پی ٹی آئی سیاسی حقیقت ہے اسے انگیج کیا جانا چاہیے
اشاعت کی تاریخ: 10th, April 2025 GMT
لاہور:
ایکسپریس میڈیا گروپ کے گروپ ایڈیٹر ایازخان نے کہا ہے وزیراعظم شہبازشریف باربار اعتراف کرتے ہیں کہ آرمی چیف کی بدولت ملکی معاملات اچھے ہورہے ہیں ورنہ ہم اس قابل نہیں تھے کہ یہ سب کرلیتے.
انھوں نے ایکسپریس نیوز کے پروگرام ’’ایکسپرٹس‘‘ میں گفتگو کرتے ہوئے کہا کہ یہ پہلی بار ہوا کہ کوئی وزیراعظم کھلے دل سے کہہ رہا ہے یہ سب کچھ ادھر سے ہورہا ہے ورنہ ہم توصرف اعلان ہی کرتے ہیں.
بیوروچیف اسلام آباد عامر الیاس رانا نے کہاکہ ابتری بہتری کی طرف جانا شروع ہوئی ہے، پی ٹی آئی سیاسی حقیقت ہے اسے انگیج کیا جاناچاہیے، وزیراعظم ،صوبوں کوبھی ساتھ ملائیں، اچھی خبریں ارہی ہیں مگر عام ادمی تک ثمرات پہنچنے میں ابھی وقت باقی ہے.
بیوروچیف کراچی فیصل حسین نے کہاکہ خبریں اچھی آرہی ہیں، لوگوں کے احساس تحفظ اور قوت خرید سے بہتری کا پتہ چلتا ہے، محدودامدن والے تنخواہ داروں تک اثرات پہنچیں گے تو پتہ چلے گا، ابھی تو دعا بھی احتیاط سے کرنی چاہیے کہ کہیں پیکاایکٹ نہ لگ جائے، اگر پی ائی اے واقعی منافع میں اگئی ہے تو یہ قابل تحسین ہے اور اسے بیچنے کی ضرورت نہیں.
تجزیہ کار خالد قیوم نے کہاحکومتی معاشی اعدادوشمار کے علاوہ عالمی ادارے بھی اس کی تائیدکرتے نظر ارہے ہیں تاہم اصل سوال یہ ہے کہ معاشی اشاریے کیا عام ادمی تک بھی پہنچیں گے، اگر پی آئی اے نے واقعی 26 ارب کا منافع کمایا ہے تو عازمین جج اور مسافروں کے کرایوں پربھی اثر پڑنا چاہیے.
بیوروچیف لاہور محمد الیاس نے کہا کہ حکومت اس طرح کے اقدامات کرتی رہی،نظر انداز رہنے والے معدنی وسائل کے حوالے سے ملک میں سرمایہ کاری آئے گی تو فائدہ ہوگا، پی ائی آے منافع میں آئی ہے تودیگر اداروں کوبھی دیکھاجائے تاہم امن وامان میں بہتری تک سب ٹھیک نہیں ہوسکتا،پی ٹی ائی کی قیادت میں اختیارات کا مسئلہ ہے۔
ذریعہ
ذریعہ: Express News
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم