فارم 47 کی جعلی حکومت سے نجات میں ہی ملک کی بقاء ہے، شمس کرد
اشاعت کی تاریخ: 9th, April 2025 GMT
جمہوری وطن پارٹی کے رہنماء شمس کرد نے کہا کہ موجودہ حکمرانوں کو عوام نے منتخب نہیں کیا۔ یہ ٹولہ اپنے آپکو لوگوں کے سامنے جوابدہ نہیں سمجھتا۔ اسلام ٹائمز۔ جمہوری وطن پارٹی کے مرکزی سیکرٹری اطلاعات شمس کرد نے کہا ہے کہ فارم 47 کے جعلی حکمرانوں کی نااہلی اور قومی مفاد کی بجائے ذاتی مفادات کو ترجیح دینے کے باعث آج بلوچستان بھر میں نظام زندگی مفلوج ہے۔ قومی شاہراہوں کو کنٹینیرز کے ذریعے بند کرکے جعلی نمائندوں نے ثابت کر دیا ہے کہ انہیں عوام نے منتخب نہیں کیا۔ یہ ٹولہ اپنے آپ کو لوگوں کے سامنے جوابدہ نہیں سمجھتا۔ اس لئے وہ اقتدار کو طول دینے کیلئے غیرآئینی اور غیر قانونی اقدامات سے دریغ نہیں کر رہے۔ نام نہاد جمہوریت کی آڑ میں آمرانہ دور کو بھی پیچھے چھوڑ دیا گیا ہے۔
شمس کرد نے کہا کہ ناقص پالیسیوں نے ملک میں بے چینی پیدا کر رکھی ہے۔ آئینی کی پامالی، انسانی حقوق کی خلاف ورزیاں، سفارش اور رشوت نے اداروں کو کمزور کر دیا ہے۔ ترقیاتی منصوبے کاغذوں تک محدود ہیں۔ کوئٹہ پراجیکٹ کے نام پر شہر کو کھنڈرات میں تبدیل کر دیا گیا ہے۔ مختلف منصوبوں میں بار بار توسیع کا مقصد صرف مال بٹورنا ہے۔ انہوں نے کہا کہ جب حقیقی عوامی نمائندوں کو کامیابی کے باوجود دیوار سے لگایا جائے تو اس کے نتائج سنگین برآمد ہونگے، جو آج ہم مختلف بحرانوں کی شکل میں دیکھ رہے ہیں۔ اس لئے ان مسائل سے نجات کیلئے 47 کی جعلی حکومت سے نجات میں ہی ملک کی بقاء ہے۔
ذریعہ: Islam Times
کلیدی لفظ: نے کہا
پڑھیں:
آپ جو انڈہ کھا رہے ہیں وہ اصلی ہے یا نقلی؟ فیکٹری میں بنے جعلی انڈوں کی ویڈیو وائرل
خوراک میں ملاوٹ کا سلسلہ دن بدن خطرناک صورت اختیار کرتا جا رہا ہے۔ اب قدرتی غذاؤں کی مصنوعی شکلیں بھی عام ہونے لگی ہیں، جن میں ’مصنوعی انڈے‘ سرفہرست ہیں۔ یہ انڈے ظاہری طور پر بالکل اصلی محسوس ہوتے ہیں، تاہم درحقیقت یہ مختلف کیمیکلز کو ملا کر فیکٹریوں میں تیار کیے جاتے ہیں۔
حالیہ دنوں سوشل میڈیا پر ایک ویڈیو وائرل ہوئی ہے جس میں دکھایا گیا ہے کہ کس طرح چند منٹوں میں کیمیکل سے بنے جعلی انڈے تیار کیے جا رہے ہیں۔ ویڈیو میں دیکھا جا سکتا ہے کہ پہلے ایک شفاف مائع تیار کیا جاتا ہے، جس سے انڈے کی سفیدی اور زردی علیحدہ علیحدہ بنائی جاتی ہے۔ بعد ازاں انہیں انڈے کے سانچوں میں ڈال کر سخت کیا جاتا ہے تاکہ وہ اصلی انڈوں جیسے دکھائی دیں۔
آپ جو انڈا کھا رہے ہیں، ممکن ہے وہ کسی مرغی کا نہ ہو۔ کیمیکل مائع سے بنائے گئے جعلی خولوں کے ساتھ جعلی انڈے منٹوں میں تیار کیے جا رہے ہیں۔ pic.twitter.com/VDHTpwANot
— Mehwish Qamas Khan (@MehwishQamas) November 3, 2025
ویڈیو دیکھنے کے بعد صارفین اس پر مختلف تبصرے کرتے نظر آئے، ایک صارف نے لکھا کہ یہ نقلی انڈے ہی ہوں گے کیونکہ اتنے اربوں لوگوں کو یہ انڈے کیسے ہر جگہ مل جاتے ہیں۔اور ہر دکان میں ہزاروں پڑے ہوتے ہیں۔
ایسا ہی ہوگا کیونکہ اتنے اربوں لوگوں کو یہ انڈے کیسے ہر جگہ مل جاتے ہیں۔اور ہر دکان میں ہزاروں پڑے ہوتے ہیں۔
— Zahran (@Zahraan___) November 3, 2025
تحسین علی نے مزاحیہ انداز اپناتے ہوئے کہا کہ اسی وجہ سے میں نے اپنی مرغی رکھی ہوئی ہے۔
اسی وجہ سے میں نے ذاتی مرغی رکھی ہوئی ہے ????
— ???????????????????????????? ???????????? (@Tahseen_gilgiti) November 3, 2025
کئی صارفین یہ سوال پوچھتے نظر آئے کہ آخر اصلی اور نقلی انڈے کی پہچان کیا ہے اور اس کا فرق کیسے پہچانیں گے جبکہ کئی صارفین کا کہنا تھا کہ یہ سب جھوٹ ہے ایسے انڈے دنیا میں کہیں بھی موجود نہیں۔
ایک تحقیقی مقالے کے مطابق مصنوعی انڈوں کے خول بنانے کے لیے کیلشیئم کاربونیٹ، میگنیشیم کاربونیٹ، ٹرائی کیلشیئم فاسفیٹ، پروٹین، اولبومین اور لائسوزائم جیسے کیمیکلز استعمال کیے جاتے ہیں۔ اسی طرح انڈے کی سفیدی تیار کرنے کے لیے گلوبولین، اوگلائیکو پروٹین اور سیسٹین جبکہ زردی کے لیے سیرم البومین اور دیگر مصنوعی مادے شامل کیے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اصلی اور نقلی انڈے کی پہچان نقلی انڈے ویڈیو وائرل
حیدر آباد میں ڈینگی سے ہلاک نوجوان کے والد عدالت پہنچ گئے