شہری اربوں روپے مالیت کی گاڑیوں، موٹرسائیکلوں سے محروم
اشاعت کی تاریخ: 10th, April 2025 GMT
سی پی ایل سی نے سال کے ابتدائی تین ماہ کے دوران کراچی میں لوٹ مار کی تفصیل جاری کردی
کروڑوں مالیت کی 537گاڑیوں اور 12ہزار 182موٹر سائیکلوں سے شہریوں کو ہاتھ دھونا پڑا
شہر میں گزشتہ ماہ مارچ کے مہینے میں بھی لوٹ مار کی وارداتوں میں شہری بھاری مالیت کی 160 گاڑیوں اور 4179 موٹر سائیکلوں سے محروم کر دیے گئے جبکہ اس دوران شہریوں سے مجموعی طور پر 1312 موبائل فونز بھی چھین لیے گئے جبکہ رواں سال کے ابتدائی 3 ماہ جنوری ، فروری اور مارچ میں مجموعی طور پر کروڑوں روپے مالیت کی 537 گاڑیوں اور 12 ہزار 182 موٹر سائیکلوں سے شہریوں کو ہاتھ دھونا پڑا جبکہ اسی 3 ماہ کے دوران شہریوں سے مجموعی طور 4300 موبائل فون بھی چھین لیے گئے۔ پولیس افسران کے کرائم میں کمی کے دعوے اپنی جگہ لیکن شہریوں سے لوٹ مار کا سلسلہ بھی بدستور جاری ہے۔ سی پی ایل سی کی جانب سے گزشتہ ماہ مارچ کے مہینے میں شہریوں سے لوٹ مار کی وارداتوں سے متعلق اعداد شمار جاری کیے گئے ہیں جس کے مطابق گزشتہ ماہ شہریوں کو مجموعی طور پر 160 گاڑیوں سے محروم ہونا پڑا جس میں 21 گاڑیاں شہر کی سڑکوں سے چھینی جبکہ 139 گاڑیوں کو چوری کرلیا گیا۔گزشتہ ماہ شہریوں سے مجموعی طور پر 4179 موٹر سائیکلیں چوری و چھینی گئیں جس میں 574 موٹر سائیکلیں چھینی جبکہ 3605 موٹر سائیکلیں چوری کی گئیں اس دوران شہریوں سے 1312 موبائل فونز بھی چھینے گئے۔گزشتہ ماہ اغوا برائے تاوان کی ایک واردات جبکہ بھتہ خوری کی 9 وارداتیں رپورٹ ہوئیں اس دوران شہر میں قتل و غارت گری کے دوران 42 شہریوں کو بھی موت کے گھاٹ اتار دیا گیا۔نئے سال 2025 کے ابتدائی 3 ماہ جنوری ، فروری اور مارچ کے اعداد و شمار کا جائزہ لیا جائے تو 3 ماہ کے دوران مجموعی طور پر شہریوں کو کروڑوں روپے مالیت کی 537 گاڑیوں سے محروم ہونا پڑا جس میں 88 گاڑیاں چھینی اور 449 گاڑیاں چوری کی گئیں۔اسی طرح سے 3 ماہ کے دوران شہریوں سے مجموعی طور پر 12 ہزار 182 موٹر سائیکل سے محروم ہونا پڑا جس میں 1740 موٹر سائیکلیں چھینی جبکہ 10 ہزار 242 موٹر سائیکلوں کو چوری کرلیا گیا ، 3 ماہ کے دوران شہریوں سے مجموعی طور پر 4 ہزار 300 موبائل فونز چھین لیے گئے۔سی پی ایل سی رپورٹ کے مطابق گزشتہ 3 ماہ کے دوران شہر میں قتل و غارت گری کی وارداتوں میں 132 افراد جاں بحق ، اغوا برائے تاوان کی 5 جبکہ بھتے کے مجموعی طور پر 24 واقعات رپورٹ ہوئے۔
.
ذریعہ
ذریعہ: Juraat
پڑھیں:
ڈالر کا ریٹ برقرار، دیگر غیرملکی کرنسیوں کے نئے نرخ جاری
کراچی: پاکستان کے اوپن مارکیٹ میں ڈالر کا ریٹ سمیت دیگر اہم غیرملکی کرنسیوں کے تازہ خرید و فروخت کے نرخ جاری کر دیے گئے ہیں، جن کے مطابق امریکی ڈالر کی قیمت میں معمولی استحکام دیکھا گیا ہے۔
کرنسی ڈیلرز کے مطابق امریکی ڈالر کی خریداری 278 روپے 85 پیسے جبکہ فروخت 278 روپے 95 پیسے میں ریکارڈ کی گئی۔
اسی طرح برطانوی پاؤنڈ کی خریداری 373 روپے 28 پیسے اور فروخت 377 روپے 95 پیسے رہی، جبکہ یورو کی خریداری 318 روپے 99 پیسے اور فروخت 322 روپے 68 پیسے پر ہوئی۔
خلیجی ممالک کی کرنسیوں میں سعودی ریال کی خریداری 74 روپے 69 پیسے اور فروخت 75 روپے 35 پیسے ریکارڈ کی گئی۔ اسی طرح متحدہ عرب امارات کے درہم کی خریداری 76 روپے 45 پیسے جبکہ فروخت 76 روپے 95 پیسے میں ہوئی۔
دوسری جانب چینی یوآن کی خریداری 38 روپے 17 پیسے جبکہ فروخت 38 روپے 92 پیسے ریکارڈ کی گئی۔
ماہرین کے مطابق عالمی مالیاتی منڈیوں میں اتار چڑھاؤ اور مقامی طلب و رسد کے باعث کرنسی مارکیٹ میں روزانہ کی بنیاد پر معمولی ردوبدل دیکھنے میں آتا ہے، جس کے باعث درآمد کنندگان، برآمد کنندگان اور بیرون ملک سفر کرنے والے افراد ان نرخوں پر گہری نظر رکھتے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم