سینیٹر تاج حیدر کی نمازِ جنازہ ادا کردی گئی، اعلیٰ شخصیات کی شرکت
اشاعت کی تاریخ: 9th, April 2025 GMT
نمازِ جنازہ میں وزیراعلیٰ سندھ، گورنر سندھ، میئر کراچی، سید قائم علی شاہ، جسٹس (ر) مقبول باقر، ناصر حسین شاہ، شرجیل میمن، سعید غنی، منظور وسان، وقار مہدی، رضا ربانی، نثار کھوڑو، نجمی عالم، ارشد نقوی ایڈووکیٹ، ایس ایم نقی، شاہ محمد شاہ، سید شبر رضا سمیت دیگر سیاسی، سماجی و مذہبی شخصیات نے بڑی تعداد میں شرکت کی۔ متعلقہ فائیلیںاسلام ٹائمز۔ پاکستان پیپلز پارٹی کے مرکزی رہنما اور سینئر سیاستدان سینیٹر جناب تاج حیدر کی نمازِ جنازہ کراچی کی مسجد یثرب میں ادا کر دی گئی۔ جعفریہ الائنس کے سربراہ معروف عالم دین علامہ سید رضی جعفر نقوی نے نمازِ جنازہ پڑھائی۔ نمازِ جنازہ میں وزیراعلیٰ سندھ سید مراد علی شاہ، گورنر سندھ کامران خان ٹیسوری، میئر کراچی بیرسٹر مرتضیٰ وہاب، سابق وزیراعلیٰ سندھ سید قائم علی شاہ، سابق نگران وزیراعلیٰ سندھ جسٹس (ر) مقبول باقر، صوبائی وزراء ناصر حسین شاہ، شرجیل میمن، سعید غنی، منظور وسان، مشیر وزیراعلیٰ سندھ وقار مہدی، پیپلز پارٹی رہنماؤں رضا ربانی، قادر مندوخیل، نثار کھوڑو، نجمی عالم، ڈپٹی اٹارنی جنرل ارشد نقوی ایڈووکیٹ، ایس ایم نقی، مسلم لیگ ن کے رہنما شاہ محمد شاہ، جعفریہ الائنس کے رہنما سید شبر رضا سمیت دیگر سیاسی، سماجی و مذہبی شخصیات نے بڑی تعداد میں شرکت کی۔
.ذریعہ: Islam Times
پڑھیں:
سندھ حکومت نے موسمیاتی تبدیلی سے نمٹنے کیلئے کسانوں کی تربیت شروع کردی
کراچی:سندھ حکومت نے موسمیاتی تبدیلی سے نمٹنے اور صوبے کے زرعی شعبے کو محفوظ بنانے کے لیے جامع منصوبہ تیار کر لیا ہے۔
وزیر زراعت سندھ سردار محمد بخش مہر کا کہنا ہے کہ اس اقدام سے نہ صرف کسانوں کی آمدنی میں اضافہ ہوگا بلکہ صوبے میں غذائی تحفظ کو بھی یقینی بنایا جا سکے گا۔
صوبائی وزیر کا کہنا تھا کہ محکمہ زراعت سندھ نے موسمیاتی تبدیلی سے نمٹنے اور فی ایکڑ پیداوار بڑھانے کیلئے کسانوں کو تربیت دینے کیلئے کلائمٹ اسمارٹ ایگریکلچر منصوبہ کے تحت سندھ واٹر اینڈ ایگریکلچر ٹرانسفارمیشن (SWAT) پروگرام شروع کیا ہے۔
اس پروگرام کے تحت کسانوں کو جدید زرعی طریقے سکھائے جا رہے ہیں جن میں فصل کی پیداوار میں اضافہ، پودے کی اونچائی، شاخوں کی تعداد، کیڑوں کے خاتمے اور کم پانی میں کاشت جیسے عملی طریقے شامل ہیں۔
سردار محمد بخش مہر نے بتایا کہ یہ منصوبہ 5 سالہ ہے جو 2028 تک جاری رہے گا۔ اس دوران 180 فیلڈ اسکول قائم کیے جائیں گے اور 4500 کسانوں کو تربیت فراہم کی جائے گی۔ پہلے مرحلے میں رواں سال 750 کسانوں کو جدید زرعی تکنیکوں کی تربیت دی جا رہی ہے۔
محکمہ زراعت کی جانب سے ابتدائی طور پر سکھر، میرپور خاص اور بدین میں 30 ڈیمو پلاٹس اور فیلڈ اسکولز قائم کیے گئے ہیں۔ ان ڈیمو پلاٹس پر لیزر لینڈ لیولنگ، گندم کی قطاروں میں کاشت اور متوازن کھاد کے استعمال جیسے طریقوں کا عملی مظاہرہ کیا گیا۔
وزیر زراعت کے مطابق بدین کے کھورواہ مائنر میں زیرو ٹلج تکنیک کے تحت دھان کے بعد زمین میں بچی ہوئی نمی پر گندم اگائی گئی، جس سے اخراجات، پانی اور محنت میں نمایاں بچت کے ساتھ ماحولیات کو بھی فائدہ ہوگا۔
انہوں نے مزید کہا کہ تربیت مکمل ہونے کے بعد تمام کسانوں کو سبسڈی فراہم کی جائے گی تاکہ وہ اپنی زمینوں پر یہ جدید طریقے اپنائیں اور دوسروں کے لیے مثال قائم کریں۔
سردار محمد بخش مہر نے کہا کہ موسمیاتی تبدیلی پاکستان کے زرعی شعبے کے لیے بڑا خطرہ بن چکی ہے، جس کے باعث فصلیں متاثر ہو رہی ہیں اور کسان نقصان اٹھا رہے ہیں۔ اسی صورتحال سے نمٹنے کے لیے سندھ حکومت نے کسانوں کی تربیت کے ذریعے عملی اقدامات شروع کیے ہیں۔
نیپال میں ’جنریشن زی‘ تحریک، بھارت کے خطے میں بالادستی کے عزائم بے نقاب