امریکا پاکستان کے ساتھ دوطرفہ تعلقات کے مزید فروغ کا خواہاں، امریکی وفد کی وزیراعظم شہباز شریف سے ملاقات
اشاعت کی تاریخ: 9th, April 2025 GMT
پاکستان منرل انویسٹمنٹ فورم میں شرکت کے لیے آنے والے امریکی وفد کے سربراہ اور امریکی محکمہ خارجہ کے سینیئر عہدیدار ایرک میئر کا کہنا ہے کہ امریکا پاکستان کے ساتھ دو طرفہ تعلقات کے مزید فروغ کا خواہاں ہے۔ انہوں نے پاکستان کے ساتھ مشترکہ دلچسپی کے امور پر کام کرنے کی امریکی خواہش کا بھی اظہار کیا۔
وزیراعظم محمد شہباز شریف سے ایرک میئر کی قیادت میں پاکستان منرل انویسٹمنٹ فورم میں شرکت کے لیے آنے والے امریکی وفد نے ملاقات کی ہے۔
وزیراعظم محمد شہباز شریف نے کہا کہ پاکستان کے معدنیات کے شعبہ میں وسیع استعداد موجود ہے۔ امریکی کمپنیوں کو اس شعبے میں ترجیحاً سرمایہ کاری کے مواقع سے مستفید ہونا چاہیے۔ وزیراعظم کا امریکا سے دو طرفہ تعلقات کی مضبوطی کے لیے امریکی انتظامیہ کے ساتھ مل کر کام کرنے کی خواہش کا اظہار کیا ہے۔
وزیراعظم نے سرمایہ کاری اور باہمی دلچسپی کے شعبوں میں تعاون بڑھانے کی اہمیت پر زور دیا۔
امریکی وفد نے پاکستان منرل انویسٹمنٹ فورم کے کامیاب انعقاد پر وزیراعظم پاکستان کو مبارکباد دی۔ وفد نے پاکستان کے معدنیات کے شعبے کی وسیع استعداد کا اعتراف کیا۔
ایرک میئر نے امریکی کمپنیوں کی جانب سے سرمایہ کاری میں دلچسپی سے آگاہ کیا۔
وزیراعظم ہاؤس کی جانب سے جاری کردہ اعلامیہ کے مطابق ایرک میئر نے پاکستان کے ساتھ مشترکہ دلچسپی کے امور پر کام کرنے کی امریکی خواہش کا بھی اظہار کیا۔ انہوں نے کہا کہ امریکا پاکستان کے ساتھ دو طرفہ تعلقات کے مزید فروغ کا خواہاں ہے۔
ایریک میئر کی وفاقی وزیر داخلہ محسن نقوی سے ملاقاتقبل ازیں امریکی وفد کے سربراہ اور امریکی محکمہ خارجہ کے سینیئر عہدیدار ایرک میئر نے وفاقی وزیر داخلہ محسن نقوی سے ملاقات کی۔ قائم مقام امریکی سفیر نیٹلی بیکر، وزیر مملکت برائے داخلہ طلال چوہدری اور سیکرٹری داخلہ خرم آغا بھی اس موقع پر موجود تھے۔
ملاقات میں دونوں رہنماؤں نے پاک امریکا تعلقات سمیت باہمی دلچسپی کے امور اور دو طرفہ تعاون پر تفصیلی تبادلہ خیال کیا۔
مزید پڑھیں امریکا اور پاکستان کے درمیان شراکت داری کو مزید گہرا کرنے کا منتظر ہوں، ایرک میئر
امریکا کے جنوبی اور وسطی ایشیائی امور کے بیورو کے سینیئر بیورو آفیشل ایرک میئر نے پاکستان منرلز انویسٹمنٹ فورم 2025 میں امریکی وفد کی سربراہی بھی کی، اپنے ویڈیو پیغام میں انہوں نے پاکستان کو سرمایہ کاری فورم کے انعقاد پر سراہتے ہوئے سرمایہ کاروں کے لیے یکساں موقع فراہم کرنے پر خوشی کا اظہار کیا۔
ایرک میئر نے ویڈیو پیغام میں مزید کیا کہا؟امریکا کے جنوبی اور وسطی ایشیائی امور کے بیورو کے سینیئر بیورو آفیشل (ایس بی او) ایرک میئر نے کہا ہے کہ امریکا اور پاکستان کے درمیان شراکت داری کو مزید گہرا کرنے کے لیے کام کرنے کا منتظر ہوں۔
پاکستان منرلز انویسٹمنٹ فورم 2025 کے لیے اپنے ویڈیو پیغام میں انہوں نے کہا کہ میں پاکستان کو اسلام آباد میں معدنیات سرمایہ کاری فورم کے انعقاد پر سراہتا ہوں اور اس بات پر بھی خوشی کا اظہار کرتا ہوں کہ اس نے سرمایہ کاروں کے لیے یکساں موقع فراہم کرنے کے لیے اقدامات کیے ہیں۔
ایرک میئر نے کہا کہ اہم معدنیات ہمارے سب سے اہم ٹیکنالوجیز کے خام مال ہیں، اور صدر ٹرمپ نے امریکا کے معدنیات کے مستقبل کو محفوظ کرنے کی اہمیت پر زور دیا ہے۔ اگرچہ ہم یہاں اسلام آباد میں معدنیات پر توجہ مرکوز کرنے کے لیے موجود ہیں، میں ہمارے اقتصادی شراکت داری کی دیگر حالیہ کامیابیوں کو بھی اجاگر کرنا چاہتا ہوں۔
یہ بھی پڑھیے پاکستان کے معدنی وسائل کو بروئے کار لانے کے لیے زیادہ سے زیادہ سرمایہ کاری درکار ہے، اسحاق ڈار
