دبئی کے ولی عہد شیخ ہمدان کی نریندر مودی سے ملاقات، تعلقات کو مضبوط کرنے پر اتفاق
اشاعت کی تاریخ: 8th, April 2025 GMT
دبئی کے ولی عہد شیخ ہمدان سرکاری دورے پر بھارت پہنچ گئے ہیں، جہاں ان کی بھارتی وزیراعظم نریندر مودی سے ملاقات ہوئی ہے۔
غیرملکی میڈیا کے مطابق شیخ ہمدان کا بحیثیت ولی عہد بھارت کا پہلا سرکاری دورہ ہے، جو 9 اپریل کو اختتام پذیر ہوگا۔
یہ بھی پڑھیں بھارتی شہریوں کے لیے بڑی سہولت، متحدہ عرب امارات کا ویزا اب ایئرپورٹ سے مل سکے گا
ملاقات کے بعد دبئی کے ولی عہد نے سوشل میڈیا پر لکھا کہ بھارت کے ساتھ ہمارا رشتہ اعتماد پر مبنی ہے، دوطرفہ بات چیت میں تعلق کو مضبوط کرنے پر اتفاق کیا گیا ہے۔
قبل ازیں شیخ ہمدان نے بھارتی وزیر خارجہ ڈاکٹر ایس جے شنکر سے ملاقات کی، ان کی آج ہی وزیر دفاع راج ناتھ سنگھ سے بھی ملاقات شیڈول ہے۔
اس سرکاری دورے کے دوران دبئی کے ولی عہد سینیئر حکام کے ساتھ متحدہ عرب امارات اور ہندوستان کے درمیان شراکت داری اور تعاون کو مضبوط بنانے کے طریقوں پر بات چیت کریں گے۔
ان کے دورے کا مقصد دوطرفہ تعلقات کو مضبوط بنانا اور دونوں ممالک کے درمیان تعاون کو بڑھانے کے مواقع تلاش کرنا ہے۔
قبل ازیں بھارت پہنچنے پر شیخ ہمدان کا نئی دہلی ہوائی اڈے پر پرتپاک استقبال کیا گیا، ہندوستان کے وزیر پیٹرولیم، قدرتی گیس و سیاحت سریش گوپی نے ان کو ویلکم کیا۔
شیخ ہمدان سرکاری دورے کے دوسرے دن 9 اپریل کو ممبئی جائیں گے۔ وہ دونوں اطراف کے ممتاز کاروباری رہنماؤں کے ساتھ ایک کاروباری گول میز میں بھی شرکت کریں گے۔
حالیہ برسوں میں متحدہ عرب امارات کے صدر شیخ محمد بن زاید اور نریندر مودی کی قیادت میں متحدہ عرب امارات اور ہندوستان کے درمیان دو طرفہ تعلقات مضبوط ہوئے ہیں۔ 2024 میں متحدہ عرب امارات کے صدر کا وائبرینٹ گجرات گلوبل سمٹ میں بطور مہمان خصوصی شرکت کے لیے گجرات پہنچنے پر ہندوستان میں پرتپاک استقبال کیا گیا تھا۔
ابوظہبی کے ولی عہد شیخ خالد بن محمد بن زید النہیان بھی گزشتہ سال 8 ستمبر کو ہندوستان کے سرکاری دورے پر گئے تھے۔ 9 ستمبر کو انہوں نے نریندر مودی سے ملاقات کی اور دو طرفہ تعاون کے وسیع شعبوں پر بات چیت کی۔ انہوں نے مہاتما گاندھی کو خراج عقیدت پیش کرنے کے لیے راج گھاٹ کا بھی دورہ کیا تھا۔
یہ بھی پڑھیں بھارت کا اعتراض ختم، کیا اب پاکستان کو ’برکس گروپ‘ کی رکنیت مل جائے گی؟
واضح رہے کہ 2024 میں متحدہ عرب امارات میں ہندوستانی آبادی تقریباً 40 لاکھ تک پہنچ گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اتفاق بھارت بھارتی وزیراعظم تعلقات دبئی سرکاری دورہ ملاقات نریندر مودی ولی عہد وی نیوز.ذریعہ: WE News
کلیدی لفظ: اتفاق بھارت بھارتی وزیراعظم تعلقات سرکاری دورہ ملاقات ولی عہد وی نیوز میں متحدہ عرب امارات دبئی کے ولی عہد سرکاری دورے ہندوستان کے سے ملاقات کو مضبوط کے لیے
پڑھیں:
’حملہ آوروں کا زمین کے آخری کنارے تک پیچھا کریں گے،‘ مودی
اسلام آباد (اُردو پوائنٹ ۔ DW اردو۔ 24 اپریل 2025ء) جمعرات 24 اپریل کو بھارتی وزیر اعظم نریندر مودی نے کشمیر میں ہونے والے حالیہ خونریز حملے کے ذمہ دار تمام افراد کو سزا دینے کا عہد کیا۔ انہوں نے پہلگام میں منگل کے روز کیے گئے حملے کے بعد اپنی پہلی عوامی تقریر میں کہا، ''میں پوری دنیا سے کہتا ہوں: بھارت ہر دہشت گرد اور اس کے سرپرست کی شناخت کرے گا، ان کا پیچھا کرے گا اور انہیں سزا دے گا۔
ہم ان کا زمین کے کناروں تک تعاقب کریں گے۔‘‘پہلگام کے سیاحتی مقام پر ہونے والی یہ فائرنگ سن 2000 کے بعد سے متنازع مسلم اکثریتی کشمیر میں شہریوں پر ہونے والا سب سے مہلک حملہ تھا۔ ہلاک ہونے والوں میں 26 بھارتی اور ایک نیپالی شہری شامل ہیں۔
بھارت نے بدھ کو پاکستان پر ''سرحد پار دہشت گردی‘‘ کی حمایت کرنے کا الزام عائد کرتے ہوئے اپنے اس پڑوسی ملک کے ساتھ سفارتی تعلقات کو مزید کم کرنے کے لیے متعدد اقدامات کیے تھے۔
(جاری ہے)
دوسری جانب پاکستان نے پہلگام حملے میں کسی بھی کردار سے انکار کیا ہے۔ نریندر مودی کے سخت بیاناتنریندر مودی، جو بہار ریاست میں ترقیاتی منصوبوں کا افتتاح کرنے کے لیے تقریر کر رہے تھے، نے سب سے پہلے ہلاک ہونے والوں کی یاد میں دو منٹ کی خاموشی اختیار کی۔ اس کے بعد انہوں نے ہندی میں ایک بڑے ہجوم کے سامنے کہا، ''میں واضح طور پر کہتا ہوں: اس حملے کو، جس نے بھی یہ کیا، اور جنہوں نے اس کی منصوبہ بندی کی، انہیں ان کے تصور سے کہیں زیادہ قیمت ادا کرنا پڑے گی۔
‘‘نریندر مودی نے مزید کہا، ''وہ یقیناً سزا بھگتیں گے۔ دہشت گردوں کے پاس، جو تھوڑی بہت زمین ہے، اب وقت ہے کہ اسے مٹی میں ملا دیا جائے۔ 1.4 ارب بھارتیوں کی قوت ارادی ان دہشت گردوں کی کمر توڑ دے گی۔‘‘
انہوں نے اپنی تقریر کا اختتام انگریزی میں غیر معمولی تبصروں کے ساتھ کیا، جو بیرون ملک سامعین کے لیے تھے۔ نریندر مودی نے کہا، ''دہشت گردی بغیر سزا کے نہیں رہے گی۔
انصاف کو یقینی بنانے کے لیے ہر ممکن کوشش کی جائے گی۔‘‘ہندو قوم پسند وزیر اعظم نریندر مودی کے تبصروں سے ایٹمی ہتھیاروں سے لیس دونوں حریف ممالک کے درمیان تعلقات مزید کشیدہ ہونے کا امکان ہے، کیونکہ بھارت نے بدھ کی رات پاکستان کے ساتھ تعلقات کی سطح کم کرتے ہوئے چھ دہائیاں پرانے ایک آبی معاہدے کو معطل کرتے ہوئے دونوں پڑوسیوں کے درمیان واحد فعال سرحدی گزرگاہ کو بھی بند کر دیا تھا۔
بھارت کی طرف سے ابھی تک کوئی ایسا ثبوت پیش نہیں کیا گیا، جس سے یہ معلوم ہوتا ہو کہ حملہ آوروں کا تعلق کسی نہ کسی طرح پاکستان سے بنتا ہے۔ بھارتی میڈیا کے ایک بڑے حصے اور سیاسی تبصرہ نگاروں نے بھی بغیر ثبوتوں کے فوری طور پر اس کا الزام اسلام آباد حکومت پر عائد کرنا شروع کر دیا تھا۔
حملہ آوروں کی تلاش جاریدوسری جانب بھارتی سکیورٹی فورسز نے حملہ آوروں کی تلاش کے لیے کشمیر میں وسیع پیمانے پر تلاشی کا ایک آپریشن شروع کر رکھا ہے، جس میں بڑی تعداد میں لوگوں کو حراست میں لیا گیا ہے۔
اسی طرح کشمیر میں پولیس نے جمعرات کو تین مشتبہ عسکریت پسندوں کے ناموں کے ساتھ نوٹسز شائع کیے، جن پر رواں ہفتے سیاحوں پر حملے میں ملوث ہونے کا الزام ہے۔ پولیس نے ان کی گرفتاری کے لیے معلومات فراہم کرنے پر انعامات کا اعلان بھی کیا ہے۔ نوٹسز کے مطابق تین مشتبہ عسکریت پسندوں میں سے دو پاکستانی شہری ہیں۔ادارت: مقبول ملک
انوشے اشرف کی شادی کی تقریبات کا آغاز، مہندی کی ویڈیوز وائرل