے مار رہی ہیں یہ درست عمل نہیں، ہم سب سینیئر اداکاروں کی بے عزتی کی جارہی ہے۔
انہوں نے کہاکہ وزیر اطلاعات اور آرٹس کونسل کے ذمہ داران ہمارے ساتھ بیٹھیں اور ایک ایس او پی بنا لیں کہ اسٹیج ڈرامے میں کیا کیا ہونا چاہیے، اس کے بعد جو تھیٹر ان ایس او پیز پر عمل نہیں کرتا اس کو بند کر دیا جائے۔
نسیم وکی نے کہاکہ اس طرح ڈریسنگ روم میں گھسنا، کینٹین پر چھاپے مارنا درست نہیں، کیوں کہ ہم یہاں جوا خانہ تو نہیں چلا رہے، ہم جلد اس حوالے سے پریس کانفرنس بھی کریں گے۔
دوسری طرف تھیٹرز مالکان نے بھی کہا ہے کہ پنجاب حکومت جو ضابط اخلاق جاری کرے گی ہم اس کے مطابق آئندہ ڈرامے کریں گے۔
یہ بھی پڑھیں فنکاروں نے پنجاب حکومت کی تشہیر مفت میں کی ہے، عظمیٰ بخاری
پنجاب حکومت نے تھیٹرز کلچر میں فحاشی کے بڑھتے ہوئے رجحان کے خاتمے کے لیے اہم فیصلہ کیا ہے۔ جو تھیڑ ضابط اخلاق کی پابندی نہیں کرے گا اسے بند کردیا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسٹیج فنکار پنجاب تھیٹر چھاپے عظمیٰ بخاری ناراض کیوں وزیر اطلاعات وی نیوز.ذریعہ: WE News
کلیدی لفظ: اسٹیج فنکار تھیٹر چھاپے ناراض کیوں وزیر اطلاعات وی نیوز اطلاعات پنجاب وزیر اطلاعات انہوں نے کے لیے
پڑھیں:
بھارت کسی بھی جارحیت سے باز رہے، ہر بار چائے نہیں پلائیں گے، عظمیٰ بخاری
وزیر اطلاعات پنجاب نے کہا کہ یہ سوال اپنی جگہ قائم ہے کہ مقبوضہ کشمیر میں سات لاکھ بھارتی فوج کی موجودگی کے باوجود حملہ کیسے ہوگیا؟ بھارتی فوج کی نااہلی پر سری نگر کے رہائشی بھی سوال اٹھا رہے ہیں، ہم خود دہشت گردی کا شکار ہیں اور ایسے واقعات کی بھرپور مذمت کرتے ہیں۔ اسلام ٹائمز۔ صوبائی وزیر اطلاعات پنجاب سیدہ عظمی بخاری نے بھارتی میڈیا کے پاکستان کیخلاف بے بنیاد پروپیگنڈے پر ردعمل میں کہا ہے کہ پہلگام واقعہ افسوسناک ہے، معصوم شہریوں کے جانی نقصان کا سب کو دکھ ہے۔ انہوں نے کہا کہ بھارت کا پاکستان کیخلاف پروپیگنڈہ بے بنیاد ہے، ہماری مسلح افواج اور بہادر عوام دشمن کو منہ توڑ جواب دینا جانتے ہیں، ہم ہر بار چائے نہیں پلائیں گے۔ عظمیٰ بخاری نے کہا کہ یہ سوال اپنی جگہ قائم ہے کہ مقبوضہ کشمیر میں سات لاکھ بھارتی فوج کی موجودگی کے باوجود حملہ کیسے ہوگیا؟ بھارتی فوج کی نااہلی پر سری نگر کے رہائشی بھی سوال اٹھا رہے ہیں، ہم خود دہشت گردی کا شکار ہیں اور ایسے واقعات کی بھرپور مذمت کرتے ہیں۔ انہوں ںے کہا کہ انڈیا کا یہ پروپیگنڈہ اپنی موت آپ مر جائے گا۔ انہوں نے واضح کیا کہ بھارت کسی بھی جارحیت سے باز رہے، جھوٹ کی بنیاد پر کسی بھی اقدام کا بھرپور جواب دیا جائے گا۔
انوشے اشرف کی شادی کی تقریبات کا آغاز، مہندی کی ویڈیوز وائرل