ہم نے حال ہی میں پاکستان کو امریکی سویابین کی برآمدات بحالی کا جشن منایا۔ پچھلے چند ہفتوں میں سویابین کے 2 لاکھ 60 ہزار ٹن سے زیادہ کے ساتھ 4 جہاز پاکستان پہنچے ہیں۔ یہ امریکی برآمد کنندگان اور پاکستانیوں کے لیے جیت ہے، اور ہم مستقبل میں مزید ایسی کامیابیاں دیکھنے کے منتظر ہیں۔
انہوں نے کہا کہ جو چیز مجھے امریکا اور پاکستان کے شراکت داری کے بارے میں سب سے زیادہ پرجوش بناتی ہے وہ یہ ہے کہ ہمارا تعاون ہمارے عوام کے درمیان گہرے اور پائیدار تعلقات پر مبنی ہے۔ آپ میں سے بہت سے افراد نے امریکا میں تعلیم حاصل کی، ہمارے تبادلے کے پروگراموں میں حصہ لیا ہے، اور امریکہ میں خاندان، دوست اور کاروباری شراکت دار رکھتے ہیں۔ میں ہر ایک کے ساتھ مل کر امریکا اور پاکستان کے درمیان شراکت داری کو مزید گہرا کرنے کے لیے کام کرنے کا منتظر ہوں۔
ایرک میئر نے کہا کہ میں پاکستان کی شاندار مہمان نوازی کا تجربہ کرنے، معدنیات سرمایہ کاری فورم میں شرکت کرنے، اور ہماری اہم شراکت داری کو مزید مستحکم اور فروغ دینے کے لیے اسلام آباد میں موجود ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایرک میئر پاکستان امریکا تعلقات وزیر اعظم شہباز شریف.ذریعہ: WE News
کلیدی لفظ: ایرک میئر پاکستان امریکا تعلقات وزیر اعظم شہباز شریف امریکا اور پاکستان کے شراکت داری کو مزید پاکستان کے ساتھ انویسٹمنٹ فورم ایرک میئر نے طرفہ تعلقات سرمایہ کاری میں پاکستان کرنے کے لیے امریکی وفد نے پاکستان شہباز شریف پاکستان کو اظہار کیا دلچسپی کے کے درمیان کے سینیئر نے کہا کہ کام کرنے انہوں نے کے لیے ا کرنے کی دو طرفہ
پڑھیں:
ایف بی آر اصلاحات سے ٹیکس نظام میں بہتری خوش آئند، مزید اقدامات یقینی بنائے جائیں، وزیرِاعظم
وزیرِاعظم شہباز شریف نے کہا ہے کہ ایف بی آر اصلاحاتی عمل سے ٹیکس نظام میں بہتری آئی ہے جو خوش آئند ہے، لیکن اس میں مزید بہتری کی گنجائش ہے، جس کے لیے مکمل عزم، ٹائم لائن اور حکمتِ عملی کے ساتھ اقدامات کیے جائیں۔
وزیراعظم کے زیرِ صدارت فیڈرل بورڈ آف ریونیو (ایف بی آر) میں جاری اصلاحاتی عمل پر اہم اجلاس منعقد ہوا جس میں وزیرِ خزانہ محمد اورنگزیب، مشیر احسن اقبال، وزیرِ مملکت علی پرویز ملک، چیئرمین ایف بی آر اور متعلقہ حکام شریک ہوئے۔
وزیراعظم کو بتایا گیا کہ حالیہ اصلاحاتی اقدامات کے نتیجے میں ٹیکس ٹو جی ڈی پی کا تناسب 9.2 فیصد سے بڑھ کر 10.6 فیصد تک پہنچ چکا ہے، جو 1.4 فیصد کا نمایاں اضافہ ہے۔
مزید پڑھیں: عام آدمی کے لیے آسان ٹیکس نظام، وزیرِاعظم شہباز شریف نے خصوصی ہدایات جاری کردیں
اجلاس میں ایف بی آر کے اندرونی نظام کی اصلاح، ڈیجیٹائزیشن، انفورسمنٹ اور فیس لیس نظام کی کارکردگی پر تفصیلی بریفنگ دی گئی۔ وزیراعظم نے ہدایت دی کہ انفورسمنٹ نظام کو مزید مؤثر اور فیس لیس نظام کو تیز تر بنایا جائے، تاکہ شفافیت اور کارکردگی میں اضافہ ہو۔
شہباز شریف نے زور دیا کہ آئندہ مالی سال کے لیے واضح اہداف، مقررہ مدت اور مؤثر حکمتِ عملی کے تحت اصلاحات کو جاری رکھا جائے۔ انہوں نے کہا کہ ٹیکس کے دائرہ کار کو بڑھانے کے لیے تاجر، صنعتکار اور متعلقہ اسٹیک ہولڈرز کو اعتماد میں لیا جائے۔
اجلاس میں وزیراعظم کو بتایا گیا کہ ایف بی آر کے اندر آئی ٹی، ڈیجیٹل انفراسٹرکچر اور افسران کی تربیت جیسے پہلوؤں پر بھی اصلاحاتی کام جاری ہے۔ وزیراعظم نے ان کوششوں کو سراہا اور ہدایت دی کہ تمام اقدامات کی نگرانی براہِ راست وزیرِ خزانہ اور وزیراعظم آفس کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف بی آر ٹیکس نظام چیئرمین ایف بی آر وزیراعظم شہباز شریف
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست